Jeremías 12:7 - Qullan Arunaka DC

⁷ “Markaxarux jaytanuktwa, nayankkäna uka markarux apanuktwa. Wali munat markaxarux, uñisirinakan amparaparuw katuyta.

Aymar Bibliia 1986

⁷ “Marcajjarojj apanuctwa, cawquïritejj nayanccäna ucarusti maysaruw apanucuracta. Wali munat marcajjarusti, uñisirinacan amparaparuw uchta.

Qullan Arunaca

⁷ “Marcajjarojj apanuctwa, cawquïritejj nayanccäna ucarusti maysaruw apanucuracta. Wali munat marcajjarusti, uñisirinacan amparaparuw uchta.

Jeremías 12:7 Jak'a apnaqawi uñst'ayäwi

2 Reyes 21:14

Markaxat jilt'ir jaqinakarusti, jaytanuküwa, ukatsti uñisirinakapan amparaparuw katxaruyä, taqi yänakap apaqat uñjasiñapataki.

Salmos 106:40

Tatitux markapatakiw q'apisïna, jupankirinakarux uñisïnwa;

Salmos 78:62

Markapatakix wali q'apisitänwa, uñisirinakapampiw q'al atipjayäna.

Isaías 2:6

Tatay, wawanakamarux apanuktawa, Jacobun markaparus apanuktawa; markasti inti jalsu tuqit jutapki uka yatir jaqinakan phuqhantatawa, filisteo yatir jaqinakan phuqhantatawa, jaya markankir jaqinakampiw jan walitak arust'äwinak lurapxi.

Jeremías 11:15

“Taqi uka jan walinak lurasinxa, ¿Israel munataxax kunsa nayan utaxan thaqhi? ¿Lik'i, aycha wilañcha luqtasati uka jan walt'añ jumat jayarst'ayani? ¿Ukhamatcha uka jach'a t'aqhisiñat jaltxäta?”

Jeremías 14:19

Tatay, ¿Judá markarux q'alpunti apanukxta? ¿Jerusalén markampisa qaritäxaraktati? ¿Kunatarak ukham jan qullkañ chhuxriñchjapxistasti? Nanakax sum sarnaqañ suyt'asipkäyäta, ukampis jan walt'añakiw purinirapipxitu. K'umar sarnaqasiñ suyt'apxäyäta, ukampis jichhax axsarañakiw utjxi.

Jeremías 17:4

Jumar churksma uka uraqsti apanukuwayañamawa, ukatsti jumax jan uñt'ktas uka uraqinxa, uñisirinakaman t'aqhisiyatap tukuyäma, phiñasiñaxasti ninjamaw aqti, uka ninaw nakhantarakïtam.”

Jeremías 22:5

Ukampisa, janitix aka arunakar ist'apkätaxa, aka reyi utax t'unjataw uñjasini. Naya, Tatituw uk arsta.’ ”

Jeremías 23:33

“Jeremías, markankir mä jaqitixa, jan ukax mä profetasa, mä sacerdotesa jiskt'ätam ukkhaxa: ‘¿Kawkïris Tatitun iwxapaxa?’ sasa. Ukapachasti jupanakarux sarakim: ‘Tatitux siwa: Jumanakarux apanukupxämawa’ sasa.

Jeremías 23:39

ukatpï jichhax jumanakarusa, kawkïr marktix nayra awkinakamar churkta uka markamppacharus jaytanukupxämaxa.

Jeremías 51:5

Israel markampi, Judá markampix taqiniw naya nayraqatan juchañchjasipxi, markanakapsa juchampiw phuqhantapxi, ukampis naya, taqi ch'amani Tatitu, Israelan Qullan Diosapaxa, janiw jupanakarux apanukkti.

Jeremías 7:14

Ukat jichhax, kuntix Siló chiqan qullan utaxampi lurkta, ukhamarakiw jichhax aka nayar luqtata utaxampix lurä, aka utsti jumanakampiru nayra pacha awkinakamampiruw churta, jumanakasti uka utaruw wal alkatasipxaraktaxa.

Jeremías 7:29

¡Jerusalén markankirinaka, llakisiñ isinakampi isthapisipxam! ¡Wasar qullu patanakan llakiskañ q'uchunak q'uchupxam! Jumanakasti nayarux phiñasiyapxistawa, ukat apanukupxsma, jaytanukupxaraksma.

Ezequiel 24:21

‘Israel markar parlam: Tatitux akham siwa: Nayasti qullan utaxa q'al tukjä, kawkïrtix wal munapkta, muspharañampi uñch'ukt'apxarakta, uka utaxat jach'a jach'as tukupkarakta uka uta; Jerusalén markar jaytanipkta uka yuqall wawanakamasa, imill wawanakamasa jiwarayatäpxaniwa.

Oseas 11:1

“Israel markax wawäkän ukkhax, nayax munasiyätwa; juparusti wawaxätapat Egipto markatsa irpsunirakta.

Oseas 9:15

Tatitux siwa: “Guilgal chiqan taqi jan walinak lurapxäna, ukkhanrak jupanakar uñisiñ nayax qalltta. Jan wali luräwinak lurapxatapatxa; utaxat ananuküwa, janirakiw juk'amp munkxäti, taqi jilïrinakapasti nayatak sayt'asirkamakiwa.

Joel 2:15

¡Jerusalén markan trompet phust'apxam! Tatitun markaparusti ayuno lurañatak jawsthapipxam;

Joel 3:2

2 (2) Markanakaxar katuntir markanakaruw tantacht'ä, Josafat qhirwa aynacharuw irpä, ukan jupanakarux uñt'asiyä kuntix Israel markaxampix lurapki ukanaka. Jupanakaw israelitanakarux taqi tuqir ananukupxäna, markaxan uraqipsti jalanuqasipxänwa.”

Lucas 21:24

Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Deuteronomio 33:12

Benjamín ayllurux sarakïnwa: “Diosax munastamwa, imaraktamwa; Diosax wiñayaw qullunakam taypin jakani!” sasa.