1 Corintios 10:11 - Qullan Arunaca

¹¹ Take acanacaw nayra awquinacasarojj pasatayna. Ucanacasti kellkatawa jiwasanacan amuyt'asipjjañasataqui, ucatsti jan uqham lurañasataqui.

Aymar Bibliia 1986

¹¹ Take acanacaw nayra awquinacasarojj pasatayna. Ucanacasti kellkatawa jiwasanacan amuyt'asipjjañasataqui, ucatsti jan uqham lurañasataqui.

Qullan Arunaka DC

¹¹ Taqi akanakaw nayra awkinakasampix lurasitayna, jiwasatak mä uñtasïwïñapataki, ukanakasti, aka urunakan jakapktan ukanakar iwxt'añatak qillqatawa.

1 Corintios 10:11 Jak'a apnaqawi uñst'ayäwi

Génesis 19:35

Uca arumpachaw awquiparojj wasitat vino churapjjäna, sullca phuchasti awquipampiw iquintaraquïna, ucampisa Lot chachajj janiraquiquiw amuycänti cunapacha phuchapan iquintatapsa, uqhamarac sartjjatapsa.

Salmos 102:18

Acanacajj jutir mita jakenacatac kellkatäpan, machakat utt'ayat marcan Tatitur jach'añchañapataqui.

Ezequiel 5:15

Cunapachatejj nayajj wali jach'a colerasiñampi juma toke arsutanacajj phokcä, uqhamaraqui jan qhuyapt'ayasisa mutuycäma ucapachasti, takeniw jan wali arunacampi arnakapjjätam, ñankhachapjjaraquïtam, cawquïri marcanacatejj jumaru muyuntatäqui ucanacataquisti mä jach'a yatichäwiraquiyätawa. Naya Tatituw ucjja arsta.

Mateo 13:39

Jan wali jathampi phawantirïqui ucasti, pachpa supayawa. Yawthapiña horasasti acapach tucuscan uca uruwa, uca yapu apthapiristi angelanacawa.

Mateo 13:40

Cunjämtejj jan wali koranacajj apthapisejja ninaru phichhantañataquejja, uqhamaraquiw lurasini acapachan tucusiñap urunjja.

Romanos 13:11

Take acanacjja amuyasipjjam, cuna urunacantejj jacctan uca, iquit sartasiñajja horasäjjewa. Jiwasan khespiyasiñasasti sinti jac'anquiwa cunapachatejj suma arunacar iyawscäyätan ucqhat sipansa.

Romanos 13:12

Sinti arumäjjewa, urusti niyaw jac'achasisinqui, ucatpï apanucuñasajja cunatejj ch'amacan lurasquis ucjja, ucatsti cunjämtejj mä soldadojj armantasqui uqhamaraquiw armantasiñasa khanan sarnakañataqui.

Romanos 15:4

Take cunatejj nayratpach Kellkatan uchatäcän ucanacajj jiwasanacaruw yatichistu, llamp'u chuyma toke suyt'añasataqui, ucanracwa mä samarañsa jicjjattanjja.

Romanos 4:23

Abrahaman iyawsäwipa utjatapatjja janiw jupjjatac kellkatäcänti,

1 Corintios 10:6

Take acanacasti jiwasan amuyt'asiñasataquiw lurasïnjja, jan jiwasanacajj jupanacjam jan walinac munapayañasataqui.

1 Corintios 7:29

Jilatanaca, may sañ munapjjaracsma: juc'a tiempoquiw utj-jjestu. Acat ucsarojja casadonacajj janis warminïpcaspa uqhamaw sarnakapjjañapa.

1 Corintios 9:10

jan ucasti jiwasataqui mä uñtasïwiwa, amuyt'asiñasataqui. Aca leyejj nanacan asquejjataqui kellkatawa. Orak khollirisa, trigo jawk'surisa cosecha apthapirisa catokañ laycuwa irnaquejja.

Gálatas 4:24

Acajj mä uñacht'äwiwa. Panpach warminacajj pä arust'äwiruw uñtasi. Maynïri arust'äwisti Sinaí kollun arust'atäcän ucawa, ucasti Agar castawa; aquïri castan nacirinacajj esclavöñataquiw nacipjje.

Filipenses 4:5

Suma chuymanïpjjatamajj take jakenacan uñt'atäpan. Tatitojja jac'anquiwa.

Hebreos 10:25

Janiraquiw tantachasïwinacasar janejj sarañasäquiti cunjämtejj yakhepanacajj jan sarapquiti uqhama, jan ucasti maynit mayniruw waytt'asiñasa, Tatitun jutäwipa jac'ancjjatapa yatisinsti juc'ampïñapawa.

Hebreos 10:37

Kellkatajj siwa: “Sinti jac'apunëjjew qhititejj jutañapäqui ucan jutañapajja, janiw juc'ampi suycaniti.

1 Juan 2:18

Wawanaca, khepa urunacajj purinjjewa. Jumanacajj ist'apjjäyätawa: “Anticristojj jutaniw” siri; cunjämatejj jichhajj Cristo toke parlirinacajj wali uñstawayejja, uqhamatwa yattanjja khepa urunacäjjatapa.