Levítico 1:3 - Aymar Bibliia 1986

³ “Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Qullan Arunaca

³ “Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Qullan Arunaka DC

³ “Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,

Levítico 1:3 Jak'a apnaqawi uñst'ayäwi

Génesis 22:13

Abrahamasti uñatatasisinjja, mä orko oveja uñji mä koka taypin wajjrat achuntata. Sartasinsti uca oveja aptani, ucat Diosar sacrificiot loktäna wawap lanti.

Génesis 22:2

Diosasti saraquïnwa: —Isaac wawamar irpjjarum, sapa yokall wawamaru, sinti munat wawamaru, ucatsti Moriah oraker saram. Uca chekar purisinsti, cawquïri kolltejj nayajj uñacht'aycäma uca chekan nayaru wawama sacrificiot loktita —sasa.

Génesis 22:8

Awquipasti saraquïnwa: —Diosaw mä oveja uscuscani sacrificiotaquejj, wawa —sasa. Panpachanisti sarasipcaquiraquïnwa.

Génesis 8:20

Ucatsti janc'aquiraquiw Noejj Tatitutaqui mä altar luräna, ucatsti k'oma animalanacata, uqhamaraqui jamach'inacatsa mayacamwa catüna, ucatsti Tatituruw sacrificiot loktäna.

2 Crónicas 29:32

Jakenacajja nact'at loktäwinaca loktañataqui uywanaca apapcäna ucanacasti acanacänwa pakallk tunca orko vacanaca, pataca ovejanaca, uqhamarac pä pataca mä maran orko ovejanacaraqui. Take ucanacasti Tatituru nact'ata loktäwi loktañataquïnwa.

2 Crónicas 35:12

Ucatsti liq'inacjja apakapjjänwa naqhantayatäjjañapataqui, cawkhanitejj marcan familianacapajj utjcäna uqhamaru Tatitur loktapjjañapataqui, cunjämatï Moisesan libropana kellkatäcäna uqhamaru; uca pachparaquiw vaca kallunacsa qharinucupjjäna.

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Salmos 40:8

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

Éxodo 12:5

‘Aca uywasti orköñapawa mä marani, c'umara uywäñaparaquiwa, ovejanacata jan ucajj cabritonacatsa.

Éxodo 24:5

Ucatsti Israelit waynanacwa qhithäna vaca kallunac qharsusa Tatitur jach'añchasina nact'ayasa loktapjjañapataqui, uqhamarac sumancthapiñataqui sacrificionacsa loktapjjaraquïnwa.

Éxodo 29:18

Ucatsti uca ovej-jja altar patjjaru naqhantayasinwa Tatitur jach'añchasa loktäta, uqhamata uca ofrendajj suma k'apquir Tatitutacjamäñapataqui.

Éxodo 29:4

Uqhamarac Aaronampiru, wawanacapampir irpasinjja Tatitumpi Jiquisiñ Carpanjja tantachasiñ lugar puncuru puriyasajja umampiw jupanacar jarekäta.

Éxodo 29:42

Aqhama ofrendanaca nayaru jach'añchasa naqhayañataquejja awquita, wawanacapan wawanacapataquejja wiñayäniwa nayan nayrakatajjana. Ucsti loktapjjaniwa Tatitumpi Jiquisiñ Carpäqui uca puncu nayrakataru. Ucawja chekanwa nayajj jumampi jiquisëjja, jumaru parlañataqui.

Éxodo 32:6

Ucat khepa arumarjisti sartasinjja sacrificionac nact'ayasinwa loktapjjäna sumancthapiñataqui. Ucatsti jakenacajj wal mank'apjjäna, umapjjäna; uqhamarac wali cusisipjjaraquïna.

Éxodo 35:21

Ucampis take qhitinacatejj chuymanacapan amthapisisajj take chuymanacapampi Tatitutac ofrendanaca apt'ata cutt'anipjjäna, Tatitumpi Jiquisiñ Carpajj lurasiñapataqui, take yänacampi, uqhamarac sacerdoten kollan isinacapsa.

