Mateo 15:24 - Qullan Arunaca

²⁴ Ucapachaw Jesusajj saraquïna: —Diosajj qhitanituwa Israel marcan chhakatäquis uca ovejanacar thakeri —sasa.

Aymar Bibliia 1986

²⁴ Ucapachaw Jesusajj saraquïna: —Diosajj qhitanituwa Israel marcan chhakatäquis uca ovejanacar thakeri —sasa.

Qullan Arunaka DC

²⁴ Jesusasti sänwa: —Diosax Israel markan chhaqhatäkis uka ovejanakar thaqhirikiw khithanitu —sasa.

Mateo 15:24 Jak'a apnaqawi uñst'ayäwi

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Ezequiel 34:23

David sirvirejjaruw cuttayanjjaraquëjja, jupa saparuquiraquiw awatirit uscöjja, jupaw ovejanacarojj awatiraquini. Jupaw awatiriparaquïni.

Mateo 15:23

Jesusasti ucjjarojj janiw camscänsa, ucapachaw discipulonacapajj juparojj jawsasin achict'apjjäna: —Qhitanucjjam, jiwasan khepaswa uqham arnakasis jutasqui —sasa.

Mateo 18:11

[Jaken Yokapasti cunatï chhakcatayna uca khespiyiriw juti.]

Mateo 9:36

Walja jakenac uñjasinsti, Jesusajj jupanacatjja qhuyapt'ayasïnwa, jupanacasti wali llaquitäpjjänwa, t'akhesitäpjjaraquïnwa jan awatirin ovejanacjama.

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Romanos 15:8

Nayajj sistwa, judionacar sirviriw Cristojj juti, uqhamat cunatejj nayra awquinacasampi arust'atäcän ucanac phokhañataqui, uqhamat uñacht'ayañataqui Diosajj arsutanacaparu phokherïtapa.