Juan 10:7 - Qullan Arunaca

Ucatsti Jesusajj wasitampiw saraquïna: —Khanacwa sapjjsma, nayätwa puncojja cawqui chektejj ovejanacajj mantqui ucajja.

Aymar Bibliia 1986

Ucatsti Jesusajj wasitampiw saraquïna: —Khanacwa sapjjsma, nayätwa puncojja cawqui chektejj ovejanacajj mantqui ucajja.

Qullan Arunaka DC

Ukatsti Jesusax wasitatampiw sarakïna: “Qhanak sapxsma, nayätwa ovejanakan punkupaxa.

Juan 10:7 Jak'a apnaqawi uñst'ayäwi

Salmos 100:3

Amtasipjjam, Tatitojj Diosawa: jupaw irnokestu, jiwasanacasti jupancapjjtanwa, jupan marcapäpjjtanwa, ovej tamapäpjjaractanwa.

Salmos 79:13

Nanacasti marcamjamajja, wiñayaw yuspagarapjjäma, tamamanquir ovejanacjamajja, wiñayaw jach'añchapjjäma, yupaychañ k'ochunac wiñayaw jayllipjjaraquï.

Salmos 95:7

Jupaw Diosasajja, jiwasanacasti jupan awatit marcapäpjjtanwa, jupan irpat ovej tamapäpjjaractanwa. Tatitun arup jichhür ist'apjjam:

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Ezequiel 34:31

Jumanacajj nayan ovejanacajjäpjjtawa, nayan uywa awatisiñajjan mank'asiri ovejanacajjäpjjtawa. Nayaw jumanacan Diosamätjja. Naya Tatituw ucjja arsta.”

Ezequiel 36:38

T'unjat marcanacasti walja jakenacanipuniw tucjjani, cawquïri ovejanacatejj Jerusalén marcaru sacrificiot loktañataqui apatäpqui uqhamäpjjaraquiniwa. Ucapachaw yatipjjani nayan Tatitütajja” sasa.

Juan 10:1

“Khanacwa sapjjsma, qhititejj jan ovej uyu puncu chek mantqui jan ucasti yakhawjat mantqui ucajja, lunthatawa.

Juan 10:9

Nayätwa puncojja; qhititejj naya chek mantcani ucajja, khespiyatäniwa. Cunjämatejj mä ovejajj uyuru manti, misturaqui, ucatsti pastonac jicjjataraqui, uqhamäniwa.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Efesios 2:18

Takeniw Cristo toke, judionacasa jan judionacasa, mä sapa Ajayu tokequi Awquirojj jac'achastan.