Ucampis janitejj kenayajj uca carpa patjjata chhaktcäna ucqhajja, jupanacajj janiraquiw carpa utanacapjja apthapisipjjerïcänti kenayajj chhaktañapcama.
Números 9:19 - Qullan Arunaca Cunapachatejj kenayajj walja urunaca Arust'äwi Carpa patjjan sayt'äna ucqhajj israelitanacajj sayt'apjjaraquïnwa Tatitu Diosar sirviñataqui. Aymar Bibliia 1986 Cunapachatejj kenayajj walja urunaca Arust'äwi Carpa patjjan sayt'äna ucqhajj israelitanacajj sayt'apjjaraquïnwa Tatitu Diosar sirviñataqui. Qullan Arunaka DC Qinayatix walja urunak Arust'äwi Carpa patxan qhiparkän ukkhaxa, israelitanakax pachparuw Tatitur yupaychañatak qhiparapxarakïna. |
Ucampis janitejj kenayajj uca carpa patjjata chhaktcäna ucqhajja, jupanacajj janiraquiw carpa utanacapjja apthapisipjjerïcänti kenayajj chhaktañapcama.
Uca laycu, jumanacasti pakallko uruw kheparapjjäta Tatitumpi Jiquisiñ Carpar mantañäquisa uca chekana, uruy arumawa pakallko uru phokhasiñcama ucancapjjäta. Tatitun arunacaparusti ist'apjjaraquim, ucatsti janiw jiwapcaraquïtati, ucaw Tatitun arunacapajja” sasa.
“Aqham siwa take ch'amani Tatitojja: ‘Saram thaquinacajjanjama, phokharaquim take luräwinac jaytcsma ucanaca. Uqhamtï lurätajja, templojja uñjiriw kheparätajja. Uñjaraquïtawa templomppacha, pationacamppacha, nayaw churäma mä cheka aca angelanacajj nayar yupaychapquitu ucanac taypina.
Uqhamaraquiw imapjjani Tatitumpi Jiquisiñ Carpan take yänacapsa, ucatsti take israelitanacar kollan chekan sirviñatac uchatäpjjaraquiniwa.
Tatitun aruparjamaw israelitanacajj sarapjjäna, uqhamarac sayt'apjjänsa, uca chekaruw kheparapjjaraquïna, cunapachatejj kenayajj Arust'äwi Carpjjaru muyuntcän ucqhajja.
Kenayatejj Arust'äwi Carpa patjjan juc'a urunacaqui sayt'än ucqhajj Tatitu Diosan arsutaparojj janc'aquiw sarjjarupjjäna, ucatsti Tatitu Diosan arsutaparjamaraquiw sayt'apjjäna.