Éxodo 21:1 - Aymar Bibliia 1986

¹ “Aca leyinacwa jumajj yatiyäta:

Qullan Arunaca

¹ “Aca leyinacwa jumajj yatiyäta:

Qullan Arunaka DC

¹ Tatitusti Moisesar sarakïnwa: “Aka kamachinak jumax israelitanakar yatiyäta:

Éxodo 21:1 Jak'a apnaqawi uñst'ayäwi

1 Reyes 6:12

“Cawquïr templotejj lurascta ucatjja yatiyañwa munsma, jumatejj leyinacajjarjama, ewjjanacajjarjama sarnakäta ucqhajja, uqhamarac camachi arunacajjarusa phokharaquïta cuntï ucanacan siscta ucanac lurasina ucqhajj, nayajj phokhäwa cuntejj arscäyäta jumampi lurañataqui David awquimaru ucjja;

2 Crónicas 19:10

Marca masinacamajja cawquïr marcanacatsa mä ch'ajjwa apanipjjani jumanacana chekapar uñjapjjañamataqui, mä jiwayatajj juchati janicha; uqhamata leyinacarjama, arsutanacarjama, cheka sarayañanacaru, ewjja arunacaru uñjatäñapataqui. Ewjjapjjam jan Tatitun nayrakatapana jucha lurapjjañapataqui, uqhamata Tatitojj jan jumanacataqui colerasiñapataqui, uqhamarac jupanacataquesa. Jumanacasti acanac phokhapjjam, ucatsti juchajj janiw jumanacanccaniti.

Nehemías 10:29

mayachasipjjänwa familianacaparu, uqhamarac jilïrinacaparu, ucatsti amtasipjjänwa suma arust'äwir mantañataqui. Jupanacasti juramento lurapjjäna suma sarañataqui, cuntejj Diosajj churcäna leyinaca Moisés sirvirip toke, uqhamat suma phokhapjjañapataqui take camachi arunacapa, suma arsüwinacapa, uqhamarac Tatitusan leyinacapsa.

Salmos 147:19

Tatituw Jacoborojj arunacap yatiyi, Israel marcarusti leyinacapamp arsutanacapamp churaraqui.

Éxodo 19:7

Ucat Moisesasti jutasinjja Israel marcanquir jilïrinac jawsasinjja ucanacaruw yatiyäna cuntejj Tatitojj siscäna ucjja.

Ezequiel 20:11

ucanwa jupanacarojj leyinacajja, camachi arunacajj churaracta, qhititejj uca arunacajjarjam sarnakqui ucanacasti jacañwa catokapjjaraquini.

Ezequiel 20:25

Ucatsti jupanacarojj cuna leyinacatejj jan asquïcän ucanacwa churaracta, cawquïri camachinacampitejj jan jacaña jicjjatapcasapän ucanacwa churaracta.

Levítico 18:26

Ucampisa jumanaca, israelitanacajja, uqhamarac cawquïri yakha marcat jutasina jumanac taypina jaquiri jakenacasa, nayan arsutanacajjaru uqhamaraqui leyinacajjarusa phokhasa sarnakapjjam, janiraqui uca k'añu luräwinacjja lurapjjamti, cuntejj uca jakenacajj lurapcän ucanaca.

Levítico 18:5

“Nayan arsutanacajjsti, uqhamarac leyinacajjsa phokhapjjapunim. Cawquïri jaketejj ucanaca phokcani ucasti jacaniwa. Nayätwa Tatitojja.

Levítico 19:37

“Uqhamasti take leyinacajjsa, uqhamarac arsutanacajjsa phokhapjjapunim. Nayätwa jumanacan Tatitu Diosamajja.”

Levítico 20:22

“Nayan leyinacajja, uqhamarac arsutanacajjsti phokhapjjam, ucarjamaraqui sarnakapjjam, uqhamatwa cawquïri orakerutejj irpapcsma uca orakejj jan jumanacarojj apanucupcätamti.

Malaquías 4:4

“Jumanacajj amtasipjjamaya cawquïri leyinactï Moisés uywatajjaru Horeb sat kolluna churcta ucanacata. ¡Ucanacasti ewjja arunacänwa, camachi arunacaraquïnwa take Israel marcan phokhañapataqui!

Números 35:24

ucapachasti marcan jakenacaw juezat sayt'apjjani, cawquïritejj jiwayqui uqhamarac cawquïri familiapatejj jiwayatat jiwayä sas thakqui, uca leyinacarjama.

Números 36:13

Acanacasti leyinaca, camachi arunacänwa, cawquïrinactejj Tatitojj israelitanacaru churäna Moisés toke Moab sat pampanacana, Jordán jawir jac'ana, Jericó marca uñcatasina.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Deuteronomio 15:12

“Cawquïri hebreo jilamatejj, chachäpansa, warmïpansa; jumaru aljasïtam esclavor uñtata, ucasti sojjta maraquiw sirvïtam. Pakallko mara purinipanjja libre qhitanucjjäta.

Deuteronomio 4:14

Nayaruw Tatitu Diosajj ewjjetu jumanacaru leyinaca, arsutanacapa yatichañataqui, cawquïri oraktï churapctam ucan phokhañanacamataqui.

Deuteronomio 4:45

cawquïri camachinaca, leyinaca, arsutanacaptï Moisesajj Israel marcaru churcäna, cunapachatï jupanacajj Egipto marcat mistunipcäna ucqha,

Deuteronomio 4:5

Nayasti jumanacarojj yatichapjjsmawa take cawquïri leyinactï Tatitu Diosajj ewjjawayquistu ucanaca, jumanacan uca leyinacarjam sarnakapjjañamataqui cawquïr oraktï churapcsma ucana.

Deuteronomio 4:8

Uqhamaraqui, ¿cawquïri jach'a marcaraqui utji leyinacapasa, arsutanacapas cheka, cunjämtï nayajj aca yatichäwinac jumanacar churapjjsma uqhamajja?

Deuteronomio 5:1

Moisesasti Israel marcaru tantachthapisinjja sänwa: “Israelanquir jakenaca, sum ist'apjjam cawquïri leyinaca, arsutanactï jichhüru yatiyapcäma ucanacaru. Sum p'ekenacamar yatekapjjam, ucatsti take sarnakäwiman ucarjam sarnakapjjaraquim.

Deuteronomio 5:31

Ucatsti jumajj nayampi aca chekan kheparam. Nayaw churäma camachi arunaca, leyinaca, arsutanacajja, jupanacar yatichañamataqui, uqhamata sarnakäwinacapan uca camachi arunacarjam sarnakapjjañapataqui cawquïri oraktï churcä ucana.’

Deuteronomio 6:1

“Aca camachinaca, leyinaca, arsutanacapwa Tatitu Diosajj nayaru churitu jumanacar yatichañataqui, cawquïri orakenactï churapcätam ucan phokhapjjañanacamataqui.

Deuteronomio 6:20

“Cunapachatï wawanacamajj mä uru jisct'apjjätam: ‘¿Cun sañsa muni uca camachi arunaca, leyinaca, arsutanaca, cawquïrtï Tatitu Diosasajj churawayquistu ucanacajja?’ sasa.

1 Tesalonicenses 4:1

Jichhajj jilatanaca, achict'apjjsmawa, ewjjt'apjjaracsmawa acjja Tatit Jesusan sutipana: cunjämatejj nanacajj yatichapjjsmajja Diosar cusisiyquiri sarnakañjjatjja, uqhamarjama lurasipcaquim juc'amp juc'ampi.