Levítico 1:1 - Aymar Bibliia 1986

¹ Tatitojj Moisesaruw jawsäna Diosamp Jiquisiñ Carpatpacha, ucatsti aqham saraquïnwa:

Qullan Arunaca

¹ Tatitojj Moisesaruw jawsäna Diosamp Jiquisiñ Carpatpacha, ucatsti aqham saraquïnwa:

Qullan Arunaka DC

¹ Tatitux Moisesaruw jupamp Jikisiñ Carpatpach jawsäna, ukatsti sarakïnwa:

Levítico 1:1 Jak'a apnaqawi uñst'ayäwi

2 Reyes 16:13

Jupasti naqhantayänwa, cunjämatï granonacat ofrenda naqhantaycäna uqhama, ucatsti altar patjjarojja vino ofrendwa warjjatäna, uqhamaraquiw altar patjjarojj waraquipäna sumancäwi sacrificionacan wilanacapa.

2 Crónicas 29:32

Jakenacajja nact'at loktäwinaca loktañataqui uywanaca apapcäna ucanacasti acanacänwa pakallk tunca orko vacanaca, pataca ovejanaca, uqhamarac pä pataca mä maran orko ovejanacaraqui. Take ucanacasti Tatituru nact'ata loktäwi loktañataquïnwa.

Éxodo 19:3

Ucansti Moisesajj, Diosampi jiquisiñataquiw kollur maqhatäna, ucatsti Tatitojj kollutwa parlanïna: —Yatiyam aca arunaca Jacobon israelita wawanacaparu:

Éxodo 24:12

Tatitojj Moisesarojj sänwa: —Maqhatanim kolluru cawqhanctejj nayajj ucqharu, ucatsti ucana suyt'ita. Nayasti kalat lurata tablanaca churäma, ucaruw nayajj kellkta leyinacajja, uqhamarac camachinacajjsa israelitanacar yatichañataqui —sasa.

Éxodo 25:22

Ucanwa jumampejj jiquisiñäni. Nayajja suma arust'äwi arca patjjancqui uca pä querubines sat angelanac taypitwa israelitanacataquejj arunacajja churanïma.

Éxodo 29:42

Aqhama ofrendanaca nayaru jach'añchasa naqhayañataquejja awquita, wawanacapan wawanacapataquejja wiñayäniwa nayan nayrakatajjana. Ucsti loktapjjaniwa Tatitumpi Jiquisiñ Carpäqui uca puncu nayrakataru. Ucawja chekanwa nayajj jumampi jiquisëjja, jumaru parlañataqui.

Éxodo 3:4

Tatitusti Moisesar jutir uñjasinjja zarza sat ch'aphinac taypitwa jawsäna: —¡Moisés, Moisés! —sasa. Ucatsti Moisesajj: —¡Acäsctwa nayajja —sasaw saraquïna!.

Éxodo 33:7

Moisesasti Diosampi jiquisiñ sat waquichat carpsti campamentotjja jaya chekaruw aptäna, ucsti sutichänwa Diosampi Jiquisiñ Carpa sasa. Ucampis qhititejj Tatituru cunsa jisct'asiña munqui ucajja saränwa campamentot ankäjjancqui uca Carparu.

Éxodo 39:32

Tatitumpi Jiquisiñ Carpa lurañasti tucuyatäjjänwa. Israelitanacasti take cunanacsa suma phokhata lurapjjäna cunjämtejj Tatitojj Moisesar siscäna uqhamarjama.

Éxodo 40:29

Ucjjarusti sacrificio nact'ayas loktaña altarwa ucharaquïna Tatitumpi Jiquisiñ Carpa mantaña puncu nayrakataru, ucatsti uca altarjjarusti uywanaca, grano achunaca apanipcäna ucanacwa nact'ayäna cunjämtejj Tatitojj siscäna uqhamarjama.

Levítico 7:38

Tatituw uca leyinacjja Moisesaru Sinaí kollu patan churäna, cunapachatejj uca Sinaí wasarana israelitanacarojj ofrendanaca churapjjañanacapataqui siscäna uca uru.

Levítico 9:16

Uca uywa sacrificiot loktasasti, naqhantayaraquïnwa cunjämarutejj satäcänjja uqhamaruw loktaraquïna.

Números 1:1

Payïri phajjsita mä uru sarakataru, pä mara pasjjän ucqhajja, cunapachatejj israelitanacan Egipto marcat mistunitanacapajj niya mä marat pasascäna, ucapachaw Tatitojj Moisesarojj parläna Sinaí sat wasara kolluna, Diosampi jiquisiñatac lurat carpäquis ucqhana, ucatsti aqham sänwa:

Números 7:15

mä vaca kallu, mä orko oveja, mä marani orko oveja ofrendat loktañataqui.

Números 7:89

Cunapachatï Moisesajj mantcäna Tatitumpi Jiquisiñ Carparu, Tatitumpi parlañataqui, ist'änwa Tatitu Diosan juparu parlascatapa, suma Arust'äwiru Mantañ Arca imañ patata, uca pä chhekhan angelanac taypita.

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

Deuteronomio 27:6

Uca Diosamatac altärasti maypach kalanacat luratäñapawa, janiraquiwa cunampisa p'iyapjjätati. Uca altaränsti Diosamaruw sacrificionac nact'ayasin loktapjjaraquïta.