Números 3:36 - Qullan Arunaca

Merari chachan wawanacapajj imapjjänwa kollan chekan tablanacapa, cawquïri lawatejj mä thiyat mä thiyaru sarqui, uqhamarac postenacapa, take pampan uchatäqui uca lawanaca, take yänacapampi cuna.

Aymar Bibliia 1986

Merari chachan wawanacapajj imapjjänwa kollan chekan tablanacapa, cawquïri lawatejj mä thiyat mä thiyaru sarqui, uqhamarac postenacapa, take pampan uchatäqui uca lawanaca, take yänacapampi cuna.

Qullan Arunaka DC

Merarí chachan saraqirinakapax qullan chiqawjan utjir tablanak uñjapxäna, ukhamarak uka tablanakan lawanakapa, kawkïri lawatix mä thiyat mä thiyaru sarki uka lawanakapa, sayir lawanakampi, katxäsirinakapampi, taqi yänakapampi,

Números 3:36 Jak'a apnaqawi uñst'ayäwi

Éxodo 26:32

Ucatsti acacia sat lawat lurat pusi postenacaru warct'am, korit lurat ganchonacampi caturayasa. Ucampis uca poste lawanacajj patata korimpi lip'suyatäñapawa, aynacharusti kollketa lurat planchampiraquiw uchäta sapa posteru mä planchampi.

Éxodo 26:37

Ucjjarusti cortinataquejj luraraquim pheska postenaca acacia sat lawata, ucatsti korimpiraquiw uca maderarojj patatjja lip'suyaraquïta, ucampis uca lawanac cayuru uchañataquisti broncetwa luraraquïta, uqhamarac sapa maya posteruraquiw korita lurat anchonacampi ucharaquïta.

Éxodo 35:11

Kollana chekanjja carpapamppacha, uca carpan techonacapa, ganchonaca, tablanaca, utachañatac lawanaca, jach'a sayir poste lawanaca, orak mankher utt'añapamppacha,

Éxodo 35:18

uqhamarac kollan chekan patiopataquisa ch'acurunacsa, lazonacapamppacha catt'ayañataqui;

Éxodo 36:36

Ucatsti korit lurat ganchonacampiw acacia sat lawat lurat pusi postenacaru warccatapjjäna, uca postenacasti korimpi lip'suyatcamaquïnwa, aynach mankherusti kollket lurat pusi planchanacampiraquiw uchapjjaraquïna.

Éxodo 39:33

Jupanacasti tucuyasinjja Moisesaruw catuyjjapjjäna Tatitumpi Jiquisiñ Carpjja take yänacapampi, ganchonaca, tablanaca, ayjjata morok'o lawanaca, postenaca, tacnokañanacamppacha,

Números 3:35

Jilïri irpiri jakepajj Zuriel sat chachänwa, Abihail chachan wawapa, ucatsti puripjjänwa kollan chekat amsta tokeru.

Números 3:37

Uca quipcaraqui cawquïr lawanacatejj patio muyuntqui ucanacsa, utt'ayañatac uchatäqui uca lawanaca, ch'acurunaca, cuerdanacapamppacha.

Números 7:8

Merari chachan wawanacaparojj churaraquïnwa pusi carretanaca, quimsakallko orko vacanaca, cawquïrinactejj lurañataqui munapcäna uqhamarjama. Jupanacasti Itamar sat Aarón sacerdoten wawapan sarayatäpjjänwa.