Lucas 6:6 - Qullan Arunaca Yakha samarañ urunjja Jesusajj sinagogaruw mantäna ucat yatichañ kalltäna. Ucancascaraquïnwa cupi ampar pharsut mä jakejja. Aymar Bibliia 1986 Yakha samarañ urunjja Jesusajj sinagogaruw mantäna ucat yatichañ kalltäna. Ucancascaraquïnwa cupi ampar pharsut mä jakejja. Qullan Arunaka DC Qhipa sábado urunsti, Jesusax sinagogaruw mantäna ukat yatichañ qalltäna. Ukansti kupi ampar jan aytir jaqiw ukankaskäna; |
Jeroboam reyejj cunapachatï profetan take uca arunacapa Betelanquir altar toke arscäna ucqhasti, amparapwa altaratpacha loktanïna aqham sasa: “¡Catuntapjjam!” sasa. Ucampis cawquïr ampartï loktancäna unanchañataqui ucajja chekaquiwa tucuwayjjäna, ucatsti janiw onjjtaycjjänti.
¡Ay cunänis ovej tama jaytanucuri jan wali awatiritjja! ¡Espadasti amparapa t'unjpan, cupi nayrapampiru! ¡Amparapasti pharsuta kheparpan, nayrapasti k'ala juyqhuraqui!”
Jesusasti ucürunacanjja, Galilea tokenacanwa sinagoganacan Diosan khespiyasiñ arunacap yatiyasa sarnakäna, uqhamarac jakenacarus take usutanacapat c'umaraptayasa.
Ucatwa Jesusajj jisct'i ley yatichirinacaru, uqhamarac fariseonacarusa: —¿Waquisiti janicha samarañ urun kollañajja? —sasa.
Ucapachaw Jesusajj Nazaretaru sarjjäna cawqhantï jupajj jilcatayna ucaru. Samarañ urunsti sinagogaruw manti luräwinacaparjama, ucatsti Kellkatanac leet'añataquiw sayt'asïna.
Uqhamasti Jesusajj Galileanquiri Capernaúm sat marcaruw sarjjäna; purjjasinsti samarañ uruna jakenacar yatichañaruw uchasi.
Mä cutejj Jesusajj samarañ uruna trigo yapu taypwa sarascäna. Discipulonacapasti uca taypi pascasinjja trigo achunac q'ichirasipjjäna ucat amparanacapampi qhaqhurasisin mank'apjjäna.
Ucjjarusti sascaquïnwa: —Jaken Yokapajj samarañ urjjarus munañaniraquiwa —sasa.
Ucansti walja usutanacaw pampan wincuratäsipcäna: juyqhunaca, cojonaca, suchunaca, [acanacasti uman onjjtañapwa suyasipcäna.
Ucatsti mayni fariseonacajj sapjjaraquïnwa: —Ac lurqui uca jakejj janiw Diosanccaspati, jan samarañ uru ajjsart'atap laycu —sasa. Mayninacasti sapjjaraquïnwa: —Mä juchararajj, ¿cunjämsa aca milagronac luraspa? —sasa Uqhamasti jupanac taypinjja jaljtañanacaw utjäna.