Éxodo 35:29

Take israelit chachanaca, uqhamarac warminacaw chuymanacapan amthapisipjjäna cuntejj Tatitojj luram siscäna uca lurañan yanapt'añjja, ucatsti take chuymaw ofrenda Tatitutac apanipjjäna.

Éxodo 35:5

Jumanacajj Tatitutaquejj mä ofrenda apthapipjjam. Take qhitinacatejj Tatituru chuymapat ofrenda churañ munapqui ucanacajja take chuymaw churapjjañapa kori, kollke, bronce ucanac apanisa.

Éxodo 36:3

Ucampis jupanacajj Moisesatjja catokapjjänwa cawquïr ofrendanactejj israelitanacajj apanipcäna ucanaca, cunanacatejj Tatitumpi Jiquisiñ Carpa lurañataquejja waquisqui ucanac kalltañataqui. Ucampis israelitanacajj ofrendanacjja sapüruw apanipjjäna.

Éxodo 38:1

Ucjjarojj Bezaleel chachajj acacia sat lawatjja luraraquïnwa mä altara sacrificionac naqhantayañataqui. Aca altarasti cajonänwa largoru, uqhamarac anchorusa pä metro pä tunca pheskan centimetroni, altorusti mä metro pä tunca pheskan centimetroniraqui.

Isaías 1:11

Tatitojj siwa: “¿Cunataquis ucatak wilañchanac loktapjjesta? Karitäjjtwa jumanacan wilañchat orko ovejanac loktapjjatanacamampejja, uqhamaraqui liq'i vaca kallu loktatanacamampisa; orko vacanacana, ovejanacana, cabritonacana wilanacapajj ajjtasiyjjetuwa.

Ezequiel 20:40

Take Israel marcaw nayan kollan kollojjan yupaychapjjetani, Israel oraken utjquis uca jach'a kolluna, ucasti nayan marcajjanquiwa. Naya Tatituw ucjja arsta. Ucanwa nayajj jumanacarojj take chuymampi catokapjjäma; wayt'apjjaraquïma nayaru ofrendanaca loktapjjañanacamataqui, ucanaracwa nayataquejj kallta achunaca apanipjjaraquïta, take cosechanacamatjja nayaru loktanipjjaraquitäta.

Ezequiel 40:39

Mantaña tokenquir utansti pusi mesanacaw utjaraquïna, paya purapäjjaru uca mesanacjjanwa cawquïri uywanacatejj sacrificiot naqhantayatäcani uca uywanacjja qharinucupjjerïna, jan ucajj juchata, pantjasitatsa sacrificionac loktapjjerïcän uca uywanacjja.

Levítico 1:10

“Naqhantañatac loktat uywatejj mä ovej tamata jan ucajj cabra tamata churatäcani ucajj suma c'umara orköñapawa,

Levítico 14:10

“Quimsakallko ururusti pä orko ovejanaca caturaquini, uca ovejanacasti k'oma ovejanacäñaparaquiwa, uca quipcaraqui mä kachu ovejampi, ucasti mä maranïñapawa jan cuna camacht'ataraqui; uqhamarac sojjta kilo chicatani suma jac'umpi, uqhamata granonacat mä suma ofrenda loktañataquisti, aceitempi chaputäñaparaquiwa, ucjjarusti niya chicat litro aceitempi cuna.

Levítico 16:7

Uca khepatsti uca pä cabrito caturaquini, ucatsti Tatitun nayrakatapanwa loktjjaraquini, Tatitumpi Jiquisiñ Carpa nayrakatana.

Levítico 17:4

ucatsti janiraqui Tatitumpi Jiquisiña Carpäquisa uca nayrakataru apancaniti, uqhamat Tatitun santuariopa nayrakatan mä suma ofrendata loktañataqui, ucasti wila wartatapatjja juchañchatäniwa, uqhamarac take jakenac taypitjja jiwayatäjjaniwa.

