Números 5:15 - Qullan Arunaca

Ucapachajj chachajj warmiparojj sacerdoten nayräjjaparuw irpani, ucatsti mä ofrendjamwa warmipatjja churani, pä kilo cebada jac'u, ucampis janiraquiw jac'u patjjarojj aceite ni incienso warjjatcaniti, ucajj celos toketa mä ofrendätap laycu, uqhamarac mä ofrenda juchanac khanstayañataquïtap laycu.

Aymar Bibliia 1986

Ucapachajj chachajj warmiparojj sacerdoten nayräjjaparuw irpani, ucatsti mä ofrendjamwa warmipatjja churani, pä kilo cebada jac'u, ucampis janiraquiw jac'u patjjarojj aceite ni incienso warjjatcaniti, ucajj celos toketa mä ofrendätap laycu, uqhamarac mä ofrenda juchanac khanstayañataquïtap laycu.

Qullan Arunaka DC

Ukhamäni ukapachasti, chachax sacerdoten nayraqataparuw warmipar irpani, ukatsti Tatiturux pä kilo cebada jak'u waxt'a warmipat churani. Ukampis janiw jak'u patxar aceitempi warxatkaniti, janirakiw incienso uchkaniti, uka waxt'an chuyma mayjt'at chachan waxt'apätap layku, warmipan juchap qhanstayañ munatap laykuraki.

Números 5:15 Jak'a apnaqawi uñst'ayäwi

1 Reyes 17:18

Ucatsti ijma warmejj Eliasarojj sänwa: —¿Cuna lurañajjasa jumampejj utjitu, Diosanquir jake? ¿Jumajj juchanacajja amtayiriti juttajja, ucatjja wawajjaru jiwayiriraqui? —sasa.

Ezequiel 21:23

Ucampisa Jerusalén marcan jaquir jakenacataquisti aca arunacajj mä c'ari profecía arunacäcaspas uqhamawa, cuna arust'äwinactejj lurapcän uca laycu. Ucampisa aca arunacajj juchanaca lurapjjatap laycu arsüwi arunacawa, cunjämatejj jupanacajj caturata uñjasipcani uca yatiyäwi arunacawa.

Ezequiel 29:16

Israel marcasti janipuniw mayampsa juparojj alcatascjjaniti, ucapachaw amuyt'asjjapjjani uqham alcatasisajj pantjasipjjatapata cunapachatejj jupanacajj Egiptor yanapa mayir sarapcän ucqha. Ucapachaw yatipjjani nayan Tatitütajja’ ” sasa.

Oseas 3:2

Ucatsti mä warmi nayajj alasta tunca pheskani kollkempi, mä carga chicatani cebadampi cuna.

Levítico 1:2

“Israelitanacampi parlam, jupanacarusti saraquïtawa cunapachatejj maynejj nayaru uywanac loktañataqui apaninejja, ucsti orko vacapatwa jan ucajj orko ovejanacapatwa apaniñapajja.

Levítico 2:1

“Cunapachatejj maynejj Tatituru granonacat waquichata mä ofrenda loktäwi apanini ucqhajj, suma jac'u apaniñapawa, ucjjarusti aceitempi, inciensompi warjjatt'atäñaparaquiwa.

Levítico 5:11

“Ucat janipunitejj kollkejj utjarapcani pä palom, jan ucajj pä palom wawanaca alt'asiñataquisa, uca jucha luratapat ofrenda loktañataquejj pä kilo wali suma jac'u aparaquini. Uca jac'jjarusti janiw aceitempisa ni inciensompisa warjjatcaraquiniti, jucha luratat mä ofrenda loktatätap laycu.

Números 5:16

“Sacerdotejj warmiru jac'aparu irpcatasinjja, Tatituruw uñstayani,

Hebreos 10:3

Ucatsipan take uca sacrificionacajja, sapa mara jucha luratanacapat amtasiyañataquiw asqui.