Números 5:15 - Qullan Arunaka DC

¹⁵ Ukhamäni ukapachasti, chachax sacerdoten nayraqataparuw warmipar irpani, ukatsti Tatiturux pä kilo cebada jak'u waxt'a warmipat churani. Ukampis janiw jak'u patxar aceitempi warxatkaniti, janirakiw incienso uchkaniti, uka waxt'an chuyma mayjt'at chachan waxt'apätap layku, warmipan juchap qhanstayañ munatap laykuraki.

Aymar Bibliia 1986

¹⁵ Ucapachajj chachajj warmiparojj sacerdoten nayräjjaparuw irpani, ucatsti mä ofrendjamwa warmipatjja churani, pä kilo cebada jac'u, ucampis janiraquiw jac'u patjjarojj aceite ni incienso warjjatcaniti, ucajj celos toketa mä ofrendätap laycu, uqhamarac mä ofrenda juchanac khanstayañataquïtap laycu.

Qullan Arunaca

¹⁵ Ucapachajj chachajj warmiparojj sacerdoten nayräjjaparuw irpani, ucatsti mä ofrendjamwa warmipatjja churani, pä kilo cebada jac'u, ucampis janiraquiw jac'u patjjarojj aceite ni incienso warjjatcaniti, ucajj celos toketa mä ofrendätap laycu, uqhamarac mä ofrenda juchanac khanstayañataquïtap laycu.

Números 5:15 Jak'a apnaqawi uñst'ayäwi

1 Reyes 17:18

Ukat ijma warmix Eliasar säna: —Tatitun profetapa, ¿kunatarak nayamp katxatasistasti? ¿Jucha luratanakaxata amtayirit jumax utaxar jutta, wawaxan jiwatapampi mutuyañti munistaxa? —sasa.

Ezequiel 21:23

23 (28) Ukampis Jerusalén markan jakir jaqinakatakix uka arunakax mä k'ari profecía arunakäkaspas ukhamawa, arust'äwinak lurapxatap layku. Ukampis aka arunakax juchanak lurapxatapat arsüwi arunakawa, kunjämatix jupanakax katuratäpkani uka yatiyäwi arunakarakiwa.

Ezequiel 29:16

Israel markasti janipuniw mayampsa Egiptorux alkataskxaniti, ukaw jupanakar amuyt'ayani, ukham alkatasis Egiptor yanap mayir sarapkän ukapacha pantjasipxatapata. Ukapachaw nayan Tatitütax yatipxani’ ” sasa.

Oseas 3:2

Ukatsti uka warmirux tunka phisqan qullqimpi, mä khumu chikatani cebadampiw alasta.

Levítico 1:2

“Israelitanakampi parlam, jupanakarusti sarakim, kunapachatix maynix uywanak nayar luqtañatak apankani ukkhaxa, urqu vacanaka jan ukax, urqu ovejanakapat apaniñapawa.

Levítico 2:1

“Kunapachatix maynix granonakat wakichata mä luqtäwi Tatitur luqtañatak apanini ukkhaxa, suma jak'ükis ukat apaniñapawa, ukxarusti aceitempi, inciensompi warxatt'atäñapawa.

Levítico 5:11

“Ukat janipun qullqix utjarapkani pä qhurukutu, jan ukax pä paloman chhiwchhipa alt'asiñatakixa, uka jucha luratapat waxt'a luqtañatakix pä kilo wali suma jak'u apani. Uka jak'urusti janiw aceitempisa, inciensompis warxatañapäkiti jucha luratat mä waxt'a luqtatätap layku.

Números 5:16

“Sacerdotex warmiru jak'apar irpkatasinxa, Tatitun nayraqataparuw uñstayani.

Hebreos 10:3

Ukampis aka wilañchanakax jucha luratanakapat sapa mara amtayañatakikiwa.