Lucas 3:1 - Qullan Arunaca

Tiberio sat emperadorajj niya tunca pheskan mara marca apnakascän ucqhajja, Poncio Pilatojj Judea marca apnakaraquïna, Herodesasti apnakaraquïnwa Galilea, Felipe jilapasti Iturea marcampi Traconite marcamppacha apnakaraquïna, Lisaniasasti Abilinia marca apnakaraquïna.

Aymar Bibliia 1986

Tiberio sat emperadorajj niya tunca pheskan mara marca apnakascän ucqhajja, Poncio Pilatojj Judea marca apnakaraquïna, Herodesasti apnakaraquïnwa Galilea, Felipe jilapasti Iturea marcampi Traconite marcamppacha apnakaraquïna, Lisaniasasti Abilinia marca apnakaraquïna.

Qullan Arunaka DC

Tiberio sat emperadorax niya tunka phisqan mara marka apnaqkän ukkhaxa, Poncio Pilatox Judea marka apnaqäna, Herodesasti Galilea marka apnaqarakïna, Filipo jilapasti Iturea markampi, Traconítede markamppach apnaqäna, Lisaniasasti Abilene marka apnaqarakïna.

Lucas 3:1 Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Mateo 14:1

Uca urunacanjja Herodesajj Galileanwa marca apnakascäna, jupasti Jesusjjatwa yatiyäwinac yatïna.

Mateo 14:3

Uca Herodesaraquiw Juanarojj preso catuntayatayna, cadenampiraquiw cárcel mankhanjja chinuntayatayna. Uqham lurañapataquisti Herodías warmiw juchanïna, jupasti Herodesan Felipe jilapan warmipänwa.

Mateo 14:6

Herodesan urupansti, Herodiasan phuchapajj take jawsatanac nayrakatar thokt'iriw mistunïna, uca thokt'atapasti Herodesataquejj sinti sumänwa.

Mateo 22:17

¿Waliquïsquiti romanquir Cesarar impuesto pagañajja, janicha? Jumajj ¿camstasa? —sasa.

Mateo 27:2

Juparusti ñach'antatwa apapjjäna Poncio Pilaton ucarojja.

Marcos 6:17

Herodesajj, Herodías warmin amtayataw Juanarojj preso catuntayäna, ñach'antayasinsti carcelaruw uchayäna. Herodiasajj Felipen warmipänwa, Felipesti Herodesan jilaparaquïnwa. Herodesasti warmipäjjañapataquiw Herodiasjja irpakäna.

Marcos 6:21

Ucampis Herodiasajj suycän uca horasajj purinïnwa. Ucasti rey Herodesan urupänwa. Uruyasiñataquisti jupajj jawsthapiyänwa jilïrinacaru, capitananacaru, Galileanquir jilïr jakenacampiru.

Lucas 13:31

Uca urunracwa mä kawkha fariseonacajj purinipjjäna, ucat Jesusar sapjjäna: —Acat sarjjam, Herodesajj jiwayañ muntam —sasa.

Lucas 2:1

Qhaya urunacansti Augusto Cesaraw mä ley mistuyäna, jupajj apnakqui take uca marcanacana mä jacthapïwejj aptasiñapataqui.

Lucas 23:24

Pilatosti amtiwa cuntejj jupanacajj mayipcän uc luraña.

Lucas 3:19

Ucjjarusti Herodes marca apnakerejj juchañchataraquïnwa jupan Felipe jilapan Herodías warmipamp warmt'asitapata, uqhamarac yakha jan wali luratanacapampita.

Lucas 9:7

Marca apnaker Herodesajj yatjjaraquïnwa take cuntejj Jesusajj lurcäna ucjja; ucatsti janiw yatcänti cunjäm amuyt'añsa, yakhepanacajj “Juanaw jiwatanac taypit jactanjjatayna” sapjjatap laycu.

Hechos 23:26

“Naya Claudio Lisias, aruntansmaw Félix jach'a jilïr marca apnakeriru.

Hechos 24:27

Pä maraw uqhamaquiscäna, Félix chachasti uccañcamajja janiw marca apnakericjjänti, Porcio Festo sataraquiw Félix lantëjjänjja. Cunjämatï Félix jupajj judionacampejj sumancañ munänjja, ucatwa Pablorojj preso catuntata jaytawayäna.

Hechos 26:30

Pablon uqham parlatapatsti, rey Agripajj sayt'asjjewa, Berenice warmipampi, uqhamarac marca apnakerisa, take qhitinacatejj ucan kont'atäsipcäna ucanacasa.

Hechos 4:27

“Chekpachansa Herodesampi Poncio Pilatompi yakha marcat jutirinacampi, israelitanacampisa, mayaquiw sayt'apjje aca marcana kollan Jesús Yokam tokejja.