Mateo 2:10 - Qullan Arunaca Uca magonacasti warawarar uñjasinjja wal cusisipjjäna. Aymar Bibliia 1986 Uca magonacasti warawarar uñjasinjja wal cusisipjjäna. Qullan Arunaka DC Amawt'anakasti warawarar uñjasin wal kusisipxäna. |
Marcanacajj cusisiñat k'ochupjjpan, asqui cancañamp acapachar apnakatam laycu. Chekaparuw takpach marcanac saraytajja.
Utar mantasinsti wawampiru, María taycapampiruw jicjjatapjjäna. Ucatwa quillt'asisina yupaychapjjäna. Cajanacapat apsusisinjja, kori, incienso, mirra ucanacwa juparojj churapjjäna.
Take uca ewjjanac ist'asinjja magonacajj sarawayjjapjjänwa reyin ucatjja. Inti jalsu token wali c'ajquir warawarasti jupanacan nayrakatap sarascaquïnwa, ucampis warawarajj cawqhantejj wawajj nascatayna ucqharuw sayt'äna.
Angelasti jupanacarojj sänwa: —Jan ajjsarapjjamti, suma yatiyäwinac apanta, acasti take marcpachataqui wali cusisiñäniwa.
Awatirinacasti, take cuntï ist'apcatayna uqhamarac uñjapcataynas ucanacat Diosar jach'achasa, uqhamarac jupar yupaychasaw cuttjjapjjäna, cunjämtï jupanacar satäcän uqhamarjama phokhasitap laycu.
Atipirinacarjamaw irpäna, uca oraken kollu patanacanjama, pampanquir achunacwa mank'ayaraquïna, karkatwa misq'i umañ churäna, ch'ollkhe kalatwa aceite churaraquïna;