Juan 5:7 - Qullan Arunaka DC

Usutasti sänwa: —Tatay, janiw khiti yanapt'iris utjkituti uma unxtkipan mantañaxataki. Sapa kuti mantañ munkta ukkhax, yaqhakiw nayraqat mantawayxi —sasa.

Aymar Bibliia 1986

Usutasti sänwa: —Tata, janiw qhiti yanapt'iris utjquituti uma onjjtquipan mantañajjataquejja. Sapa cuti mantañ muncta ucqhajja, yakhaquiw nayrakat mantawayjje —sasa.

Qullan Arunaca

Usutasti sänwa: —Tata, janiw qhiti yanapt'iris utjquituti uma onjjtquipan mantañajjataquejja. Sapa cuti mantañ muncta ucqhajja, yakhaquiw nayrakat mantawayjje —sasa.

Juan 5:7 Jak'a apnaqawi uñst'ayäwi

Salmos 142:4

4 (5) Kupi tuqiruw uñtasta, janiw khitis yanapt'ir jutkituti. ¡Janiw khitis arxatkituti! ¡Janiw khitis nayat llakirix utjkiti!

Salmos 72:12

Jupaw art'asir jan kunan jaqirux antutayani, yanap jan jikxatir llakit jaqirus yanapani.

Juan 5:2

Jerusalén markana, “Ovej uyu punku” sat jak'an mä uma püñaw utji phisqa jach'a punkuni, ukasti hebreo arunxa Betzatá satawa.

Juan 5:3

Uka chiqansti walja usutanakaw utjäna: juykhunaka, kayu usutanaka, suchunaka; jupanakasti uman unxtañap suyasipkäna.

Juan 5:4

Tatitun angelapaw sapa kuti uka chiqar saraqanirïna, ukat uma unxtayirïna; khititix um unxtipan nayraqat mantirïkän ukakiw usupat waliptirïna.

Juan 5:6

Jesusasti uka jaqir uraqin jaqusiskir uñjasina, jaya maranak usurnukstatätap amuyasinxa, juparuw jiskt'äna: —¿K'umaraptañ muntati? —sasa.

Romanos 5:6

Kunapachatix jiwasanakax jan qhispiyasirjamäkäyätan ukkhaw Cristox pachapar juchararanak layku jiwawayi.

1 Corintios 9:24

Jumanakax yatipxtawa, mä atipasïwinxa, taqiniw jalapxi, ukampis maynikiw churäwi katuqi, uka kipkarak jumanakax churäwi katuqañkam jalapxam.

Deuteronomio 32:36

“Diosaw markapat arxatasini, markapar jan ch'aman uñjasaxa; Diosaw luqtirinakapat khuyapayasini jan kunar tukuyat jikxatasitap uñjasaxa.