Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.
Lucas 19:10 - Qullan Arunaca Jaken Yokapasti cunatï chhakatäcäna uc thakeri khespiyiriraquiw juti —sasa. Aymar Bibliia 1986 Jaken Yokapasti cunatï chhakatäcäna uc thakeri khespiyiriraquiw juti —sasa. Qullan Arunaka DC Jaqin Yuqapax kunatix chhaqhatäkän uk thaqhiri, qhispiyirirakiw juti —sasa. |
Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.
Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.
Mariajj mä yokall wawa wawachasini, JESÚS sasaw suticharaquïta, juparaquiw marcaparojj juchapat khespiyani” sasa.
Ucapachaw Jesusajj saraquïna: —Diosajj qhitanituwa Israel marcan chhakatäquis uca ovejanacar thakeri —sasa.
“Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.
Ucampis jichhajj waquisiw fiesta lurañajja, cusisiñasasa, jilamasti jiwatänwa, jichhasti jactanjjewa: chhakatänwa, jichhasti jicjjatatäjjewa’ ” sasa.
“¿Jan ucajj, qhiti warmich tunca sencill kollkenïsajj may chhakayasinjj jan lampar khantayasisajj wali amuyumpi utap pichsusquejj jicjjatañcamajja?
Diosajj janiw Yokapjja acapachar juchañchañataqui qhitanquiti, jan ucasti acapachajj jupa toke khespitäñapataquiw qhitani.
Cunapachatejj jiwasanacajj jan ch'amanïcäyätan jiwaspacha khespiyasiñataquejja, ucapachaw Cristo Tatitusajj horasapar jiwawayi jiwasan juchanacas laycu.
Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.