¿Cunampicha uva yapojjaru waquisïnjja lurañajja? ¿Cuncha nayajj jan ucajj armpachätjja? Nayajj suma mojjsa uvanacan achuñapwa suyascäyätjja, ¿cunatarac uqhamasti c'allc'u uvanac achusti?
Lucas 6:43 - Qullan Arunaca “Janiw suma kokajj jan wali achunac churirejj utjcaspati, ni jan wali kokas suma achurejj utjcaraquispati. Aymar Bibliia 1986 “Janiw suma kokajj jan wali achunac churirejj utjcaspati, ni jan wali kokas suma achurejj utjcaraquispati. Qullan Arunaka DC “Janiw suma quqax jan wali achunak churirix utjkaspati, janirakiw jan wali quqas suma achu churirix utjkaspati. |
¿Cunampicha uva yapojjaru waquisïnjja lurañajja? ¿Cuncha nayajj jan ucajj armpachätjja? Nayajj suma mojjsa uvanacan achuñapwa suyascäyätjja, ¿cunatarac uqhamasti c'allc'u uvanac achusti?
Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.
Mä suma uva alïcasmas uqhamwa nayajj ayrusïyäsma, wali suma uva jathat jutirïcasmas uqhama. Ucampisa jichhajj k'ala jan wali tucutätawa, jan uñt'añjamäjjtawa.
“Mä kokatejj sumächi ucajja, suma achuniwa; jan suma kokäcchi ucasti, janiw sumäquiti achupajja. Uqhamasti mä kokajj achupat uñt'atawa.
Ucampis sapjjaracsmawa, niyawa hachajja kokanaca saphitpach phat'arañatakejja uscuta, jan cuna achu churiri kokasti phat'anucutawa, ucatsti ninaru phichantataraquiwa.
¿Cunjämrac jilamarusti sañ muntasti, ‘Jilata, nayramat uca jisc'a k'añu apst'äma’ sasa, juman nayraman mä jach'a lawajj utjasquipanjja? ¡C'ari chuyman jake! nayrakat nayramancquis uca jach'a lawa apsusim, ucatwa jumajj jilaman nayrapan jisc'a k'añojj utjquis ucjja sum uñjäta apsuñataqui.