Juan 15:12 - Aymar Bibliia 1986

¹² Nayan camachejjajj acawa: Munasipjjam maynit maynicama, cunjämtejj nayajj jumanacar munasipjjsma uqhama.

Qullan Arunaca

¹² Nayan camachejjajj acawa: Munasipjjam maynit maynicama, cunjämtejj nayajj jumanacar munasipjjsma uqhama.

Qullan Arunaka DC

¹² Nayan kamachixax akawa: Maynit maynikam munasipxam, kamisatix nayax jumanakar munasipxsma ukhama.

Juan 15:12 Jak'a apnaqawi uñst'ayäwi

Malaquías 1:2

“Nayasti jumanacarojj munapjjsmawa” siw Diosajja. Ucatsti jumanacajj sapjjestawa: “¿Cunjämatsa yatipjjerista juman nanacaru munatamjja?” Diosasti ucjjarojj siwa: “Uca quipcaraquiw nayajj jumanacar munapjjsma. Cunjämatejj Esaumpi, Jacobompejj jila puränjja, ucampis nayajj Jacoboruw munayäta Esaurusti uñisiraquïyätwa, uca quipcaraquiw nayajj jumanacarojj munapjjsma. Esaun kollu orakenacapsti wasararuw tucuyaractjja, yapunacapsti monte animalanacataquiw tucuyaractjja” sasa.

Juan 13:34

Aca machak camachwa churapjjsma: Maynit maynicama munasipjjam. Cunjämtejj nayajj munasipjjsma, uqhama jumanacajj maynit maynicam munasipjjañamaraquiwa.

Juan 15:17

Acwa jumanacar ewjjapjjsma: Maynit maynicama munasipjjam.

Romanos 12:10

Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

1 Tesalonicenses 3:12

Tatitusti jumanacar jiltaypan, juc'ampi maynit maynicam munasiñanacamajj utjaracpan, cunjämtejj nanacajj jumanacar munasipjjsma uqhama.

1 Tesalonicenses 4:9

Jilatanac pura munasiñjjatjja janiw jumanacar kellkaniñajj waquiscjjeti, Dios pachpaw yatichapjjtam maynit maynicama munasiñjja.

2 Tesalonicenses 1:3

Jilatanaca, jumanacatjja Diosarojj yuspagarapjjapuniñajjawa, asquiwa ac lurañanacajjajja, jumanacan iyawsäwinacamajj jilascatap laycu, uqhamarac maynit maynicama munasiñanacamajj sapürutjamaw juc'ampi utjascaraqui.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 3:8

Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.

1 Pedro 4:8

Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.

1 Juan 3:23

Camachinacapasti aqhamawa: Jesucristo Yokaparojj iyawsañasawa, uqhamarac maynit maynicama munasiñasawa, cunjämtï jupajj sisquistu uqhamarjama.

1 Juan 4:21

Jupajj aca camachwa churawayistu: “qhititejj Diosar munqui ucajja jilaparojj munañaparaquiwa.”

2 Juan 1:5

Jichhasti cullaca, achict'assmawa maynit maynicam munasipjjañäni. Aca kellkanipcsma ucajja janiw machak camachïquiti, jan ucasti acajj kalltäwitpacha utjistäna ucawa.