Ñanqha lurir jaqinakax chiqa kankañat janiw amuyt'apkiti, Tatitur thaqhirinakasti, taqi kun amuyt'apxi.
Juan 8:43 - Qullan Arunaka DC Jumanakax janiw arsutanakax amuyt'añ munapktati, nayan arsutaxar jan ist'añ munapxatam layku. Aymar Bibliia 1986 Jumanacasti janiw arunacajj ist'añ munapctati, ucatwa jumanacajj jan amuyt'apctati cuntejj sapjjsma, ucjja. Qullan Arunaca Jumanacasti janiw arunacajj ist'añ munapctati, ucatwa jumanacajj jan amuyt'apctati cuntejj sapjjsma, ucjja. |
Ñanqha lurir jaqinakax chiqa kankañat janiw amuyt'apkiti, Tatitur thaqhirinakasti, taqi kun amuyt'apxi.
Uka jaqinakax janiw kuns yatipkiti, nayranakapas juykhuwa, janirakiw kuns uñjapkiti, amuyunakapas q'ala ch'amakt'atawa, janiw kuns amuyt'apkiti.
Tatitusti sarakituwa: “Saram, aka markarux akham sarakim: ‘Ist'kasinsa, janiw amuyt'apkaniti, uñjkasinsa, janiw amuyapkaniti’ sasa.
Nayasti saraktwa: “¿Khitirak ist'itani aka yatiyäwixarusti? Tatay, jinchunakapax llupantatawa, janiw ist'irjamäpkiti; arunakamatsti larusipxiwa, janiw arunakam munapkiti.
9 (10) Yatiñani, ch'ikhi jaqinakas aka arunak amuyt'apxpan: Tatitun thakhipax chiqapawa, chiqa jaqinakakiw ukanjam sarapxi; ukampis ñanqha jaqinakax uka thakhin liwisipxiwa.
Ukampis uka markanakax janiw Tatitun amuyunakapsa, amtatanakapsa yatipkiti; kunjämtix Tatitux jupanakarux trigor uñtat pich pichu jawq'suñatak apthapkani ukxa.
Aka jaqinakan chuymapax qalaratawa, jinchunakapas jan ist'añatak llupantatawa, nayranakapas jan uñjañatak jist'antatawa; jan amuyt'apxañapataki, nayan ukar jan kuttaniñapataki, ukhamat nayan jupanakar jan qhispiyañaxataki’.
Qhanak sapxsma, pachax puriniwa, jiwatanakax jichhpachaw Diosan Yuqapan arup ist'apxani; ist'irinakasti, jakapxaniwa.
Nayax Awkixan khithanitaw jutta, jumanakasti janiw katuqapkistati; ukampis maynitix jupa pachpat jutaspa ukarux katuqapxasmawa.
Aka yatichäwinak ist'asinxa, Jesusan arkirinakapat waljaniw sapxäna: —Aka arunakar iyawsañax wali ch'amawa, ¿khitirak juparusti ist'aspasti? —sasa.
Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.
Jupanakasti Jesusarux sapxarakïnwa: —Nanakax Abrahaman wawanakapäpxtwa, janipuniw khitin luqtiriparus tukupkti. ¿Kunatarak sapxistasti: “Qhispiyatäxapxätawa” sasasti?
Jupanakasti Jesusarux sapxarakïnwa: —Nanakan awkixax Abrahamawa —sasa. Jesusasti jupanakarux sänwa: —Jumanakatix chiqpachan Abrahaman wawanakapäpxasmaxa, kuntix jupax lurkän uk lurapxasma.
Estebanasti parlañ janïr tukuykasax, saskakïnwa: “Jumanakax qala chuymani, jan ist'asir jaqinakäpxapuntawa. Jumanakax Qullan Ajayutakix sayt'asipxapuntawa. Kunjamäkäntix nayra awkinakamax ukhamäpxaraktawa.