Éxodo 1:12 - Qullan Arunaka DC

Ukampis israelitanakax wali t'aqhisiyat uñjaskasasa juk'ampiw mirantäna. Egipto markankir jaqinakasti israelitanakar wal axsarapxäna.

Aymar Bibliia 1986

Israelitanacasti wali t'akhesiyatajja juc'ampiw mirantapjjäna, ucatsti Egipto marcanquir jakenacajja israelitanacarojj wali ajjsarapjjäna.

Qullan Arunaca

Israelitanacasti wali t'akhesiyatajja juc'ampiw mirantapjjäna, ucatsti Egipto marcanquir jakenacajja israelitanacarojj wali ajjsarapjjäna.

Éxodo 1:12 Jak'a apnaqawi uñst'ayäwi

Génesis 46:3

Ukat Diosax jupar sarakïna: —Nayax awkiman Diosapätwa. Egipto markar sarañ jan axsaramti, ukan nayax wawanakamaru mä jach'a markar tukuyä.

Nehemías 9:23

Jupanakarux alaxpachan utjir warawaranakjam walja wawanak churtaxa, ukatsti nayra awkinakaparu churañatak arsuta uraqi katuqasipxañapatakiw irparaktaxa.

Job 5:2

Chuyma usuyasiñasa, uñisisiñasa jiwañarukiw jaqirux apxi.

Salmos 105:24

Diosax markaparux waljaniptayänwa, egipcionakat juk'ampi ch'aman tukuyäna.

Salmos 107:38

Tatituw askip churi, juk'ampi jilxatayi, uywanakap mirantayaraki.

Éxodo 1:20

Diosasti ukham askinak wawa usuyir warminakarux lurayäna, ukhamat israelita markax mirantaskakïna, ukatsti juk'at juk'at wali ch'aman tukurakïna. Ukhamarusa, wawa usuyir warminakan Diosar axsartapxatap laykusti, jupax khuyapt'ayänwa, wila masinakaparus juk'amp jilxatayäna.

Éxodo 1:7

Ukampisa, israelitanakax walja wawanakanïnwa, jupanakat saraqirinakasti walpun mirantäna, wali ch'aman markaruw tukurakïna. Egipto markansti taqi chiqanakan israelitanakax utjxäna.

Éxodo 1:9

“Uñjapxam, israelitanakax waljanïxapxiwa, jiwasat sipansa wali ch'amanïpxarakiwa;

Proverbios 21:30

Tatit nayraqatanxa janiw yatiñ kankañax kunäkxiti, janirakiw ch'ikhi kankañasa, suma amuyt'asiñas kunäkxiti.

Proverbios 27:4

Q'apisiñax chuyma ch'amakt'ayasiñ apani, munapayañax ukat sipan juk'amp jan waliwa.

Números 22:3

Israelitanakan waljanïpxatap uñjasax, Moab markankir jaqinakax axsarapxarakïnwa.

Juan 12:19

Ukatsti fariseonakax jupanakkamaw sasipxäna: —Jumanakax uñjxapxtawa, janiw kunas lurañjamäkiti. Taqiniw jupar arkapxi —sasa.

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

Deuteronomio 26:5

jumasti aka arunak Diosam nayraqatan qhanañchäta: ‘Nayra awkinakaxax arameo muyuyku jaqinakänwa, juk'anikirakïnwa. Egipto markar jakiriw jupanakax sarxapxatayna, ukansti mä jach'a markaw tukupxatayna, wali ch'amani, waljani tukuñkama.