Lucas 6:43 - Qullan Arunaka DC

⁴³ “Janiw suma quqax jan wali achunak churirix utjkaspati, janirakiw jan wali quqas suma achu churirix utjkaspati.

Aymar Bibliia 1986

⁴³ “Janiw suma kokajj jan wali achunac churirejj utjcaspati, ni jan wali kokas suma achurejj utjcaraquispati.

Qullan Arunaca

⁴³ “Janiw suma kokajj jan wali achunac churirejj utjcaspati, ni jan wali kokas suma achurejj utjcaraquispati.

Lucas 6:43 Jak'a apnaqawi uñst'ayäwi

Isaías 5:4

¿Kunampich uva yapuxar lurañax wakisïnxa? ¿Kuncha jan lurkpachätxa? Nayax suma muxsa uvanakan achuñap suyaskäyätxa, ¿kunatarak ukhamasti k'allk'u uvanakak achusti?

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 2:21

Mä suma uva alïkasmas ukham nayax ayrusïyäsma, wali suma uva jathat jutirïkasmas ukhama. ¡Ukampis jichhax q'ala jan wali tukutätawa, jan uñt'añjamarakïxtawa.

Mateo 12:33

“Mä suma quqax suma achunak churi; jan suma quqasti, jan wali achunak churaraki; ukhamasti mä quqax achupat uñt'atawa.

Mateo 3:10

Ukampis hachax quqanak saphitpach tinksuyañatak niy wakicht'atäxiwa. Jan kuna achu churir quqasti phat'anukutawa, ukatsti ninar phichhantatarakiwa.

Lucas 6:42

¿Kunjämarak jilamarusti sañ muntasti, ‘Jilata, nayramat uka jisk'a q'añu apst'äma’ sasa, juman nayraman mä jach'a lawa utjaskipansti? ¡K'ari chuyman jaqi!, nayraqat nayramankkis uka jach'a lawa apsusim, ukat jumax jilaman nayrapan jisk'a q'añux utjkis uk apsuñatak sum uñjäta.