Jeremías 6:10 - Qullan Arunaka DC

¹⁰ Nayasti saraktwa: “¿Khitirak ist'itani aka yatiyäwixarusti? Tatay, jinchunakapax llupantatawa, janiw ist'irjamäpkiti; arunakamatsti larusipxiwa, janiw arunakam munapkiti.

Aymar Bibliia 1986

¹⁰ Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Qullan Arunaca

¹⁰ Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Jeremías 6:10 Jak'a apnaqawi uñst'ayäwi

Salmos 1:2

jan ukasti, jupan kusisiñapax Tatitun arupawa, uka arupatsti arumay uruw lup'i.

Salmos 119:16

Kamachi arunakamampiw kusisï, janipuniw arunakamat armaskäti.

Salmos 119:174

Tatay, ¡nayarux qhispiyakitaya! ¡Yatichäwinakamampix kusisitätwa!

Salmos 119:24

Arunakamax nayan kusisiñaxawa, arsutanakamax nayan amuyt'ayirixawa.

Salmos 119:35

Arsutanakaman thakhipanay irpita, ukankiw nayan kusisiñaxaxa.

Salmos 119:70

Jupanakan amuyt'anakapax ch'amakt'atawa, nayasti yatichäwimampiw kusista.

Salmos 119:77

Khuyapayasiñam uñacht'ayita, jakañ churarakita, yatichäwimampix wali kusisitätwa.

Salmos 40:8

8 (9) Dios Tatituxay, munañam lurañaw kusisiyitu; ¡yatichäwinakamax chuymaxankiwa!

Éxodo 6:12

Moisesasti ukxaruw Tatitur sarakïna: —Janiw israelitanakas ist'apkituti, ¿kunjämarak faraonasti nayar ist'itanisti? Nayax janiw sum parlirïkti —sasa.

Isaías 42:20

Taqi kun uñji, ukampis janiw kuns amuykiti; jinchunakapas jist'aratäskiwa, ukampis janiw kuns ist'kiti.

Isaías 53:1

Isaías profetasti siwa: ¡Janipuniw khitis yatiyäwinakasar ist'apkiti! ¡Janirakiw khitis Tatitun ch'amap uñjkiti!

Jeremías 35:13

“Naya, Israelan Diosapa, taqi ch'aman Tatituw arsta. Jumarusti saraksmawa, jichhax Judá uraqinkiri, Jerusalén markankir jaqinakan ukar saram, jupanakarusti sarakim: ‘Recabita jaqinakat aka yatichäwi yatiqapxam, ukatsti arunakaxar ist'apxarakita. Naya, Tatituw uk arsta.

Jeremías 4:4

Judá markankirinaka, Jerusalén markan utjir jaqinaka, jumanakax q'umachasxapxam, nayarusti Tatitut uñt'asxapxita, jumanakampi lurata arust'äwi phuqhapxam, ukampis chiqpachapin phuqhapxam; ukhamat ñanqha luratanakam laykux phiñasiñaxax ninjam jan aqtaskañapataki, uksti janiw khitis jiwaraykaspati.

Jeremías 5:21

‘Jan amuyt'an t'axmar marka, aka arunak ist'am, nayranïskiwa, ukampis janiw uñjkiti, jinchunïskiwa, ukampis janiw ist'kiti.

Jeremías 7:13

Nayasti mayamp mayampi jumanakar ñanqha luratanakamat iwxapxsma, ukampis jumanakax janiw nayar ist'apkistati, janirakiw jaysapkistasa. Naya, Tatituw uk arsta.

Jeremías 7:26

Ukampis jumanakax janiw nayarux jaysapkistati, janiw ist'apkarakistasa, jan ukasti, nayra awkinakamat sipansa juk'ampi qhuru chuymaniw tukupxtaxa.

