Lucas 9:7 - Qullan Arunaca

Marca apnaker Herodesajj yatjjaraquïnwa take cuntejj Jesusajj lurcäna ucjja; ucatsti janiw yatcänti cunjäm amuyt'añsa, yakhepanacajj “Juanaw jiwatanac taypit jactanjjatayna” sapjjatap laycu.

Aymar Bibliia 1986

Marca apnaker Herodesajj yatjjaraquïnwa take cuntejj Jesusajj lurcäna ucjja; ucatsti janiw yatcänti cunjäm amuyt'añsa, yakhepanacajj “Juanaw jiwatanac taypit jactanjjatayna” sapjjatap laycu.

Qullan Arunaka DC

Marka apnaqir Herodesax kunanakatix luraskän ukanak yatïna; ukatsti ukanakat wal pächasïna, yaqhipanakax “Bautisir Juanaw jiwatanak taypit jaktanxatayna” sapxänwa,

Lucas 9:7 Jak'a apnaqawi uñst'ayäwi

Salmos 73:19

Acatjamat t'unjatajj uñjasipjjani, ajjsarañamp tucjataw tucusipjjaraquini.

Isaías 22:5

Take ch'amani Tatituw uqham luri, mä ajjsarcañ urun puriniñapwa jupajj uscu, t'unjatäñana, jan amuyanïñan unañchanac uñjañ vallenjja, jach'a perkanacwa tincurayasipqui; arnakasitanacapasti kollunaccamaraquiw ist'asi.

Miqueas 7:4

Jupanacat walïqui ucasti mä ch'aphir uñtatawa; wali cheka lurirïqui ucasti yakha ch'aphir uñtataraquiwa. Ucampis jutasquiwa jacthapitanac mayiñ urojja, cuntejj uñjirejj yatiycäyätam uca urojja. Ucapachawa jupanac taypinjja mayjt'asiñajj utjani.

Mateo 11:2

Juanasti cuntejj Jesusajj lurcatayna ucanaca carcelanjja yatïnwa, ucatwa pani arquirinacaparojj qhitäna Jesusan ucaru,

Marcos 8:28

Jupanacasti ucjjarojj sapjjänwa: —Yakhepanacajj ‘Bautisiri Juanaw’ sapjjtamwa. Mayninacasti ‘Eliasaw’ sapjjtamwa. Mayninacasti ‘Profetanacat maynïrïpachaw’ sapjjaractamwa —sasa.

Lucas 13:31

Uca urunracwa mä kawkha fariseonacajj purinipjjäna, ucat Jesusar sapjjäna: —Acat sarjjam, Herodesajj jiwayañ muntam —sasa.

Lucas 21:25

“Ucapachasti unañchanacaw utjani intina, phajjsina, warawaranacana; orakensti marcanacajj mayjt'atäpjjaniwa, uqhamaraquiw sustjasipjjani kota mathapinacan ajjsarcañ khothutitanacapatjja.

Lucas 23:7

Ucatsti Galileanquiriwa sipanjja, Herodesan ucaruw apayi qhititejj Galilea apnakascäna ucaru. Ucasti uca urunacanjja Jerusalenancascaraquïnwa.

Lucas 3:1

Tiberio sat emperadorajj niya tunca pheskan mara marca apnakascän ucqhajja, Poncio Pilatojj Judea marca apnakaraquïna, Herodesasti apnakaraquïnwa Galilea, Felipe jilapasti Iturea marcampi Traconite marcamppacha apnakaraquïna, Lisaniasasti Abilinia marca apnakaraquïna.

Lucas 9:19

Jupanacajj sapjjewa: —Yakhepanacajj: ‘Bautisir Juanaw’ sapjjtamwa; yakhepanacasti: ‘Eliasaw’ sapjjaractamwa. Mayninacasti: ‘Nayra profetanacat mayniw jactanpacha’ sapjjaractamwa —sasa.