Jueces 6:2 - Qullan Arunaca

Ucampis madianitanacana wali t'akhesiyata uñjasisasti, israelitanacajj ajjsarañatjja imantasiñwa lurasipjjäna kollunacaru, orak p'iyanacaru, yakha jan uñjcañ chekanacaru jan jicjjatayasiñataqui.

Aymar Bibliia 1986

Ucampis madianitanacana wali t'akhesiyata uñjasisasti, israelitanacajj ajjsarañatjja imantasiñwa lurasipjjäna kollunacaru, orak p'iyanacaru, yakha jan uñjcañ chekanacaru jan jicjjatayasiñataqui.

Qullan Arunaka DC

Madianita jaqinakax wali ch'amampiw israelitanakar t'aqhisiyäna, israelitanakasti axsarañat qullunakaru, putunakaruw imantasiñanak lurasipxäna, jan uñjkay chiqanakaru, ukhamat jan jikxatayasiñataki.

Jueces 6:2 Jak'a apnaqawi uñst'ayäwi

Job 30:6

karka p'iyanacanwa utjapjjänjja, jach'a karka mankhanacana;

Jeremías 41:9

Cawquïri p'iyarutejj Ismaelojj uca jiwarat jakenacan janchinacapa willintcäna ucasti pachpa cuntejj Asa sat reyejj lurayascatayna cunapachatejj Baasa sat Israelan reyipajj jupampi nuwasir sarcatayna uca pachpa p'iyänwa. Uca p'iyasti wali jach'änwa, ucampisa cuntejj Ismael jakejj jiwaraycatayna uca jiwatanacampi phokhantatajjänwa.

Jeremías 48:28

Moab orakenquiri jakenaca, marcanacat mistuwayjjapjjam; karkanac taypiru jaquiri sarjjapjjam, palomanacjama, karka pata lacanacaruraqui tapachasipjjam.

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Hebreos 11:38

Uca jakenacataquejj acapachajj janiw asquïcänti; wasaranacana, kollunacana, putunacana, orak p'iyanacanwa sarnakapjjäna.

Apocalipsis 6:15

Acapach reyinacasti, take munañani jakenacasa, kamirinacasa, jilïr militaranacasa karka p'iyanacaruw imantasjjapjjäna, take esclavonacampi, uqhamarac libre sarnakasiri jakenacamp chica.

Jueces 10:8

Uca urutsti filisteonacampi, amonitanacampejj tunca quimsakallkon maranacaw Galaad sat chekan jaquir israelitanacarojj wali t'akhesiyapjjäna. Aca Galaad sat orakenacasti Jordán jawirat mayscatancänwa amorreonacan orakepana.

Jueces 10:9

Ucampis amonitanacajj Jordán jawirjja maqhatanipjjaraquiquïnwa Judá, Benjamín, Efraín sat tribunquirinacampi nuwasiñataqui. Uqhamaw israelitanacajj wali llaquita, jan walt'añana jicjjatasipjjäna.

Jueces 6:3

Ucampis cunapachatejj israelitanacajj cunsa yapuchasipcäna ucqhajja madianitanacasa, amalecitanacasa, uqhamarac inti jalsu toket jutiri jakenacasa nuwantapjjänwa.

1 Samuel 13:6

Israelitanacasti wali mayjt'ataw jicjjatasipjjaraquïna, filisteonacan jupanacar nuwantjjatapata, ucat israelitanacajj, putunacaru, orake p'ujrunacaru, karka taypinacaru, k'awanacaru, phujunacaruw imantasjjapjjäna.

1 Samuel 14:11

Uqhamaw filisteonacampejj jupanacajj panpachani uñjayasipjjäna. Acanacasti uñjasajj sapjjänwa: “Uñtapjjam, hebreonacajj cawquïri putunacarutejj imantasipcatayna ucanacatjja misturanjjapjjataynawa” sasa.