Jeremías 9:26

26 (25) Egipto, Judá, Edom, Amón, Moab, uka markanakaru, taqi wasara tuqin utjirinakaru, khitinakatix paranakapa khithurasipki ukanakarusa. Taqi uka markanakaxa, taqpach Israel markasa, janiw chuymanakapanxa Tatitur uñt'apkiti.”

Ezequiel 3:7

Ukampisa, Israel markax janiw jumar ist'añ munkätamti, nayar jan ist'añ munatap layku. Taqi Israel markax k'ullu, jan amuyt'asirïpxiwa.

Ezequiel 33:3

Uka uñch'ukiristi uñisir ejercitor jutantaskir uñjasinxa, trompetap phust'asaw jaqinakarux yatiyañapa.

Ezequiel 33:9

Ukampis jumatix uka ñanqha jucharar jaqir amuyt'asiñapatak parläta, uka ñanqha jakañapsa apanukuñapataki, jupasti janirak ist'kätamti, ukapachax jupax juchap laykuw jiwaskani, jumasti jakañam qhispiyasïtawa.

Amós 7:10

Betel markan Amasías sacerdotepaxa, Israel markan Jeroboam reyipar yatiyiriw khiti: “Amós chachax israelita jaqinakaruw jumar ñanqhachañatak amtayaski. Markasti janiw juk'ampi ukham parlaykaspati.

Mateo 3:7

Kunapachatix Bautisiri Juanax fariseonakaru, saduceonakaru, bautisayasir jutapxatap uñjäna ukkhasti, jupax sänwa: “¡Katari jaqinaka! ¿Khitirak jumanakarusti Diosan jach'a mutuyäwipat jaltañ yatiyapxtamsti?

Lucas 11:45

Ukat kamachi yatichirit mayniw jupar sarakïna: —Yatichiri, uk sasax nanakamppacharuw chuyma ust'ayapxista —sasa.

Lucas 20:19

Ukatsti sacerdotenakan jilïrinakapampi, kamachi yatichirinakampix ukspachaw Jesusar katuntañ munapxäna, uka uñtasïwix jupanakatakïtap amuyapxatap layku. Ukampis jaqiruw axsarapxäna.

Juan 7:7

Akapachankirinakax janiw jumanakar uñisipkiristamti; ukampis nayarux uñisipxituwa, nayan jupanakar jan wali luratanakap irkatatax layku.

Juan 9:40

Jupampïpkän uka fariseonakat yaqhipanakasti, uk ist'asin Jesusaruw jiskt'apxäna: —¿Nanakasti juykhüpxaraktti? —sasa.

Hechos 7:51

Estebanasti parlañ janïr tukuykasax, saskakïnwa: “Jumanakax qala chuymani, jan ist'asir jaqinakäpxapuntawa. Jumanakax Qullan Ajayutakix sayt'asipxapuntawa. Kunjamäkäntix nayra awkinakamax ukhamäpxaraktawa.

Hechos 7:60

Killt'asisinsti, jach'at art'äna: “¡Tatay, aka jucha luratat jan jupanakar juchañchamti!” sasa. Ukham arsusin jupax jiwawayxäna.

Romanos 7:22

Chuymax manqhansti Diosan kamachip wal munta,

Deuteronomio 29:4

4 (3) Ukampis Tatitux jichhürkamaw jan churapktamti yatiñ kankañ chuyma, janirakiw taqi ukanakan kunat ukham lurasitapsa amuyt'ayapktamti.

Colosenses 1:28

Nanakax Cristo Tatitut parlapxta, taqiniruw yatiñ kankañamp iwxt'as yaticht'apxta, ukhamat Tatit Cristjam chiqäpxañamataki.

2 Timoteo 4:3

Jaqinakax, aski yatichäwir jan ist'añ munapkan uka urux purininiwa; jupanakax munañaparjamakiw kunayman yatichirinak thaqhasipxani; kunjämtix jupanakax yatichayasiñ munapkan uk ist'añatakiki.

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.