AmaHubo 11:1 - IsiZulu 2020

Ngiphephela kuwe Simakade; uyisiphephelo sami. Kungani pho nithi kimi: “Balekela ezintabeni njengenyoni.

IBHAYIBHELI ELINGCWELE

Ngiyaphephela kuJehova; nisho kanjani kuwo umphefumulo wami ukuthi: “Balekela entabeni yenu njengenyoni, na?

Contemporary Zulu Bible 2024

Kumholi wokuhlabelela. Ihubo likaDavide. Ngiyethemba uJehova; nisho kanjani emphefumulweni wami ukuthi: “Balekela entabeni yakho njengenyoni na?

AmaHubo 11:1 Jak'a apnaqawi uñst'ayäwi

2 iziKronike 14:11

U-Asa wakhala kuSimakade uNkulunkulu wakhe, wathi: “Simakade, akekho ngaphandle kwakho ongasiza nongenamandla phakathi kwabaningi. Sisize, Simakade Nkulunkulu wethu, ngokuba sethembele kuwe, siphumile egameni lakho ukuzobhekana nalolu quqaba. Simakade, Wena unguNkulunkulu wethu, mawungahlulwa muntu.”

2 iziKronike 16:8

AmaKhushe namaLubi ayengesiyo yini impi enkulu, enezinqola nabamahhashi abaningi kakhulu na? Kepha ngenxa yokuba wawuthembele kuSimakade, Yena wayinikela esandleni sakho.

UNehemiya 6:11

Ngamphendula ngathi: “Ngabe indoda enjengami nje ingabaleka yini na? Ngabe indoda efana nami ingangena yini ethempelini ukuze isindise impilo yayo na? Ngeke ngingene kulo.”

AmaHubo 16:1

Ngilondoloze Nkulunkulu, ngoba uyisiphephelo engikhosela kuso.

AmaHubo 25:2

Nkulunkulu wami, ngethembele kuwe; ungavumi ukuba ngihlazeke; izitha zami mazingaqhoshi ngami.

AmaHubo 31:14

Kepha mina ngethemba Wena Simakade, ngithi: “Wena unguNkulunkulu wami.”

AmaHubo 56:11

Ithemba lami likuNkulunkulu, angiyukwesaba. Umuntu angangenzani na?

AmaHubo 7:1

Simakade, Nkulunkulu wami, ngiyaphephela kuwe; ngisindise, ungikhulule kubo bonke abangixoshayo,

AmaHubo 7:2

funa bangidwengule njengengonyama, bangidweshule kungekho ongikhululayo.

AmaHubo 9:10

Abalaziyo igama lakho bethembela kuwe; Simakade awubalahli labo abakufunayo.

IzAga 6:5

Zisindise njengensephe esandleni somzingeli, nanjengenyoni esandleni somcuphi.

UJeremiya 48:14

“Ningasho kanjani, nithi: ‘Singamaqhawe namabutho anamandla okulwa na?’

NgokukaLuka 13:31

Ngaleso sikhathi kweza kuJesu, abanye babaFarisi bathi kuye: “Suka, uhambe lapha, ngokuba uHerode ufuna ukukubulala.”

1 Samuweli 19:11

USawule wathumela izithunywa endlini kaDavide ukuba zimqaphe, bese zimbulala ekuseni. UMikhali, umkakhe, wambikela uDavide, wathi: “Uma ungayihlengi impilo yakho ngalobu busuku, uzobulawa kusasa.”

1 Samuweli 20:38

Waqhubeka uJonathani wamemeza engasemuva komfana, ethi: “Shesha, uphuthume, ungemi.” Umfana kaJonathani wayiqoqa imicibisholo, weza nayo kumniniwakhe.

1 Samuweli 22:3

UDavide wasuka lapho, waya eMizpha, kwaMowabi, wathi enkosini yakwaMowabi: “Ngicela ukuba ungikhoselisele ubaba nomama, ngize ngazi ukuthi uNkulunkulu uyakungenzelani.”

1 Samuweli 23:14

UDavide wahlala ehlane ezinqabeni, wahlala kwelezintaba ehlane iZifi. USawule wamfuna zonke izinsuku, kodwa uNkulunkulu akamnikelanga esandleni sakhe.

1 Samuweli 27:1

UDavide wathi enhliziyweni yakhe: “Ngelinye ilanga uSawule uzongibulala. Akukho engingakwenza, kungcono ngibaleke, ngiye ezweni lamaFilisti. USawule uzoyeka ukungifuna esifundeni sonke sakwa-Israyeli, bese ngiphunyuka kanjalo esandleni sakhe.”