Jeremías 48:1 - Qullan Arunaca Tatitun arunacapa, Israelan take ch'amani Diosapan arunacapa Moab marcataqui: “¡Pobre Nebo marca! ¡Cunja t'unjatätasa! ¡Quiriataim sat marcasti catuntatawa, jisc'achjataraquiwa! ¡Ch'amapasti pamparu liwinucutaraquiwa! Aymar Bibliia 1986 Tatitun arunacapa, Israelan take ch'amani Diosapan arunacapa Moab marcataqui: “¡Pobre Nebo marca! ¡Cunja t'unjatätasa! ¡Quiriataim sat marcasti catuntatawa, jisc'achjataraquiwa! ¡Ch'amapasti pamparu liwinucutaraquiwa! Qullan Arunaka DC Israelan taqi ch'amani Tatitu Diosapax Moab markatakiw aka arunak arsu: “¡Ay Nebo marka! ¡Kunja t'unjatätasa! ¡Quiriataim sat markasti, katuntata, jisk'achjatawa! ¡Ch'amapas uraqir liwinukutawa! |
Khepa marasti Quedorlaomer reyejja, uqhamarac jupampïpcän uca reyinacasa Astarot Karnaim, tokeruw sarapjjäna, ucansti refaitanacaruw atipjapjjaraquïna, ucjjarusti Ham sisqui uca chekanjja zuzitanacaruw atipjapjjaraquïna, Save-quiriataim chekansti emitanacaruw atipjapjjaraquïna;
Jilïri phuchasti mä yokall wawa wawachasi, ucarusti Moab sasaw suticharaquïna, ucasti jichhajj moabitanacan awquipäjjewa.
Jichhasti acajjaya amonitanacasa, moabitanacasa, uqhamarac Seir kollunquirinacasa, cunapachatï Egiptot israelitanacajj jutasipcäna ucqhajja janiw jumajj muncäyätati uca orakenacaru mantañanacapjja, jan ucasti jupanacatjja saraktapjjänwa, ucatsti janiw tucjapcänti.
Tatituw Sión kollurojj amparapampi imascani, ucampisa Moab marcarusti taquisiraquiniwa, cunjämtejj t'unanacajj taquisitajj uqhama.
Tatitusti uca jach'a alto thuru perkanacapjja liwisiyaniwa; jakotattayaniwa, oraker jakositwa apanucuwayaraquini.
Naya Tatituw uca yapjja uñjascta, umampisa karpascaracta. Uruy arumaw uñjta, jan cunas camachañapataqui.
Ucatsti mä ewjja apayaraquim Edom, Moab, Amón, Tiro, Sidón marcanacan reyiparu, cawquïri qhitanacatejj Jerusalén marcaru jutapqui ucanacampi, jupanacasti Sedequías reyiru uñjiriw jutapjjaraquitayna.
Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”
Uñjtwa cunatejj khepa urunacan utjcani ucsa, uñjaractwa cunatejj jayancqui ucsa. Mä warawaraw Jacobot mistusinqui, mä reyiraquiw israelan sartasqui. Jupaw Moab orakerojj p'eket takjjatani. Takpachaniruw Set sat chachan wawanacaparojj pampachjani.
—Uñjapjjam: Atarot, Dibón, Jazer, Nimra, Hesbón, Eleale, Sebam, Nebo, uqhamarac Beón orakenacajj,
Almón-diblataim sat chekat mistuwayasajj Abarim sat kollu patanacaruw sayt'apjjäna, Nebo sat kollun inti jalsu tokeparu.
Quiriataim, Sibma, Zaret-sahar uca marcanaca, cawquïri marcanacatï valle kollunac patancqui ucanaca.