1 Juan 2:6 - Qullan Arunaka DC

Khititix “Diosampix mayakïtwa” siski ukaxa, kunjämatix Jesucristox jakkän ukhamaw jakañapa.

Aymar Bibliia 1986

Qhititejj: “Diosampiw jacascta” sasqui ucajja, cunjämatejj Jesucristojj jaccäna uca quicparaquiw jacañapa.

Qullan Arunaca

Qhititejj: “Diosampiw jacascta” sasqui ucajja, cunjämatejj Jesucristojj jaccäna uca quicparaquiw jacañapa.

1 Juan 2:6 Jak'a apnaqawi uñst'ayäwi

Salmos 85:13

13 (14) Aski kankañax jupan nayraqatap sarani, jupatakisti thakhi wakicharapini.

Mateo 11:29

Kamachinakaxar jaysapxam, ukatsti nayat yatiqasipxita, nayax llamp'u chuymani, alt'at chuymanïtwa, ukat ajayunakaman samarañap jikxatapxäta.

Juan 13:15

Nayax jumanakaruw uñacht'ayapxsma, kunjämtix nayax jumanakar lurapksma uka pachpa lurapxañamataki.

Juan 15:10

Nayan kamachinakaxtix phuqhapxätaxa, nayan munasiñaxan sarnaqapxäta, kamisatix nayax Awkixan arsutanakap phuqkta, ukatsti jupan munasiñapan sarnaqarakta ukhama.

1 Corintios 11:1

Jumanakax nayat yatiqasis sarnaqapxam, kunjämtix nayax Cristot yatiqasis sarnaqkta ukhama.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

1 Pedro 2:21

Ukatakipï Diosax jawsapxtamxa, Cristox jumanak laykuw t'aqhisiwayi, jumanakar mä suma uñacht'äwi jaytasa, ukhamat kayup arkapxañamataki.

1 Juan 2:28

Jichhasti wawanaka, Cristompix mayak jakapxam, ukhamat kunapachatix uñstankan ukkhax iyawsañasax utjañapataki, ukatsti kunapachatix jutkan ukkhax, jupan nayraqatapan jan mä p'inqa tukuskañasataki.

1 Juan 2:4

Ukampis maynitix saspa: “Nayax juparux uñt'twa” sasaxa, ukat janirak kamachinakapar phuqkixa, jupax k'ariwa, janiw chiqa arux jupan utjkiti.

1 Juan 3:24

Khitinakatix kamachiparjam phuqhapki ukanakax Tatitumpiw jakapxi, Tatitusti jupanakampiw jakaraki. Qullan Ajayup churkistu uka tuqiw jiwasampi jakatap yattan.

1 Juan 3:6

Ukhamasti taqi khitinakatix jupampi mayak jakapki ukanakax janiw juchan sarnaqkxiti; ukampis juchan sarnaqirix janiw jupar uñjkiti, janirakiw uñt'kisa.

1 Juan 4:17

Ukham tuqiw chiqpach munasiñax jiwasan phuqhasi, ukhamat taripäwi urun jan axsarañasataki, jiwasasti akapachan kunjämäkitix Jesucristox ukhampachätanwa.