Juan 8:3 - Qullan Arunaca

Uqhamäquïpansti ley yatichirinacampi fariseonacampejj irpanipjjänwa mä warmiru, wachoka juch lurasquir catjasina. Uca warmirusti jupanaca taypiruw sayt'ayapjjaraquïna.

Aymar Bibliia 1986

Uqhamäquïpansti ley yatichirinacampi fariseonacampejj irpanipjjänwa mä warmiru, wachoka juch lurasquir catjasina. Uca warmirusti jupanaca taypiruw sayt'ayapjjaraquïna.

Qullan Arunaka DC

Ukhamäkipansti kamachi yatichirinakampi, fariseonakampix mä warmiruw wachuq jucha luraskir katjasin irpanipxäna. Uka warmirusti jupanak taypiruw sayt'ayapxäna,

Juan 8:3 Jak'a apnaqawi uñst'ayäwi

Ezequiel 16:38

Chachanacampi jucha lurañanacan sarnakatanacamata, jake jiwayatanacamatwa jumarojj juchañchäma, wali jach'a colerasiñampiw jumarojj jiwañaru catuyäma.

Ezequiel 23:45

Ucampisa asqui jakenacajj uca warminacataquiw arsuni, cunjämarutejj aca k'añu lurañanacana, uqhamaraqui jake jiwayañanacana sarnakatapat catokañanacapajj waquisqui uqhamaru. Jupanacasti yakha chachanacampi sarnaker warminacäpjjewa, amparanacapasa wilampi k'añuchjataraqui” sasa.

Números 15:33

Cawquïri jakenacatejj uñjapjjäna ucanacajj Moisesampina, Aaronampina nayräjjapjjaruw irpapjjäna, uqhamarac take jakenac nayräjjaru.

Mateo 2:4

Ucapachaw reyejj take jilïri sacerdotenacaru, ley yatichirinacampiru jawsthapiyäna, ucatsti jisct'araquïnwa cawqhantejj Cristojj naciñapäcäna uca toketa.

Juan 8:2

Khepürusti wali albat temploru cutt'anïna. Puripansti take jakenacaw jupar jac'achasipjjäna, Jesusasti kont'asisinwa yatichañ kalltäna.

Juan 8:4

Ucatsti Jesusarojj sapjjänwa: —Yatichiri, aca warmirojj wachoka jucha lurquirwa catjapjjta.

Juan 8:9

Jupanacasti uc ist'asinjja, maynit maynit sarjjapjjäna, nayrakatasti sarjjapjjänwa jilïri jakenaca. Takeni sarjjapjjepansti Jesusajj sapaquiw uca warmimpi kheparjjäna.

Juan 9:13

Ucatsti fariseonacan ucaruw irpapjjäna juyqhücäns uca jakeru.

Hechos 4:7

Ucatsti Pedrompiru Juanampiruw irptayanipjjäna. Ucat jupanac taypir puriyanisinsti, jisct'apjjänwa: —¿Cuna munañampisa jan ucajj qhitin sutipjjarusa jumanacajj take acanac lurapjjtajja? —sasa.

Romanos 7:3

Uqhamasti jupatejj yakha chachampi sarnakchejja chachapa jacasquipana ucajja, wachok juchwa luri, ucampis chachapatejj jiwatäjjchi ucapachajja, cuntejj leyejj sisqui ucatjja librëjjewa, jupasti yakha chachampi jan juchar purisajj casarasiscaraquispawa.