Lucas 6:8 - Qullan Arunaca

Ucampis Jesusajj yatïnwa cuntejj jupanacajj lup'ipcäna ucjja, ucat ampar pharsut jakerojj säna: —Sartasim, ucatsti qhä taypiru sayt'asim —sasa. Jakesti sartasinjja iyawsasaw ucqharu sayt'asi.

Aymar Bibliia 1986

Ucampis Jesusajj yatïnwa cuntejj jupanacajj lup'ipcäna ucjja, ucat ampar pharsut jakerojj säna: —Sartasim, ucatsti qhä taypiru sayt'asim—sasa. Jakesti sartasinjja iyawsasaw ucqharu sayt'asi.

Qullan Arunaka DC

Ukampis Jesusax kuntix jupanakax lup'ipkäna uk yatisinxa, ampar jan aytir jaqiruw säna: —Sartasim, khä taypir sayt'asim —sasa. —Uka jaqisti sartasin iyawsasaw ukkhar sayt'asïna,

Lucas 6:8 Jak'a apnaqawi uñst'ayäwi

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

1 Crónicas 29:17

Nayasti yattwa Diosajjay, jumajj chuymanaca uñantirïtama, ucatsti jumataquejj cheka cancañaraquiwa asquejja. Ucatwa, cheka chuymampi take acanac chursmajja. Jichhasti cusisitaw uñjaracta marcamajj acan tantachatäsina, walja ofrendanacapjja jumaruw churapjjtam.

Salmos 44:21

jumajj yatjjasamänwa, chuyma mankhanquir amtäwinac yatitam laycu.

Isaías 42:4

Janiw samarcaniti, ch'amsa jiwt'ayascaniti, aca oraken cheka cancaña uscuñapcama. Kota tokenquir marcanacasti yatichäwinacapjja suma ist'apjjani.”

Mateo 9:4

Jesusasti yatiraquïnwa cuntejj jupanacajj lup'ipcän ucjja, ucatwa jupanacarojj saraquïna: —¿Cunatsa uqham jan wali amtañanïpjjta?

Marcos 3:3

Jesusasti ampar pharsut jakerojj sänwa: —Sartam, sayt'asim aca taypiru —sasa.

Lucas 13:12

Jesusajj jupar uñjasinjja, jawsänwa ucat saraquïna: —Warmi, usumatjja kollatäjjtawa —sasa.

Lucas 5:22

Ucampis cuntejj jupanacajj lup'isipcäna ucjja Jesusajj yatïnwa, ucat saraquïna: —¿Cunats jumanacajj uqham lup'isipjjta?

Lucas 6:9

Ucatwa Jesusajj mayninacarojj saraquïna: —May jisct'apjjäma: Samarañ urunjja ¿cuna lurañas waquisi, asqui lurañati, jan ucajj ñankha lurañacha? ¿Jaker jiwañat khespiyañati, jan ucajj jiwayañach waquisi? —sasa.

Juan 2:25

Jaker uñt'añataquejj janiw qhitin yatiyatäñasa waquiscänti, jan ucasti jupa pachpawa yatïna jaken chuymapa.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

Juan 9:4

Urüquïpanjja lurañajjawa qhititejj qhitanquitu ucan lurañanacapa. Arumajj jutasquiwa, ucansti janiw qhitis irnakcaspati.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Hechos 26:26

Acancascaraquiw rey Agripasa. Jupasti acanacjja asquiraquiw yatiscaraqui. Ucatwa jupan nayrakatapan jan ajjsaras acanacjja parlta. Yatiractwa jupan take acanacjja sum yatiscatapa, acanacasti janiw cawqui jamas c'uchunsa lurasquiti.

Filipenses 1:28

uñisirinacamampis jan sustjayasisa. Ucasti jupanacataquejj mä khanañchäwiwa chhakañaru sarascatanacapajja, ucampis jumanacataquejj khespiyasiñajj Diosat jutatapa uñacht'ayi.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

1 Pedro 4:1

Ucatpï jilatanaca, cunjämtejj Tatitojj janchipan t'akhesiwayejja, jumanacajj janc'aquïpjjañamaraquiwa t'akhesiñataquejja. Ucatwa uca janchin t'akhesirejja, juchjja apanucuwayjje,

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.