1 Corintios 11:25 - Qullan Arunaca

²⁵ Mank'a tucutatsti copa astasinjja saraquïnwa: “Aca copajj jichhajj machak arust'äwiwa nayan wilajjampi chimpuntatawa. Sapa cuti umapcäta ucqhajja, nayat amtasisaw lurapjjäta” sasa.

Aymar Bibliia 1986

²⁵ Mank'a tucutatsti copa astasinjja saraquïnwa: “Aca copajj jichhajj machak arust'äwiwa nayan wilajjampi chimpuntatawa. Sapa cuti umapcäta ucqhajja, nayat amtasisaw lurapjjäta” sasa.

Qullan Arunaka DC

²⁵ Uka pachparakiw manq'añ tukuyasax qiru astäna, ukat sarakïna: “Aka qirux machaq arust'äwiwa, wilaxampi chimpuntata. Sapa kuti umapkät ukkhaxa, nayat amtasisaw lurapxäta” sasa.

1 Corintios 11:25 Jak'a apnaqawi uñst'ayäwi

Éxodo 24:6

Moisesajj chicat wila catokasinsti jach'a purüñanacaruw warantäna, ucat chicat wilampisti altararuraquiw ch'allsuraquïna.

Éxodo 24:8

Ucat Moisesajj wilampi jakenacaru ch'allt'asinjja sänwa: —Aca wilaw yatiyi, Tatitojj cunanactejj sapctam uca suma amtäwiru mantatjja, take cunanacat sipana.

Jeremías 31:31

Tatitojj siwa: “Mä uruw puriniraquini cunapachatejj nayajj Judá marcampisa, Israel marcampisa mä suma machaka arust'äwi lurcä uca urojja.

Lucas 22:20

Copa astasinjja uca pachparac luraraqui, mank'añ tucuyatatjja, saraquiwa: —Aca copajj machak arust'äwiwa wilajj toke, acasti jumanacan asquimataquiw wartasi.

1 Corintios 10:16

Cunapachatï bendicita copat umctan Diosar yuspagarasina ucqhajja, Criston wilapan mayaquïtaswa uñacht'aytan. Cunapachatï t'ant'a pachjtan ucqhajja, Criston cuerpopan mayaquïtas uñacht'ayaractan.

1 Corintios 11:24

yuspagarasinsti, pachjänwa, ucat säna: “Mank'apjjam, acajj janchejjawa jumanac laycuraquiw t'unjata. Acsti nayat amtasis lurapjjam” sasa.

2 Corintios 3:14

Ucampis jupanacajj janiw amuyapcänti. Jichhas cunapachatï uca nayra arust'äwi leet'asipqui ucqhajja, janiw amuyapquiti. Uca velosti janiw jupanacat apakatäquiti, Cristoquiw uca veljja apakaspa.

2 Corintios 3:6

Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.