Lucas 7:23 - Qullan Arunaca ¡Cusisiñaniwa nayaru arcasina jan mayjt'asirejja! —sasa. Aymar Bibliia 1986 ¡Cusisiñaniwa nayaru arcasina jan mayjt'asirejja! —sasa. Qullan Arunaka DC ¡Nayar arkasin jan mayjt'asirix kusisiñaniwa! —sasa. |
Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.
Uqhamasti Jesusajj jupanacarojj sänwa: —Sarapjjam, ucatsti cuntejj uñjapcta, ist'apcaracta ucanac Juanarojj khanañchapjjam. Yatiyapjjaraquim cunjämtï juyqhunacajj uñjapjje, cojonacas sarnakapqui, lepra usuninacas c'umaräjjapjje, okaranacas ist'apcaraqui, jiwatanacas jactayataraqui, uqhamarac pobrenacaruw khespiyasiñ arunacajj churasiscaraqui ucanaca.
Juanajj qhitancatayna ucanac sarjjepansti, Jesusajj jakenacaruw Juanat parlañ kalltäna, aqham sasa: —¿Cuna uñjiris jumanacajj wasararu sarapjjta? ¿Thayan onokeyat mä sokosar uñjiriti?
Qhititejj jan Dios chuymäqui ucajj janiw catokañ munquiti Diosan Ajayupan yänacapjja. Jupataquisti Diosan yänacapajj lokhe cancañäcaspas uqhamawa. Janiw amuyt'apquiti ucanacajj ajayu tokena amuyt'añätap laycu.