1 Corintios 14:16 - Qullan Arunaca

¹⁶ Jumatejj ajayunaqui Diosarojj yupaychätajja, mä alek ist'iric jutirejj janiw juma chica oración lurcaraquispati cuna parlatamsa jan amuyatap laycu.

Aymar Bibliia 1986

¹⁶ Jumatejj ajayunaqui Diosarojj yupaychätajja, mä alek ist'iric jutirejj janiw juma chica oración lurcaraquispati cuna parlatamsa jan amuyatap laycu.

Qullan Arunaka DC

¹⁶ Jumatix ajayumampik Diosar yupaychstaxa, ukat mä aliq jaqitix ist'ätamxa, janiw juman yuspagaratamampix chikachaskaniti, janirakiw juman parlatamsa amuyt'kaniti.

1 Corintios 14:16 Jak'a apnaqawi uñst'ayäwi

1 Reyes 1:36

Joiada ucan Benaía yokapasti reyirojj saraquïnwa: —¡Uqhamäpan, uqhamarac Tatitus arsuracpan, juma jach'a reyin Diosamasa!

1 Crónicas 16:36

¡Israelan Tatit Diosapajja bendecitäpan, wiñayan wiñayapataqui!” Ucatsti take jakenacawa arsupjjäna: “Uqhamäpan” sasa, ucatsti Tatituruw yupaychapjjäna.

Nehemías 5:13

Uqhamaraquiw isejjsa thalarasta aqham sasa: “Uqhamwa Diosajj utapatsa, orakepatsa ankäjjaru thalanucuni, take qhitinacatejj uca juramento jan phokhapcani ucanacampejja, uqhamarac aparani take cunapatejj utjqui ucanacsa” sasa. Ucatsti take jakenacawa arsupjjäna: “Uqhamäpan” —sasa. Ucatsti Tatituruw yupaychapjjäna. Jakenacasti cuntï arsupcäna lurañataqui ucanacjja phokhapjjänwa.

Nehemías 8:6

Ucatjja Esdrasajj take ch'aman Tatit Diosaruwa yupaychäna, ucatsti take jakenacawa amparanacapa altor loktasina arsupjjäna: “¡Uqhamäpan! ¡Uqhamäpan!” sasa. Ucatjja orakeru parampi jiquisiyañcamaw alt'apjjäna, ucatsti Tatiturojj yupaychapjjänwa.

Salmos 106:48

Israelan Tatit Diosapajj jach'añchatäpan, wiñayat wiñaycama. Takpach marcajj sispan: “¡Uqhamäpan!” sasa. ¡Tatitojj jach'añchatäpan!

Salmos 41:13

¡Israelan Tatit Diosapajj jach'añchatäpan, jichhasa, wiñayan wiñayapansa! ¡Uqhamäpan!

Salmos 72:19

kollan sutipajj wiñayatac jach'añchatäpan, khapak cancañapasti oraker phokhantpan. ¡Uqhamäpan!

Salmos 89:52

Tatitojj wiñayatac jach'añchatäpan: ¡Uqhamäpan!

Jeremías 11:5

Jumanacatejj nayaru ist'apjjetätajja, nayajj cuntejj nayra awquinacamar juramentompi arscta ucjja phokhäwa, mä orake churapjjäma sasa, uca orakesti cawqhancapctatejj jichhajj uca orakewa, cawqhantejj leches misq'is umjam jalasqui uca.” Nayasti saraquïyätwa: “Jïsa Tata” sasa.

Jeremías 28:6

“¡Jïsa, añchaquit Tatitojj uqham lurcaspa! ¡Añchaquit Tatitojj, cuna arunactejj parlcta ucanacjja phokcaspa, take cunanacatejj templota apatäqui uca yänacsa aca chekaru cuttayanitäjjaraquispa, uqhamaraqui take qhitinacatejj Babiloniaru apatäpqui jupanacasa cuttanjjapjjaraquispa!

Números 5:22

Aca mutuyawiw jumarojj jutaniwa cunapachatejj uca maldicit uma umt'cäta ucapacha.’ Ucatsti warmejj arsuniwa: ‘Uqhamäpan’ sasa.

Mateo 15:36

Uca pakallko t'ant'ampi, chawllanacampi catusinjja, alajjpach uñtasinwa Diosarojj yuspagaräna. T'ant'a pachjasinsti discipulonacaparuw laquintäna, jupanacasti take jakenacaruraquiw churaraquïna.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Juan 21:25

Utjaraquiwa waljanacampi Jesusan luratanacapajja. Sapa mayatejj kellkasispajja, amuyatajja uca kellkatanacajj aca orakpachatsa jilaraspawa.

Juan 7:15

Judionacasti muspharatäpjjänwa, ucatsti sapjjaraquïnwa: —¿Cunjämats jan qhitin yatichatäsinsa take acanacjja yati? —sasa.

Hechos 4:13

Ucapachajj jilïrinacajj Pedrompir Juanampir wali ch'amampi parlir uñjasinjja muspharataw uñjasipjje, jan suma yatichata jakenacäpjjatap yatisina. Ucatsti amuyapjjaraquïnwa chekpachapuni Jesusamp chica sarnakerïpjjatapa.

1 Corintios 11:24

yuspagarasinsti, pachjänwa, ucat säna: “Mank'apjjam, acajj janchejjawa jumanac laycuraquiw t'unjata. Acsti nayat amtasis lurapjjam” sasa.

1 Corintios 14:14

Nayatejj mä jan uñt'at aruta oración lurirista ucqhajja, chekpachansa ajayojjampiw oración lurasctjja, ucampis amuyojjampejj janiw cuna ascsa jicjjatcti.

1 Corintios 14:2

Jan uñt'at arunacat parlir jakejja Diosaruw parli, janiw jake masiparu parlquiti, janiraquiw qhitis parlatapjja amuyquiti. Cuntejj parlqui ucjja ajayu toket parli ucampis ucajj jaketaquejj jan amuyt'cayawa.

1 Corintios 16:24

Take jumanacarusti munasiñajjwa apayanipjjsma Cristo Jesús Tatituncasinjja.

2 Corintios 1:20

Jupanaracwa take Diosan arsutanacapajj phokhasejja. Ucatpï cunapachatejj Diosar yupaychctan ucqhajj “Uqhamäpan” sistanjja, Cristo Jesús toke.

Apocalipsis 22:20

Acanac khanañchiristi siwa: “Nayasti janc'aquiw jutä” sasa. Uqhamäpan. ¡Jutascaquim, Tatit Jesús!

Apocalipsis 5:14

Uca pusi jacasquirinacasti sapjjaraquïnwa: “Uqhamapunïpan” sasa. Uca pä tunca pusini chuyman jakenacasti quillt'asisinwa yupaychapjjaraquïna, qhititejj wiñayan wiñayapataqui jacqui ucaru.

Apocalipsis 7:12

aqham sasa: “¡Uqhamäpan! Yupaychatäñasa, jach'a cancañasa, yatiñasa, yuspagarañasa, jach'añchañasa, munañanïñasa, ch'amanïñasa, Tatit Diosasancpan, wiñayan wiñayapataqui. Uqhamäpan!”