Levítico 17:8

“Ucjjarusti saraquim cawquïri israelita jaketejja jan ucajj cawquïri jakesa yakha marcat jutasina jumanac taypina jacani, ucatsti sacrificio loktaraquini jan ucajj take nact'ayasasa sacrificio loktaraquini,

Levítico 17:9

ucampisa janiraqui Tatitumpi Jiquisiñ Carpäquisa uca nayrakataru apcaraquiniti, ucasti jakenac taypitjja jiwayatäjjaniwa.

Levítico 23:12

Uca pachpa uru cunapachatejj uca trigo marka churapcäta uca urusti mä marani oveja churapjjaraquïta, uca ovejasti jan cuna camacht'ata k'oma ovejäñaparaquiwa, ucasti Tatitutaqui nact'ayasina loktatäñaparaquiwa.

Levítico 23:18

Uca t'ant'anacampi chicsti pakallko orko ovejanacwa apapjjaraquïta, ucanacasti mä marani kallunacäñapawa, uqhamaraqui c'umara jan cuna camacht'ata kallunacaraqui; mä orko vacampi, uqhamarac pä orko ovejanacampi, ucanacasti Tatitutaqui k'ala nact'ayasin loktataraquïniwa, uca naqhata ofrendasti Tatitutaqui suma k'apquiri ofrendaraquïniwa; cuntejj jumanacajj granonacatsa, uqhamarac vinotsa ofrenda loktapcäta ucanacatjja.

Levítico 3:1

“Qhititejj uywanacapata mä kachu vaca jan ucajj mä orko vacsa Tatituru sumancthapiñatac loktcani ucasti suma c'umara uywäñapawa.

Levítico 4:15

cawqhantejj take jilïri jakenacajj uca orko vacan p'ekepjjaru amparanacap lokjjatapjjani Tatitun nayrakatapana, ucqharpacharaquiw qharinucupjjani.

Levítico 4:23

Cunapachatejj uca jucha luratapa amuyasjjani ucapachasti mä c'umara orko cabrito ofrendat apjjaraquini.

Levítico 4:3

“Jucha lurirïqui ucatejj jilïr sacerdotënejja, jakenacjjaru juchapajj puritap laycojja, mä c'umara orko vaca uca jucha luratapatjja loktañapawa.

Levítico 4:32

“Uca jaketejj mä oveja apaninejja juchapat loktañataqui, ucapachajj mä c'umara kachu oveja apanini,

Levítico 5:15

“Mayni jaketejj jan muncasina jucha luranejja, ucatsti, Tatitur loktat yänacata engañatapajj uñstani ucapachasti, tamanacapatjja mä orko oveja wayokaniraquini ucasti c'umara jan cuna camacht'atäñaparaquiwa, ucat jucha luratapat sacrificio loktaraquini, Tatitun ucar apasa. Uca orko ovejan alapasti kawkhäquitejj santuarion kollkepajj ucarjamaw chaniñchasiñaparaqui, cunjämatejj jucha luräwit ofrenda loktañajj waquisqui uqhamarjama.

Levítico 5:18

Uqhamasti oveja tamanacapatjja mä c'umara jan camacht'ata orko oveja apaniraquini, uca ovejan alapsti jumaw tantiyaraquïta, ucatsti sacerdoten ucaruw apataraquïni, uca jucha luräwit loktañataqui, uqhamat cuntejj uca jakejj jan amuyascasina jucha lurcatayna ucat perdón jicjjatañataqui, ucat uca juchapasti perdonatäjjaraquiniwa.

