Jupanacampi nuwasiñataquisti etiopenquiri Zera chachawa jutantäna mä jach'a ejercitompi, mä millón jakenacamp waquicht'ata, quimsa pataca nuwasiñ carronacampi, ucatsti purinipjjänwa Maresa ucqhacama.
Jueces 10:9 - Qullan Arunaca Ucampis amonitanacajj Jordán jawirjja maqhatanipjjaraquiquïnwa Judá, Benjamín, Efraín sat tribunquirinacampi nuwasiñataqui. Uqhamaw israelitanacajj wali llaquita, jan walt'añana jicjjatasipjjäna. Aymar Bibliia 1986 Ucampis amonitanacajj Jordán jawirjja maqhatanipjjaraquiquïnwa Judá, Benjamín, Efraín sat tribunquirinacampi nuwasiñataqui. Uqhamaw israelitanacajj wali llaquita, jan walt'añana jicjjatasipjjäna. Qullan Arunaka DC Amonita jaqinakasti Jordán jawir makhatapxäna, Judá, Benjamín, Efraín ayllunkirinakamp nuwasiñataki, israelitanakax jan walt'añanpun jikxatasipxäna. |
Jupanacampi nuwasiñataquisti etiopenquiri Zera chachawa jutantäna mä jach'a ejercitompi, mä millón jakenacamp waquicht'ata, quimsa pataca nuwasiñ carronacampi, ucatsti purinipjjänwa Maresa ucqhacama.
Qhä pachanacansti janiw qhititaquis samarañajj utjcänti, jan ucasti walja t'akhesiñanacawa utjäna take marcanacanquiri jakenacataqui.
Uca marcanacan jaccasinjja janiw sumancañsa ni samarañsa jicjjatapcätati; Diosajj wali sustjatwa jacayätam, nayranacamas llact'ata ajjsarañana, kawkhasay cusisiñ munascam.
Ucatsti israelitanacajj Diosaruw yanapa mayipjjän aqham sasa: “Dios Tatitu, juma contraw nanacajj jucha lurapjjta, uqhamarac apanucupjjaracsmawa c'ari diosanacaru yupaychatanacajj laycu” sasa.
Uca urutsti filisteonacampi, amonitanacampejj tunca quimsakallkon maranacaw Galaad sat chekan jaquir israelitanacarojj wali t'akhesiyapjjäna. Aca Galaad sat orakenacasti Jordán jawirat mayscatancänwa amorreonacan orakepana.
Ucat maranaca pasjjatatsti amonitanacajj israelitanacampiw nuwasiñaru mantapjjäna.
Israelitanacajj sapa cuti nuwasiri mistupcäna ucqhasti Diosajj jupanac contraw tucüna, uqhamïpansti jupanacataquejj jan walt'añanacaw jutäna. Uqhama jan walt'apjjañapataquisti Dios pachpawa arsüna. Uca laycunwa israelitanacan t'akhesipjjañapataquejj Diosan uchatänjja.
Ucampis madianitanacana wali t'akhesiyata uñjasisasti, israelitanacajj ajjsarañatjja imantasiñwa lurasipjjäna kollunacaru, orak p'iyanacaru, yakha jan uñjcañ chekanacaru jan jicjjatayasiñataqui.
Israelitanacasti wali mayjt'ataw jicjjatasipjjaraquïna, filisteonacan jupanacar nuwantjjatapata, ucat israelitanacajj, putunacaru, orake p'ujrunacaru, karka taypinacaru, k'awanacaru, phujunacaruw imantasjjapjjäna.
Ucat Samuelojj saraquïna: —¿Cunataquis sarnakayista, nayar jawsayasa? —sasa. Saúl reyisti saraquïnwa: —Wali llact'ataw uñjasta, filisteonacaw naya contra sayt'apjje, Diosasti apanucjjaraquituwa. Janiraquiw mayisitajjarus ist'cjjetuti, profetanac toksa ni samca toksa. Ucat jawsaysma, cunatejj lurañajjäqui uc sañamataqui —sasa.