1 Corintios 10:13 - Qullan Arunaca

¹³ Take yant'anactï jumanacajj t'akhesipcta ucanacajja, cunjämtï mayninacajj t'akhesipqui uqhamaraquiquiwa. Jumanacajj Diosaruw catuyasipjjañamajja, jupasti janiw jumanacarojj jach'a jan atipcaya yant'anacjja churapcätamti. Cunapachatï yant'ajj jutcani ucqhajja, Diosajj cunjämatsa uca yant'ar atipjañjja yanapapjjaraquïtamwa, uqhamatwa atipjapjjäta.

Aymar Bibliia 1986

¹³ Take yant'anactï jumanacajj t'akhesipcta ucanacajja, cunjämtï mayninacajj t'akhesipqui uqhamaraquiquiwa. Jumanacajj Diosaruw catuyasipjjañamajja, jupasti janiw jumanacarojj jach'a jan atipcaya yant'anacjja churapcätamti. Cunapachatï yant'ajj jutcani ucqhajja, Diosajj cunjämatsa uca yant'ar atipjañjja yanapapjjaraquïtamwa, uqhamatwa atipjapjjäta.

Qullan Arunaka DC

¹³ Jumanakan janiw kuna yant'as jan atipjkayax utjapktamti. Jumanakasti Diosaruw katuyasipxañama, jupasti janiw jumanakarux jan atipkay yant'anakamp t'aqhisiyapkätamti. Jan ukasti, kunapachatix yant'ax jutkan ukkhaxa, Diosaw jumanakarux kunjämat uka yant'ar atipjañsa yanapt'apxätam, ukhamat atipt'apxäta.

1 Corintios 10:13 Jak'a apnaqawi uñst'ayäwi

Salmos 124:7

Jamach'ir uñtataw jacañ khespiyasipjjtan, jiwayirin waquichat sipitapata; sipitajj t'akasïnwa, jiwasanacasti jaltjjapjjtanwa.

Salmos 125:3

Ñankha lurir jakenacan munañan cancañapajj janiw wiñayatac asqui jakenacar apnakcaniti; asqui jakenacan ñankha jan lurasipcañapataqui.

Salmos 36:5

Tatay, munasiñamajj alajjpachcamaw puri, asqui cancañamasti alajjpachcamaw jict'asi,

Salmos 89:33

Davidar munasitajjsti janiw jaytanuccäti, janiraquiw jupar arsutajj phokhañs armascäti.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Isaías 11:5

Chekaparu uñjaña cancañampi, suma chuymampi isthapitaw sararaquini.

Isaías 25:1

Tata, jumätaw nayan Diosajjajja; nayajj jumaruw yupaychsma, sutimsa bendiciractwa, muspharcaña amtatanacamwa phoktajja uca laycu, ucanacasti chekapapuniwa imantasiñajjaraquiwa nayra pachanacatpacha.

Isaías 49:7

Khespiyiri Tatitusti, Israelan Kollan Diosapajja, k'ala jisc'achjat marcaru: cawquirïrutejj yakha marcanacar uñisqui, cawquïritejj khoru jakenacan esclavopäcän ucarojj siwa: “Cunapachatejj reyinacasa, jilïrinacas uñjapjjätam ucapachajja, sartasipjjaniwa juma nayrakatan alt'asipjjani, naya Tatitu, Israelan Kollan Diosapaw jumarojj ajllissma, arsutanacajjsti phokharactwa” sasa.

Jeremías 12:5

“Cayut sariri jakenacampi sarasatejj wali karstajja, ¿cunjämaraqui saräta caballot sariri jakenacampi chicasti? Suma orakenjja c'uchiquïsctawa, ucampisa ¿cunsa luräta Jordán token alinac taypinjja?

Jeremías 29:11

Nayasti yatiractwa cuna amtäwinacatejj jumanacataqui utjquitu ucanacjja, uca amtäwinacasti jumanacan asquinacamataquiwa, janiw jumanacan jan walt'apjjañanacamataquïquiti, uqhamat khepa urunacanjja wali suma jacasipjjañanacamataqui, suyt'añanacansa phokhantataraqui. Naya Tatituw ucjja arsta.

Lamentaciones 3:23

Sapärmanthiw machakar tucuraqui, ¡cunja jach'as Tatitun chekapätapajja!

Daniel (hebreo) 3:17

—Nanacan Dios Awquejjasti, qhitirutejj nanacajj yupaychapjjta ucasti nanacarojj uca akquiri ninatsa apsusinipcaquitaspawa, uqhamaraqui take jan walinacatejj lurasqui ucanacatsa khespiyapjjaraquitaniwa.