Levítico 6:2

“Cunapachatejj maynejj jucha lurani jan ucajj juchanis uñjasini Tatitun nayrakatapana, mayni jake masiparu engañatap laycu, jan ucajj cuna kollketejj juparu catt'ayatäcän ucanac engañatapata, jan ucajj jake masipata ch'amampiqui apakatap laycu,

Levítico 6:8

Tatitojj Moisesaruw parläna; aqham saraquïnwa:

Levítico 7:16

Mä uywatejj mä arsüwi phokhañataqui, jan ucajj chuymasatjama mä ofrendaquiraquïni ucapachasti, ucan aychapajj uca urpacha pachpana mank'antatäjjañapawa, ucat jilt'iristi khepürusa mank'atäscaraquispawa;

Levítico 8:18

Moisesasti cuna orko ovejatejj naqhantayaña ofrendata loktañataquïcäna ucwa jac'aru irptayaniraquïna, ucatsti Aaronampi, wawanacapampiw, uca orko ovejan p'ekepjjarojja amparanacapa lokjjatapjjaraquïna.

Levítico 8:21

ucatsti janc'aquiw uca ovejan jiphillanacapsa, chhuchhullinacapsa jarekjjaraquïna, ucatsti take ucanacjja altarjjaruw nact'ayjjaraquïna Tatitutaquejja mä suma ofrendäcaspasa uqhama, cunjämtejj Tatitojj Moisesarojj siscatayna uqhamarjama.

Levítico 9:2

ucat Aaronarojj saraquïna: “Jichhajj mä orko vaca kallu irpjjarum, uqhamaraqui mä orko ovejampi, ucanacasti jan cuna camacht'ata c'umara uywanacäñapawa, ucanacsti k'ala naqhantayatäñataqui sacrificiot Tatitur loktaraquim.

Zacarías 13:7

Take ch'amani Tatitojj arsuwa: “¡Sartasim espada, awatirejj contra, yanapirejj contraraqui! ¡Awatirirojj jiwayam, ovej tamasti aywitatapjjaniwa, nayasti orko ovejanac contraraquiw cuttaraquëjja!

Malaquías 1:14

Ñankhachatäpan cawquïr jaketï suma k'omar uywa nayar sacrificion loktañatac arscasina mä usut uywaqui loktjjetu ucajja. Nayaw jach'a reyinsa Reyipäta, uqhamaraqui take marcanacan ajjsaratasa.” Uqham siw take ch'aman Diosajja.

Números 15:3

ucanwa loktapjjetäta mä orko vaca, jan ucajj mä ovejsa nayan jach'a cancañajjaru, nact'ayasa, jan ucajj mä sacrificiota suma k'apquiri, cuntejj arsupcta ucanac phokhasa, chuymanacamatjama ofrenda churasa, jan ucajj mä fiesta utjqui ucqhasa,

Números 15:8

Sacrificiotejj mä vaca kallüchi, jan ucajj nact'ayata sacrificiöchi, sumancayiri sacrificiot loktatächi, jan ucajj cuna arsüwi phokhañataquïchi,

Números 19:2

“Naya Tatituw acanac arsta. Parlam israelitanacarojj mä wila vaca juman ucaru irpanipjjpan, uca vacasti janiraqui usuchjatäcpansa, ni mä cutisa cuncaparojj yugojj ayjjatatäpanti.

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Números 23:27

Ucatsti Balac reyejj sänwa: —Jutam, yakha chekaruw irpäma, inas Diosajj uca chekat Israel marcaru ñankhachañ munchispa —sasa.

Números 23:3

Ucjjarusti Balaamajj Balac reyirojj sänwa: —Sacrificionac loktat thiyaru kheparam, ucañcamasti nayajj saräw inas Tatitu Diosajj nayampi jiquisir jutascchi uc uñjiri. Ucampis nayajj yatiyaraquïmaw cuntejj jupajj nayar yatiyquitani ucjja —sasa. Ucapachasti Balaamajj mä wasara kolluruw sarawayjjäna,

Números 23:30

Balac reyejj luränwa cunjämtï Balaamajj siscatayna uqhamarjama, ucatsti sapakat altararuw mä vaca kallumpi, mä orko ovejampi sacrificiot loktäna.

Números 28:11

“Kallta uru sapa phajjsita sarakquipanwa Tatitu Diosarojj loktapjjäta mä nact'ayata ofrendjama; pä vaca kallumpi, mä orko ovejampi, uqhamarac pakallko orko ovejanacampi, ucanacasti mä maranïñapawa, jan cuna usuchjataraqui.

