Lucas 9:42 - Qullan Arunaca

Uca waynarusti niya Jesusar jac'achasinquipanwa, ñankha ajayojj pampar liwinucu. Ucat Jesusajj uca ñankha ajayurojja tokenoke. Uca waynarusti waliptayjjewa ucat awquipar catuyjjaraqui.

Aymar Bibliia 1986

Uca waynarusti niya Jesusar jac'achasinquipanwa, ñankha ajayojj pampar liwinucu. Ucat Jesusajj uca ñankha ajayurojja tokenoke. Uca waynarusti waliptayjjewa ucat awquipar catuyjjaraqui.

Qullan Arunaka DC

Kunapachatix uka waynax Jesusan ukar niya jak'achasinkän ukapachaw ñanqha ajayux pampar liwinuküna; ukampis Jesusax uka ñanqha ajayuruw tuqinuqäna, uka waynarusti k'umaraptayxänwa, ukat awkipar katuyxarakïna.

Lucas 9:42 Jak'a apnaqawi uñst'ayäwi

1 Reyes 17:23

Eliasajj ucspachawa wawaru apjjarusinjja utapata mankhëjja utaru apakasinjja, taycaparu catuyjjäna, aqham sasa: —¡Uñjam, wawamajj jactjjewa! —sasa.

2 Reyes 4:36

Eliseo profetasti Giezi uywataparu jawsasinjja sänwa: “Sunamita warmiru jawsanim” sasa. Giezi uywatapasti uqhamwa luräna, cunapachatï jupajj Eliseon nayrakataparu purinïna ucqhasti, Eliseojj juparojj sänwa: “Acajj wawamajj” sasa.

Marcos 9:20

Jupanacasti irptanipjjänwa. Ñankha ajayusti Jesusar uñjasinjja, uca waynarojj thalayänwa. Jupasti orakeru liwnoktasinwa sunt'isïna, lacapatsti jopokow jutaraquïna.

Lucas 7:15

Ucatwa jiwatäcän ucajj konthapïna, parlañ kalltaraquïna; ucat Jesusajj taycaparuw catuyjjäna.

Lucas 9:39

Juparusti mä ñankha ajayuw catunti ucaw acatjamat warariyi, uqhamaraquiw wal thalayi, lacapatsti jopokow juti. T'akhesiyiwa ucatjja janiraquiw antutañ munquiti.

Lucas 9:41

Jesusajj saraquïnwa: —¡Ay, jan iyawsañan jan wali jakenaca! ¿Cunapachcamas jumanacampiquïscäjja, take acanac apjjäsisajja? Acar uca wawam irptanim —sasa.

Lucas 9:43

Takeniraquiw Diosan jach'a cancañapatjja muspharasipjjäna. Takeni Jesusan luratanacapat muspharatäsipquipansti, jupajj discipulonacaparojj sänwa:

Juan 6:19

Niya mä tupu jiljamwa sarapjjatayna. Ucqha sarcasinwa Jesusar uñjapjjäna uma patanjam jutasquiri, jupanacasti ajjsarapjjänwa.

Hechos 9:41

Pedrosti amparat waytasinwa sayt'ayi. Ucatsti iyawsirinacampir ijma warminacampir jawsasinjja, jacquirwa catuyjje.

Apocalipsis 12:12

Alajjpachanacasti ucan utjirinacasa cusisipjjam. Ucampis, ¡wali llaquisiñaraquiw oraken uqhamarac kotan utjirinacataquejja! Supayasti jumanacan ucaruw wali colerat juti, tiempopan juc'aquïtapa yatisina” sasa.