EkaJuda 1:16 - IBHAYIBHELI ELINGCWELE

Yilabo abakhononayo nabasolayo, behamba ngezinkanuko zabo, umlomo wabo ukhuluma uwangala, betusa ubuso ngenxa yenzuzo.

IsiZulu 2020

Yibo laba abangabakhonondayo nabasolayo, abahamba ngokubuswa yizinkanuko zabo, bekhuluma amazwi aluwangala, betusa abanye ukuze bazuze.

Baasraak Zulu New Testament Bible

Laba ngabakhonondi nabasolayo, behamba ngezabo izinkanuko; nomlomo wabo ukhuluma izikhukhula, betusa ubuso babantu ngenxa yenzuzo.

Contemporary Zulu Bible 2024

Laba ngabakhonondi nabasolayo, behamba ngezabo izinkanuko; nomlomo wabo ukhuluma izikhukhula, betusa ubuso babantu ngenxa yenzuzo.

EkaJuda 1:16 Jak'a apnaqawi uñst'ayäwi

UJobe 32:21

Mangingakhethi ubuso bamuntu, ngingathophi nobani.

UJobe 34:19

ongakhethi ubuso bezikhulu, onganaki ocebileyo kunompofu, na? Ngokuba bonke bangumsebenzi wezandla zakhe.

AmaHubo 106:25

Bakhonona besematendeni abo; babengalaleli izwi likaJehova.

AmaHubo 15:4

obuka onengekayo ngokuzakumenyanya, kepha ebazisa abamesabayo uNkulunkulu; ofunga ngokuzakumlimaza, nokho angalaphuli izwi lakhe;

AmaHubo 17:10

Bavalelwe ngamanoni abo, bakhuluma ngokuzidla ngomlomo wabo.

AmaHubo 73:8

Bayaklolodela; ebubini bakhuluma ngokukhahla; bakhuluma besekuphakamemi.

IzAga 28:21

Ukukhetha ubuso akukuhle; ngomthamo wesinkwa umuntu angenza isiphambeko.

U-Isaya 29:24

Abaduka emoyeni bayakwazi, baqonde, nabakhononayo bayakufunda, bakwamukele.”

ULevitikusi 19:15

“ ‘Ningenzi ukungalungi ekwahluleleni; ungakhethi ubuso bompofu, ungavuni ubuso bomkhulu, kepha wahlulele umakhelwane wakho ngokulunga.

UNumeri 14:36

Nalawo madoda athunywa nguMose ukuhlola izwe, abuya akhononisa yonke inhlangano ngaye ngokuletha umbiko omubi ngezwe,

UNumeri 16:11

Ngalokho wena nalo lonke iviyo lakho nimhlanganyele uJehova; no-Aroni uyini yena ukuba nikhonone ngaye na?”

UNumeri 16:41

Kepha ngolwangakusasa yonke inhlangano yabantwana bakwa-Israyeli yakhonona ngoMose nango-Aroni, yathi: “Nibabulele abantu bakaJehova.”

NgokukaLuka 15:2

AbaFarisi nababhali base bakhonona bethi: “Lo muntu wamukela izoni, adle nazo.”

NgokukaLuka 19:7

Kuthe bekubona, bakhonona bonke, bathi: “Uye kungenisa kwandoda eyisoni.”

NgokukaLuka 5:30

AbaFarisi nababhali bakhonona kubafundi bakhe, bathi: “Yini ukuba nidle niphuze nabathelisi nezoni na?”

Johane 6:41

Khona abaJuda bakhonona ngaye, ngokuba ethe: “Ngiyisinkwa esehle ezulwini.”

Johane 6:61

Kepha uJesu azi phakathi kwakhe ukuthi abafundi bakhe bayakhonona ngalokho, wathi: “Lokhu kuyanicunula na?

1 kwabaseKorinte 10:10

Futhi ningakhononi njengabanye kubo bakhonona, babhujiswa ngumbulali.

KwabaseGalathiya 5:16

Kepha ngithi: Hambani ngoMoya, khona aniyikufeza izinkanuko zenyama.

KwabaseGalathiya 5:24

Kepha abakaKristu Jesu babethele esiphambanweni inyama kanye nokuhuheka nezinkanuko.

UDuteronomi 1:27

nakhonona ematendeni enu, nathi: ‘Ngokuba uJehova wasizonda, wasikhipha ezweni laseGibithe ukuba asinikele esandleni sama-Amori, sichithwe.

KwabaseFilipi 2:14

Yenzani konke ngokungakhononi nokungangabazi,

1 kwabaseThesalonika 4:5

kungabi ngokushisa kwenkanuko njengabezizwe abangamazi uNkulunkulu

1 kuThimothewu 6:5

nokuxabana kwabantu abangqondo yabo yonakele, abamukwe iqiniso, bethi ukumesaba uNkulunkulu kuyindlela yenzuzo.

2 kuThimothewu 4:3

Ngokuba kuyakuba khona isikhathi abangayikuvuma ngaso isifundiso esiphilayo, kepha ngokwezinkanuko zabo bayakuzibuthela abafundisi njengokubatshwa kwezindlebe zabo,

1 kaPetru 1:14

Njengabantwana abalalelayo ningalingisi izinkanuko zakuqala ekungazini kwenu,

1 kaPetru 2:11

Bathandekayo, nginincenga njengabafokazi nezihambi ukuba nidede ezinkanukweni zenyama ezilwa nomphefumulo,

1 kaPetru 4:2

ukuze ngesikhathi esiseleyo nisesenyameni ningabe nisahlala ngezinkanuko zabantu kodwa ngentando kaNkulunkulu.

2 kaPetru 2:10

ikakhulu labo abahamba ngokwenyama enkanukweni yokuzingcolisa, bedelela ubukhosi; bengamaphikankani nabaziqhenyayo abesabi nokuhlambalaza abenkazimulo,

2 kaPetru 2:18

Ngokuba bekhuluma udwadwa, amazwi ayize, babayenga ngezinkanuko zenyama nangamanyala labo abasaphephayo abahamba ngokuduka;

2 kaPetru 3:3

nazi kuqala lokhu ukuthi ngezinsuku zokugcina kuyakufika abahleki abahleka usulu, behamba ngezinkanuko zabo,

EkaJuda 1:15

ukuze yahlulele bonke, ijezise bonke abangamesabi uNkulunkulu ngenxa yemisebenzi yonke yabo yokungahloniphi uNkulunkulu abadelela ngayo, nangawo onke amazwi alukhuni izoni ezingamesabi uNkulunkulu eziwakhulumile ngaye.”

EkaJuda 1:18

abasho ukuthi ngesikhathi sokugcina kuyakuba khona abahleka usulu, behamba ngezinkanuko zabo zokungamesabi uNkulunkulu.