Oseas 2:20

Esposajjaruw tucuyasïma, jumaruquiraquiw munäma, ucapachaw jumajj Tatiturjam uñt'asitäta.

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Lucas 11:4

Juchanacajjatjja perdonapjjeta, cunjämatejj nanacajj jan wali lurapquitus ucanacarojj perdonapjjta uqhama. Jan yant'äwir puriyapjjestati, [jan ucasti ñankhata khespiyapjjeta]” —sasa.

Lucas 16:26

Uqhamarusa mä jach'a mic'aya mankhew utji nanacampi, jumanacampi jaljasa. Uqhamasti qhitinacatï acat ucscataru maqhatañ munapjje ucanacajj janiw maqhatancaspati, ni ucscatatsa acscatarus maqhatanipcaspati’ sasa.

Lucas 22:46

Ucapachaw discipulonacaparojj saraquïna: —¿Cunatsa iquisipcta? Sartasipjjam, mayisipjjam jan yant'äwir mantapjjañamataqui —sasa.

Hechos 27:44

Sascaquïnwa: Mayninacasti khepat mistupjjaraquim, tablanacjjata, jan ucajj barco c'ullunacjjatsa” sasa. Uqham lurasinwa takenis sumaqui waña oraker misturjjapjjäna.

1 Corintios 1:9

Diosajj arsutanacaparojj phokhapuniwa. Juparaquiw Jesucristo Tatitusampi chekäpjjañamataqui jawsapjjtamjja.

2 Corintios 1:10

Diosaw khespiyapjjetu, jichhas khespiyasipcaquituwa uca jach'a jiwañatjja. Juparu catuyasisaquiw suyt'asipcaracta, jichhas yanapasipcaquitaniwa,

Deuteronomio 7:9

Yatipjjam, Tatitu Diosasti jupa sapaquiwa cheka Diosajja, jupaquiraquiwa take suma arust'äwinacapsa munasiñampi wawanacapan wawanacapampi phokharaqui, qhitinacatï take munasiñ chuymampi munapqui uqhamaraqui camachi arunacapsa phokhapcaraqui ucanacaru.

1 Tesalonicenses 5:24

Cawquïritejj jawsapctam ucajja phokheriwa, uqhamajj phokhaniw take acanacjja.

2 Tesalonicenses 3:3

Ucampis Tatitojj chekawa, jupajj ch'amañchapjjätamwa, take jan walitsa imapjjaraquïtamwa.

2 Timoteo 4:18

Tatituw take jan walit khespiyasquitani, uqhamarac alajjpach reinopataquiw imaraquitani. ¡Jach'añchatäpan jupajj wiñayan wiñayapataqui! Uqhamäpan.

Hebreos 10:23

Ch'aman sayt'asipjjañäni, jan pächasisa, iyawsäwisanjja cuntejj suyt'ctan ucanjja, Diosasasti phokhaniwa cuntejj arsuwayquistu ucjja.

Hebreos 11:11

Iyawsäwi laycuraquiw Sara warmis, wali chuymanëjjasas Diosat ch'am catokänjja wawanïñataqui; Diosan arsutapar iyawsatap laycuw wawanïna.

Hebreos 12:4

Jumanacajj janïrapï jiwapctatejj juchampi nuwasiñanjja.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

1 Pedro 4:19

Uqhamajja, Diosan munañaparjam t'akhesirinacajja, asquinac lurasipcañapaquiwa, Diosaruraquiw almanacapsa catuyasipjjañapa, qhititejj jiwasar lurirïqui ucaru, jupasti chekaparaquiwa.

2 Pedro 2:9

Uqhampï Tatitojj wawanacapar jan walinacat khespiyañ yatejja, uqhamarac jan wali jakenacar taripäwi urutac imañsa, mutuyatäpjjañapataqui.

1 Juan 1:9

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.

Apocalipsis 19:11

Ucatsti alajjpacha jist'arata uñjta, mä jank'o caballoraquiw uñstanïna. Uca caballor lat'jjatat jakesti, Cheka, Asqui sataraquïnwa. Jupasti cheka cancañampiw take cunsa apnake, nuwasiraquisa.

Apocalipsis 2:10

Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.

Apocalipsis 3:10

Llamp'u chuymanïma satajj-jja ist'istawa, ucataracwa jichhajj jumar imäma cuna yant'anacatejj aca orakpacharu jutcani ucanacatjja. Uca yant'anacasti aca oraken utjiri jakenacar yant'añataquiw jutani.

1 Samuel 29:10

Uca laycu, jumasa uqhamaraqui jumampi chica jutapqui uca jakenacasa, arumanthi alwatajj khanjtanipanwa sartasina cuttawayjjapjjäta.