Lucas 16:9 - Aymar Bibliia 1986

⁹ “Nayajj sapjjsmawa, aca jucharar oraken yänacapjj apnakapjjam amigonïñataqui, cunapachatï aca yänacajj tucusjjani ucqhajja wiñay jacañ utanacaru mayni jumanacar catokerejj utjañapataqui.

Qullan Arunaca

⁹ “Nayajj sapjjsmawa, aca jucharar oraken yänacapjj apnakapjjam amigonïñataqui, cunapachatï aca yänacajj tucusjjani ucqhajja wiñay jacañ utanacaru mayni jumanacar catokerejj utjañapataqui.

Qullan Arunaka DC

⁹ “Nayasti iwxt'apxsmawa, akapach yänak sum apnaqapxam masinak jikxatañataki, kunapachatix ukham lurañax tukusxanixa, Diosaw jumanakar wiñay jakañ utar katuqxapxätam.

Lucas 16:9 Jak'a apnaqawi uñst'ayäwi

Salmos 73:26

Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.

Proverbios 14:24

Yatiñan jaken coronapasti yatiñ cancañapawa, ucampis jan yatiñan jakensti, pisi amuyt'aparaqui.

Proverbios 19:17

Mä pobre jaker mayt'irejj Tatituruw mayt'asqui, ucatsti Tatit pachpawa uca manjja phokjjani.

Proverbios 23:5

Kamir cancañajj mä juc'ataquiquiwa; mäquiraquiwa tucusjje, cunjämatejj pacajj chhekhanëjjasin mäqui thoktawayjjejja uqhama.

Eclesiastés 11:1

Umar t'ant'am ucham; ucatsti mä kawkha tiempotwa jicjjatjjäta.

Isaías 57:16

Janiraquiw marcajjarojj juchañchcapunïtejja, janiraquiw wiñayataquis colerascäti, uqhama lurasasti cawquïri jakenactejj nayajj uscta jupanacajj ch'ama chhaktayasipjjaspa naya nayrakatanjja.

Daniel (hebreo) 4:27

Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Mateo 19:21

Jesusasti sänwa: —Jumatejj wali sumäñ munstajja, saram, ucatsti take cunatejj utjtam ucanac aljaranim, pobrenacar churaraquim, ucatwa alajjpach marcan wali suma yänacanïyäta, ucatsti nayar arquita —sasa.

Mateo 6:19

“Acapachanjja jan imapjjamti walja yänacjja, aca orakenjja thuthaw thuthantasqui, ucatsti inamaya imataquiwa. Uqhamaraquiw acapachan imat yänacjjarojj lunthatanacajj mantasin lunthatsupjjaraqui.

Mateo 6:24

“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.

Lucas 11:41

Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

Lucas 12:33

Cunatejj utjapctam ucjja aljapjjam, ucatsti qhititejj jan cunanïpqui ucanacar churjjapjjam; uqhamat jan merk'esir bolsanac lurasipjjäta, alajjpachansti jan tucusquir yänacaraqui imasipjjäta, ucansti lunthatas janiw apscaniti janiw qharus qharuntcaraquiniti.

Lucas 14:14

jumajj cusisitäyätawa. Jupanacasti janiw jumarojj cuttayapquiristamti; ucampis jumajj asqui jakenacan jacatatäwipanwa catokjjäta —sasa.

Lucas 16:11

Uqhamasti jumanacatejj aca jucharar oraken yänacapan jan chekapäpcsta ucajja, ¿qhitirac chekpacha yänacsti churapjjätamsti?

Lucas 16:13

“Janiw qhiti sirviris pä patronarojj sirvcaspati; maynirojj uñisiniwa, maynirusti munaraquiniwa; jan ucajj maynirojj sum arcchini, maynirusti janirac yäkcchiniti. Janiw sirvipcasmati Diosampiru kollkempirojja.”

Lucas 16:4

Nayajj yattwa cuntï lurcäjja jan lurañanïcä ucqhajja, nayar qhitis utapar catokañapataqui.”

Hechos 10:31

Jupasti nayarojj situwa: “Cornelio, oracionanacamjj Diosajj ist'tamwa, pobrenacar qhuyapayatanacamas Dios nayrakatanjja asquit uñt'ataraquiwa.

Hechos 10:4

Corneliosti wali ajjsarasaw angelar uñcatasinjja jisct'i: —¿Cunach, Tata? —sasa.

2 Corintios 4:17

Cuntejj aca oraken t'akhesipctan ucanacajj janiw cunäquisa, tucusiriquiwa. Ucat sipan mä jach'a asqui jilarquirir wiñay cusisiñwa apaniraquejja.

Judas 1:21

Diosan munasiñapan jacapjjam, cunürutï Tatit Jesucristosajj qhuyapayasiñapanjja wiñay jacañjja churquistani uca uru suyt'asina.