Lucas 21:6 - Qullan Arunaca —Purininiwa mä urojja, take acanac uñjasipcta ucanacasti t'unjatäjjaniwa ni mä kalaw jan yakha kala patjjan uchatajj utjcaniti —sasa. Aymar Bibliia 1986 —Purininiwa mä urojja, take acanac uñjasipcta ucanacasti t'unjatäjjaniwa ni mä kalaw jan yakha kala patjjan uchatajj utjcaniti —sasa. Qullan Arunaka DC —Mä uruw purinini, taqi akanak uñjapkta ukanakax q'ala t'unjatäniwa, janiw mä qalas yaqha qalxar uchatax utjkaniti. Taqipuniw t'unjatäni —sasa. |
“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.
uqhamasti nayajj aca templorojj cunjämtejj Silo chekanquir templorojj lurctjja uqhamracwa jichhajj luräjja. Aca marcarusti mä uñtascaña maldeciraquï, take acapachanquiri marcanacataquejja.’ ”
¿Cunjämsa jumajj parltajja Tatitun sutipjjaru, aca templojj cunjämatejj Silo chekanquir templojj t'unjatäcän uqhamaraquïniwa, uqhamaraqui aca marcasa t'unjataraquïniwa jan mä sapa jakeniraquiw kheparani sasajja?” sasa. Ucatsti take jakenacaw templonjja Jeremiasaru muyuntasin catuntapjjäna.
¡Cunjämaquiraqui koristi ch'iyärquipawayjjesti! ¡Ucqha suma koris janiw c'ajcjjaraquiti! Tatitun kollana utapanquiri kalanacas esquinanacanwa willirtasqui.
Sión kollusti jichhajj k'ala t'unthapitawa, kamakenacaquiw ucanjja aywtjjaraqui.
Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”
uca uruw Tatitojj take marcanacaru mayachthapinejja, Jerusalenampi nuwasipjjañapataqui. Marcaru catuntasajja, utanacapatsti yänacapjja apasipjjaraquiniwa, warminacaparusti warmisipjjaraquiniwa, chicatpacha jakenacaparusti preso apapjjaraquinejja. Jilt'irinacaquiw ucan jacasjjapjjanejja.
Jesusasti jupanacarojj saraquïnwa: —¿Uñjapjjtati take acanaca? Khanacwa sapjjsma, acawjanjja janiw mä kalasa yakha kaljjaru kheparcaniti, takpachapuniw t'unjatäni —sasa.
Jesusasti juparojj sänwa: —¿Aca jach'a utanacjja uñjtati? Mä urojj aca utanacajj k'ala tincuyataw uñjasini, allinucutaraquïniwa.
Ucatwa juparojj jisct'apjjäna: —Yatichiri, ¿cunapachas acajj pasani? ¿Cuna unañchanacas utjani acanacan phokhasiñapataquejja? —sasa.