Juan 2:20 - Qullan Arunaca Judionacasti ucjjarojj sapjjaraquïnwa: —Pusi tunca sojjtan maranwa aca templo lurañjj tucuyapjje, ¿jumasti quimsürun sayt'ayasmati? —sasa. Aymar Bibliia 1986 Judionacasti ucjjarojj sapjjaraquïnwa: —Pusi tunca sojjtan maranwa aca templo lurañjj tucuyapjje, ¿jumasti quimsürun sayt'ayasmati? —sasa. Qullan Arunaka DC Judionakasti juparux sapxarakïnwa: —Pusi tunka suxtan maran aka uta lurañax tukuyasi, ¿jumasti, kimsürunakti sayt'ayasmasti? —sasa. |
ucatsti templojj take phokhatpachajja tucuyasïnwa, cunjämatï amtatäcäna uqhamaru, tunca mayani mara jupajj reyëjjäna ucqha, Bul sat phajjsina, ucasti marpachana quimsakallköri phajjsïnwa, cunjämatï take amtatäcäna uqhamaru. Ucsti Salomonajj pakallk maranwa luräna.
Sesbasar chachasti Jerusalenar purisinjja, Diosan templopan cimientopwa jakontäna jichhajj ucqhatwa wasitat lurasiscaraqui, ucampis janiw tucuyatäquiti.’
Jesusajj templot mistjjasinjja sarawayjjänwa, ucapachaw discipulonacapajj jupar jac'achasisin templon utanacap uñacht'ayapjje.
Yakhepanacajj templot parlasipcäna, uqhamarac cunja sumäcäntejj kalanacapasa, uqhamarac cunanacatejj churatäcäna ofrendanacjama ucanacasa. Ucjjaruw Jesusajj saraquïna:
Jerusalenanquir judionacajj qhitapjjänwa sacerdotenacampiru levitanacampiru Juanan ucaru, qhitïpachasa uc jisct'añataqui.