Proverbios 27:4 - Qullan Arunaka DC

⁴ Q'apisiñax chuyma ch'amakt'ayasiñ apani, munapayañax ukat sipan juk'amp jan waliwa.

Aymar Bibliia 1986

⁴ Colerasiñajj jan wali tucjiriwa, ucampis envidiasiñajja ucat sipansa juc'amp jan waliwa.

Qullan Arunaca

⁴ Colerasiñajj jan wali tucjiriwa, ucampis envidiasiñajja ucat sipansa juc'amp jan waliwa.

Proverbios 27:4 Jak'a apnaqawi uñst'ayäwi

Génesis 26:14

Ovejanakapasa, vacanakapasa, uywatanakapas waljapunïnwa, filisteonakasti ukham uñjasax jupar uñisiñ qalltapxäna.

Génesis 37:11

Jilanakapasti Joseatakix wal arusipxäna, ukampis awkipax uka samkat wali lup'irakïna.

Génesis 38:9

Ukampis Onán chachax amuyasïnwa kawkïr wawanakatix jilapan ijmapampi wawanïkasapän ukanakaxa, janiw jupan wawapa satäkasapänti. Ukat sapa kuti jilapan ijmapampi mayachaskän ukkhax janiw usuriptayañ munkänti, ukhamat jilapan jan jupa tuqi wawanïñapataki.

Job 5:2

Chuyma usuyasiñasa, uñisisiñasa jiwañarukiw jaqirux apxi.

Proverbios 14:30

Samarañ chuymanïñax janchirux jakañ churi, uñisisir chuymanïñasti ch'akhatpach jaqirux tukji.

Proverbios 27:3

Qalanakampi, ch'allampix jathiwa, jan amuyt'asir jaqin q'apisitapasti juk'amp jathiwa.

Proverbios 6:34

Warmipampi sallqjayasir jaqin q'apisitapax ninar uñtatawa, ukhamat ukham phuqsusiñ uru purinipansti janiw khuyapayaskaniti;

Cantar de los cantares 8:6

¡Chuymamar nay chimpuntasita, amparamar nay chimpuntasita! Munasiñax jiwañar uñtat jan t'unjkayawa; jumar munañasti amay imäwir uñtat jan kamachkayawa. ¡Munasiñasti ninar uñtataw aqaraki, ukasti qullan ninawa!

Mateo 27:18

Pilatox amuyänwa uka jaqinakan uñisiñat Jesusar katuntayatapa.

Hechos 17:5

Ukampis jan iyawsir judionakax uñisiñat ukawjanakan sarnaqir qhuru jayra jaqinak irpthapipxäna. Uka jaqinak anthapisinsti markankir jaqinakaruw amtayasin uxtañanak sartayapxäna. Ukatsti Jasonan utaparuw chhukt'apxäna, Pablompir Silasampir uka utat waysusin jaqinakar katuyañataki.

Hechos 5:17

Uk uñjasinsti, sacerdotenakan jach'a jilïripampi, jupamp chikapkän uka saduceo tamankirinakampix, wal uñisipxäna,

Hechos 7:9

“Jacobun wawanakapax jiwasan nayra awkinakasawa. Jupanakax José jilaparux uñisipxänwa, ukat jupar aljantawayapxäna Egipto markar irpasxapxañapataki, ukampis Diosax Joseampïskänwa,

Romanos 1:29

Jupanakasti jan chiqapar uñjañampi, ñanqha lurañampi, jan wali lurañampi phuqhantatäpxiwa. Jupanakax akhamäpxiwa: uñisirinaka, jiwayirinaka, ch'axwayirinaka, sallqjirinaka, jan walt'ayirinaka, aru apnaqirinaka.

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.

1 Samuel 18:9

Uka urut uksarusti Saúl reyix Davidarux payachasiñ chuymampiw uñjäna.