Ucat ucjjar marcajjarusti, apanucüwa, uqhamarac uñisirinacapan amparaparuwa catuyaraquëjja, catuntatäpjjañapataqui, aparatäpjjañapataquiraqui.
Jeremías 12:7 - Qullan Arunaca “Marcajjarojj apanuctwa, cawquïritejj nayanccäna ucarusti maysaruw apanucuracta. Wali munat marcajjarusti, uñisirinacan amparaparuw uchta. Aymar Bibliia 1986 “Marcajjarojj apanuctwa, cawquïritejj nayanccäna ucarusti maysaruw apanucuracta. Wali munat marcajjarusti, uñisirinacan amparaparuw uchta. Qullan Arunaka DC “Markaxarux jaytanuktwa, nayankkäna uka markarux apanuktwa. Wali munat markaxarux, uñisirinakan amparaparuw katuyta. |
Ucat ucjjar marcajjarusti, apanucüwa, uqhamarac uñisirinacapan amparaparuwa catuyaraquëjja, catuntatäpjjañapataqui, aparatäpjjañapataquiraqui.
Tatitu, wawanacamarojj apanuctawa, Jacobon marcaparojja; marcasti inti jalsu toket yatiri jakenacan phokhantatawa, filisteo yatiri jakenacan phokhantatjamawa, jaya marcanquir jakenacampiraquiw arust'äwinacas lurasi.
“¿Israel amigojjajj cunsa nayan templojjan thake take uca jan walinaca lurasinjja? ¿Liq'i, aycha sacrificiot loktanisajja uca jan walt'añjja jaltayjjäwa siti? ¿Uqhamaraqui jupasa uca jach'a t'akhesiñatjja khespïwa siti?
Tata, ¿Judá marcarojj k'alpunti apanucjjta? ¿Sión marcampisa karitäjjaractati? ¿Cunataraqui uqham jan kollkaña chhojjriñchjapjjestasti? Nanacajj sum sarnakañwa suyt'asipcäyäta, ucampis jan walt'añaquiw purinipjjetu. C'umara sarnakasiñwa suyt'asipcäyäta, ucampis jichhajj sustjasiñaquiw utj-jje.
Cawquïri oraktejj nayajj herenciat churcsma ucsti apanucuwayañamawa, ucatsti uñisirinacaman esclavopa tucuyaraquïma, jumajj jan uñjctasa uca orakena, colerasiñajjasti ninjamaw akti, jumar tucuntir ninjamaraqui.”
Ucampisa, janitejj aca arunacaru ist'apcäta ucapachajja, aca palaciojj t'unjataw uñjasini. Naya Tatituw ucjja arsta.’ ”
“Jeremías, mä jaketejja, jan ucajj mä profetasa, mä sacerdotesa jisct'ätam ucapachajja: ‘¿Cawquïrisa Tatitun ewjjapajja?’ sasa. Ucapachasti jupanacarojj saraquim: ‘Tatitojj siwa: Jumanacäpjjtawa nayan ewjjanacajjajja, ucampisa nayajj antutt'äwa’ sasa.
uca laycuw jichhajj mä cargäpcasmas uqhama aptapjjäma, jumanacaru cawquïri marctejj jumanacarusa, nayra awquinacamarusa churcta uca marcamppacha, ucatsti nayat jayaruw liwt'apjjäma.
Israel marcampi, Judá marcampejja nayataquejj nayrakatan jucha lurapcchi ucasa, uqhamaraqui jucha luratanacapampejj marcanacapjja phokhantapcchi ucasa, naya take ch'amani Tatitojja, Israelan Kollan Diosapajja, janiw jupanacarojj apanuccti.
Ucatwa jichhajj cuntejj Santuariojjampi Silo chekanjja lurcta, uqhamaraquiw jichhajj aca nayaru loktata templompejj luräjja, uca templsti jumanacaruw churapjjsma, uqhamaraqui nayrapacha awquinacamarusa, jumanacasti uca temploruw wali alcatasipjjaractajja.
¡Jerusalén, ñic'utam mururasim ucatsti liwtam! ¡Wasara kollu patanacansti llaquiscañ k'ochunac k'ochuraquim! Tatitusti jakenacamataquejj coleratawa, apanucjjaraquiwa, jaytjjaraquiwa.
‘Israel marcarojj parlam: Aqham siw Tatitojja: Nayasti templojj-jja taquisiraquïwa, jumanacasti uca templorojj wali munapjjtajja, wali uñch'uquipjjaractajja, uca templosti jumanacataquejj jach'a jach'a tucuñaraquiwa, jumanacan ch'amanacamaraquiwa; yokall wawanacama, imill wawanacama Jerusalén marcaru jaytanipctas ucanacajj jiwarayatäpjjaniwa.’
“Israel marcarustijj wawacän ucqhajj nayajj munasiyätwa; jupajj wawajjänwa, ucatsti Egiptot jawsaracta.
Tatitojj siwa: “Gilgal chekanwa take jan walinac lurapjjänjja, ucqhanracwa jupanacar uñisiñajja kallt-ta. Jan wali luräwinac lurapjjatapatjja; utajjatjja ananucüwa, janiraquiw jupanacarojj juc'ampi muncjjäti, take jilïrinacapasti naya contra sayt'asircamaquiwa.
¡Sión kollunsti trompeta phust'apjjam! Marcarusti tantacht'apjjam ucatsti ayunapjjaraquim;
Take marcanacaruw tantacht'äjja, ucatsti Josafat valleruraquiw apäjja, ucanwa jupanacarojj uñt'asiyäjja take cuntejj Israel marcajjampejj lurapqui take ucanacatjja. Israelitanacarusti jupanacajj take tokeruwa ananucupjjejja, orakejjsti jaljasipjjaraquiwa.
Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.
Benjamín triburojj saraquïnwa: “Tatitu Diosan munatasti iyawsañampiw jacani; alajjpachanquir Diosaw wiñayatac imani. ¡Jupan imataw jacaraquini!” sasa.