Lucas 2:37 - Qullan Arunaca

Jichhasti quimsakallk tunca pusini maranëjjänwa uca viudajja. Jupasti templotjja janiw misturïcänti, jan ucasti arumay uruwa Tatitur sirvïna ayunonaca, oracionanac lurasa.

Aymar Bibliia 1986

Jichhasti quimsakallk tunca pusini maranëjjänwa uca viudajja. Jupasti templotjja janiw misturïcänti, jan ucasti arumay uruwa Tatitur sirvïna ayunonaca, oracionanac lurasa.

Qullan Arunaka DC

jichhasti uka ijma Anax, kimsaqallqu tunka pusin maranïxänwa. Jupasti Tatitun utapat janipuniw misturïkänti, jan ukasti uruy arumaw Tatitur luqtasirïna, ayuno lurasa, Diosat mayisisa.

Lucas 2:37 Jak'a apnaqawi uñst'ayäwi

Salmos 22:2

Diosajjay, uruw arnakasinsma, jumasti janiw ist'quistati; arumaw art'asinsma, jumasti janiw yäkquistati. ¡Janiw nayataquejj samart'añajj utjquiti!

Salmos 23:6

Munasiñamamp qhuyapayasiñamampejj sapürupuniw nayamp chicäsqui, Tatay, utamansti wiñayapuniw jacä.

Salmos 27:4

Tatitut mä mayisiñajjaquiw utji, ucaquirac thakä: jacañ urunacajjan utapan utjasiña; utapan jupar yupaychañataqui, khapak cancañap uñjasin cusisiñataqui.

Salmos 84:10

Mä uruquis utaman kamañajj juc'amp sumawa, warank urunac ankancañat sipana. Nayajj Diosan templopancañ munta, ñankha lurañ chekawjan jacañat sipana.

Salmos 84:4

Utaman jaquirinacajj cusisiñanïpjjewa, jan karjasisaw jumarojj yupaychapjjtam.

Salmos 92:13

Tatitun utapan ayruntatäpjjewa, Diosasan uyupan pankarapjje;

Éxodo 38:8

Bezaleel chachasti luraraquïnwa bronceta, mä tinaja, uqhamaraqui uchañapamppacha. Tatitumpi Jiquisiñ Carpa puncun sirvir warminacan espejonacapatwa, uca tinäj-jja luräna.

Lucas 5:33

Ucapachaw jupanacajj Jesusar jisct'apjjäna: —¿Cunatarac Juanan arquirinacapampi, fariseonacan arquirinacapampisti wal ayunapjjesti uqhamarac oracionanacs lurapjjaraqui, ucampis discipulonacamajj mank'asipqui umasipqui uqhamaquiraquisä? —sasa.

Hechos 13:3

Ucat Tatitur mayisina uqhamarac ayunasinjja, amparanacap jupanacjjar lokjjatasinwa qhitapjjäna.

Hechos 14:23

Sapa iglesianracwa jilïri jakenac utt'ayawayapjjäna. Ucatsti oracionampi ayunompi lurasinjja, cawquïr Tatiturutï iyawsapcäna ucaruw catuyawayapjjaraquïna.

Hechos 26:7

Israelan tunca payan wawanacapat sartir marcanacasti uca pachparaquiw Diosan arsutapar phokhañap suyt'asipcaraqui. Ucatwa jupanacajj Diosarojj yupaychapjje, sirvipjjaraqui uruy aruma. Rey Agripa, ucatwa nayarojj jichhajj juchañchapjjetu.

1 Timoteo 5:5

Mayni warmitejj chekpachana ijmächejja, sapaquirac kheparawayjjchi ucajja, Diosaruquiw suyt'i, jan karjtasinwa uruy aruma oracionjj luraraqui.

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

Apocalipsis 7:15

“Ucataracwa jichhajj jupanacajj Diosan tronop nayrakatancasipqui uruy aruma Diosan templopana yupaychasa. Tronon kont'atäqui ucasti take jupanacarojj imaraquiniwa.

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!