Mateo 23:4 - Qullan Arunaca

Jupanacajj jan aptcañ carganacwa jakenacarojj uchapjje, apañaparacwa munapjje; ucampis jupanacajj janiw luc'anapampiquis llamct'añ munapquiti.

Aymar Bibliia 1986

Jupanacajj jan aptcañ carganacwa jakenacarojj uchapjje, apañaparacwa munapjje; ucampis jupanacajj janiw luc'anapampiquis llamct'añ munapquiti.

Qullan Arunaka DC

Jupanakax jan phuqkay lurañanakampiw jaqinakar t'aqhisiyapxi, ukarusti janiw mä luk'anampis llamkt'añ munapkiti.

Mateo 23:4 Jak'a apnaqawi uñst'ayäwi

Isaías 46:1

Bel diosajj aynacht'iwa, Nebo diosasti orakeruw liwnoktaraqui. Uca diosanacajj uywanacjjaru qhumutawa, karjat uywanacataquisti mä jathi cargawa.

Mateo 23:23

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.

Mateo 23:3

Jumanacajj jupanacarojj jaysapjjamaya, lurapjjaraquim cuntejj sapctam take ucanaca. Ucampis jan jupanacjamajj lurapjjamti, jupanacasti may arsupjje ucatsti yakhrac lurapjje.

Lucas 11:46

Jesusasti saraquïnwa: —¡Ay, camachapcaquïta, jumanac ley yatichirinaca! Yakhanacarusti jan aptcaya k'epinacampiw apjjatapjjta, jumanacasti ucarojja ni mä luc'anampiquiw jan llamct'añs munapctati.

Hechos 15:10

Jichhasti, ¿cunatarac pächasipjjtasti cuntï Diosajj lurqui ucjjatsti, mä jan lurcaya luräwinac jupanacjjar uchañ munasinsti? Ucanacjja janejjay jiwasanacas ni nayra awquinacasas phokhapcstantejja.

Hechos 15:28

Kollan Ajayutaquis nanacataquis waljamaquiw amuyasi take acanacjjar jan cuna lurañanacsa juc'ampi jumanacjjar apjjatañataqui.

Gálatas 6:13

Circuncisión wali phokhañ munirinacasti cuntejj leyejj sisqui ucarjamajj janiw phokhapquiti. Ucampis jupanacajj munapjjewa jumanacan circuncidasipjjañama, uqhamata ch'amampi jach'ar uñt'ayasiñataqui, janchin uca luräwi jumanacar lurayasina.

1 Juan 5:3

Diosar munañajja camachinacar phokhañawa; camachinacapasti janiraquiw jan phokhañjamäquiti,

Apocalipsis 2:24

Ucampis jumanacat qhitinacatejj Tiatira iglesiana jan uca yatichäwinacarus arcapctati, uqhamarac cuntejj jupanacajj sapjje: Supayan imantat yatichäwipa sasa, ucarus jan arquirinacarojja, janiw yakha cunsa maycäti.