Números 28:19

Tatiturusti mä nact'ayat ofrendjama pä vaca kallunaca, mä orko oveja, pakallko orko ovejanaca, ucanacasti mä marani ovejanacäñapawa jan usuchjataraqui loktapjjäta.

Números 28:31

Sapüru nact'ayat ofrendat sipansa, aca naqhayat ofrendampi, uqhamarac grano achunacampi, vino ofrendampi chica loktapjjäta.

Números 29:13

Kallta urusti Tatitu Diosarojj loktapjjätaw, mä suma k'apquir nact'ayat ofrendjamjja, tunca quimsani vaca kallunaca, pä orko ovejanaca, uqhamarac tunca pusin mä marani orko oveja kallunaca, jan cuna usuchjata.

Números 29:2

Tatituru mä suma k'apquir nact'ayat ofrendjama loktapjjäta mä vaca kallu, mä orko oveja, uqhamarac pakallko orko ovejanaca, ucanacasti mä maranïñapawa, jan cuna usuchjata.

Lucas 1:35

Angelasti sänwa: —Kollan Ajayuw jumjjaru jutani, ucatsti alajjpach Diosan ch'amapaw mä kenayjam jumarojj imjjattätam. Ucatwa nascan uca wawajj Diosatac yakhachatäni, ucatsti Diosan Wawapa sataraquïniwa.

Juan 1:36

Jesusar ucawja pasasquir uñjasinjja Juanajj sänwa: “Uñtapjjam, jupawa Diosan Corderopajja” sasa.

Juan 10:7

Ucatsti Jesusajj wasitampiw saraquïna: —Khanacwa sapjjsma, nayätwa puncojja cawqui chektejj ovejanacajj mantqui ucajja.

Juan 10:9

Nayätwa puncojja; qhititejj naya chek mantcani ucajja, khespiyatäniwa. Cunjämatejj mä ovejajj uyuru manti, misturaqui, ucatsti pastonac jicjjataraqui, uqhamäniwa.

2 Corintios 8:12

Cunapachatejj maynejj churañ muni ucqhajja Diosajj catokewa utjiriparjama. Jupajj janiw mayquiti maynin jan utjcchi ucqhajja.

2 Corintios 9:7

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Efesios 2:18

Takeniw Cristo toke, judionacasa jan judionacasa, mä sapa Ajayu tokequi Awquirojj jac'achastan.

Efesios 5:27

jupan nayrakatapar jach'añchat iglesia irpcatañataqui, jan k'añuchata, jan cuna phullch'uni, jan cunamp camacht'ata, jan ucasti suma k'oma Diosatac yakhachata.

Deuteronomio 12:27

Uca chekanwa Diosan altarap pataru sacrificionac loktapjjäta, ucatsti cawquïri uywanacan wilanacaptejj loktañataqui churapcäta ucanacjja Diosan altarap pataruwa waratatapjjäta, ucampis aychapjja mank'apjjätawa.

Deuteronomio 15:21

Cunapachatejj uca nayra wawachat kallunacajj janchipana usuchjatäni, cojönisa, juyqhünisa ucqhajj janiw Diosarojj sacrificion loktapjjätati.

Deuteronomio 17:1

“Jan jumanacajj Tatitu Diosamarojj sacrificion loktapjjamti ni cuna usuchjat vacanacsa ni ovejanacsa, ucanacasti Tatitu Diosataquejj ajjtascañawa.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

Hebreos 9:14

Ucampis ucajj uqhamächi ucajja ¡kawkha juc'amp ch'amanïpachas Criston wilapajja! Ucasti wiñay jaquir Ajayu tokew Cristojj Diosaru jupa pachpa loktasi jan k'añucht'ata, wilapas k'omacharaquistuw chuymasjja jiwañaru apquistus uca jan wali luräwinacatjja, jacquir Diosar sirviñasataqui.