Esteri 9:25 - Contemporary Zulu Bible 2024

²⁵ Kodwa lapho u-Esteri efika phambi kwenkosi, yayala ngezincwadi ukuba icebo lakhe elibi alicebile ngamaJuda libuyele ekhanda lakhe, futhi yena namadodana akhe baphanyekwe esigxotsheni.

IBHAYIBHELI ELINGCWELE

²⁵ kepha lapho lokho kwafika phambi kwenkosi, yasho ngencwadi ukuba lelo cebo elibi ayelicebe ngabaJuda libuyele ekhanda lakhe, yena namadodana akhe baphanyekwe emthini.

IsiZulu 2020

²⁵ kodwa u-Esteri eseyitshelile inkosi ngaleyo ndaba, yathi akubhalwe izincwadi zokuguqula lelo lisu elibi likaHamani ayehlose ngalo ukucekela phansi abaJuda, lelo cebo laba yisijeziso esehlela yena namadodana akhe, baphanyekwa ezigxotsheni zokuphanyeka.

Esteri 9:25 Jak'a apnaqawi uñst'ayäwi

1 AmaKhosi 8:32

Yizwa-ke usezulwini, wenze, wahlulele izinceku zakho ngokulahla omubi, ubeke indlela yakhe phezu kwekhanda lakhe; nolungileyo, amnike njengokulunga kwakhe.

Esteri 3:6

Wadelela ukubeka izandla kuMoridekayi yedwa; ngoba bamvumela ukuthi abone abantu bakaMoridegayi; ngalokho uHamani wazama ukubhubhisa bonke abaJuda ababesembusweni wonke ka-Ahashiveroshi, abantu bakaMoridegayi.

Esteri 7:10

Basebemphanyeka uHamani emthini ayewulungisele uMoridekayi. Lwase luphela ulaka lwenkosi.

Esteri 7:4

Ngokuba sithengisiwe, mina nabantu bami, ukuba sibhujiswe, sibulawe, sibhubhe. Kodwa uma sithengiswa sibe yizigqila nezigqilakazi, ngangithula ulimi lwami, nakuba isitha sasingenakubuyisela umonakalo wenkosi.

Esteri 7:5

Inkosi u-Ahashiveroshi yasiphendula yathi ku-Esteri indlovukazi: “Ngubani lowo, futhi uphi lowo ozidlayo enhliziyweni yakhe ukwenza lokhu na?

AmaHubo 140:8

Unganiki, Jehova, izifiso zomubi; lingasekho icebo lakhe elibi; ukuze bangaziphakamisi. Sela.

AmaHubo 140:9

Ikhanda labangihaqileyo makubemboze ububi bezindebe zabo.

AmaHubo 141:10

Ababi mabawele emanetheni abo, mina ngibaleke.

AmaHubo 7:16

Ububi bakhe buyakubuyela phezu kwekhanda lakhe, nobudlova bakhe buyokwehlela okhakhayini lwakhe.

AmaHubo 7:17

Ngiyakumbonga uJehova ngokulunga kwakhe, ngihubele igama likaJehova oPhezukonke.

AmaHubo 94:23

Futhi uyoletha ububi babo phezu kwabo futhi ababhubhise ngobubi babo; yebo, uJehova uNkulunkulu wethu uyakubabhubhisa.

IzAga 26:27

Omba umgodi uzakuwela kuwo; nogingqa itshe, liyakubuyela kuye.

IzAga 5:22

Omubi uyakuthatha ububi bakhe, aboshwe ngezintambo zezono zakhe.

U-Isaya 22:25

Ngalolo suku, usho uJehova Sebawoti, isikhonkwane esibethelwe endaweni emisiwe siyakususwa, sinqunywe, siwe; nomthwalo owawukuyo kumelwe unqunywe, ngoba uJehova ukukhulumile.

Obadiya 1:15

Ngoba usuku lweNkosi luseduze phezu kwezizwe zonke; njengoba wenze, kuyakwenziwa kuwe; inkokhelo yakho iyobuyela ekhanda lakho.

Mathewu 21:44

Nalowo owela phezu kwaleli tshe uyakuphihlizwa, kepha lowo eliwela phezu kwakhe liyakumcolisa.

1 Samuweli 25:39

UDavide esezwile ukuthi uNabali ufile, wathi: “Makabusiswe uJehova owamela icala lami lokuhlanjalazwa esandleni sikaNabali, wayisindisa inceku yakhe ebubini; ngoba uJehova ulobubi bukaNabali ekhanda lakhe. UDavide wathumela wakhuluma ku-Abigayili ukuba amthathe abe ngumkakhe.