Levítico 8:13 - Qullan Arunaca

Uqhamaraquiwa Aaronan wawanacaparusa jawsaraqui jupa jac'aru, ucatsti tunicanacampiw isthapiyaraqui, cinturanaca jiythapisinsti, ch'okasiñanacampiw p'ekenacaparojj ch'okjjataraquïna, cunjämtejj Moisesarojj Tatitojj siscatayna uqhamarjama.

Aymar Bibliia 1986

Uqhamaraquiwa Aaronan wawanacaparusa jawsaraqui jupa jac'aru, ucatsti tunicanacampiw isthapiyaraqui, cinturanaca jiythapisinsti, ch'okasiñanacampiw p'ekenacaparojj ch'okjjataraquïna, cunjämtejj Moisesarojj Tatitojj siscatayna uqhamarjama.

Qullan Arunaka DC

Ukhamarakiw Aaronan wawanakaparus jak'achasinipxañapatak mayïna, ukatsti sacerdote isimpiw taqpachanir isintayäna, wak'anakampi wak't'ayasa, ch'uqasiñanakampi p'iqinakapar ch'uqt'asa, kunjämtix Tatitux Moisesar siskatayna ukhamarjama.

Levítico 8:13 Jak'a apnaqawi uñst'ayäwi

Salmos 132:9

Sacerdotenacamajj cusisiñ isimp isthapisipjjpan, jumar iyawsirinacajj cusisiñat art'asipjjpan.

Éxodo 40:13

Ucatsti Aaronarojj sacerdote isimpiw isintayäta, ucat aceitempiw warjjatäta uqhamata nayaru loktata sacerdotëjjañapataqui.

Éxodo 40:16

Moisesajj take cunwa cunjämtejj Tatitojj jupar siscäna uqhamarjama luräna.

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Isaías 61:6

Jumanacarusti: ‘Tatitun sacerdotenacapa’ sasaw sutichapjjaraquïtam, Diosan sirvirinacapa sasaraqui. Yakha marcanacanquir kamir cancañanacapampiw cusisipjjaraquïta, uca c'ajquir cancañanacapampiw c'achachasipjjaraquïta.

Ezequiel 42:14

Cunapachatejj sacerdotenacajj temploru mantapjjäna ucapachasti janiw ankäjja tokenquir uta ankäjjarojj mistunipjjañanacapäquiti, janïra uca utaru cuna isinacampitejj Tatituru sirvipcän uca isinaca isirasisajja, uca isinacasti kollanawa. Cawqhancquitejj jakenacajj ucqhar mistuniñataquisti, yakha isimpiw isthapisinipjjañapa” sasa.

Levítico 10:5

Jupanacasti iyaw sasaw jac'achasipjjäna, ucatsti isinpacha, uqhamarac tunicanacapampi uscuntatpachwa, campamentot ankäjjaru apasjjapjjaraquïna, cunjämtejj Moisesajj siscatayna uqhamarjama.

Levítico 8:21

ucatsti janc'aquiw uca ovejan jiphillanacapsa, chhuchhullinacapsa jarekjjaraquïna, ucatsti take ucanacjja altarjjaruw nact'ayjjaraquïna Tatitutaquejja mä suma ofrendäcaspasa uqhama, cunjämtejj Tatitojj Moisesarojj siscatayna uqhamarjama.

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Apocalipsis 1:6

Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

Apocalipsis 5:10

Reyinaca, sacerdotenacracwa tucuyapjjestajja Diosataquejja. Take aca orakpacharu apnakapjjañajjataqui” sasa.