Diosasti Abrahamarojj saraquïnwa: —Sarai warmimajj janiw uqham sutinïcjjaniti. Jichhat ucsarojj Sara satäjjaniwa.
Génesis 17:5 - Qullan Arunaca janiraquiw Abram satäjjätati. Jichhat ucsarusti Abraham satäjjätawa, walja marcanacan awquipa tucuyäma uca laycu. Aymar Bibliia 1986 janiraquiw Abram satäjjätati. Jichhat ucsarusti Abraham satäjjätawa, walja marcanacan awquipa tucuyäma uca laycu. Qullan Arunaka DC janirakiw Abram satäkxätati. Jichhat uksarux Abraham satäxätawa, walja markanakan awkiparuw tukuyäma. |
Diosasti Abrahamarojj saraquïnwa: —Sarai warmimajj janiw uqham sutinïcjjaniti. Jichhat ucsarojj Sara satäjjaniwa.
Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.
—Jichhajj jumajj saraquita, ¿cunas sutimajja? —sasaw Jacobojj jisct'araquïna. Ucampisa uca jakejj saraquïnwa: —¿Cunataquis sutejj yatiñ munta? —sasa. Ucatsti uca jakejj ucqhanpachwa Jacoborojj bendisjjaraquïna.
aqham sasaw bendiciraquïna: “Jumajj ‘Jacob’ satätawa, ucampis jichhajj janiw uqham satäcjjätati; jichhat ucsarojj sutimajj ‘Israel’ satäniwa” sasa.
Tatitusti uca wawarojj munasiraquïnwa, Natán profeta toke Davidarojj ucjja yatiyaraquïna. Ucatsti Davidajj Tatitur ist'asajja uca wawarojj Jedidías, sasaw suticharaquïna.
“Juma Tatit Diosaraquiw Abramarus ajllisiractajja; jumaw caldeonacan marcapana Ur sat chekata apsuniractajja, ucatsti Abraham sutimpiraquiw suticharactajja.
Nayan ajllitanacajjasti sutinacamwa aytasipjjaraquini, mayninacaru ñankhachañataqui, uqhamaraqui jiwañap munañataquisa, ucampis sirvirinacajjarojj yakha sutinacampiw suticht'äjja.
Mä uru pasatatsti, cuna cepompi catuntatäcäntejj Jeremiasajj uca apakjjapjjañapataquiw qhitäna, ucapachasti Jeremiasajj sänwa: “Tatituw Pasur sutimjja Magor-misabib sat sutiru tucuyjjtam.
Uca reyin apnakañapcamasti Judá orakejj khespiyatäniwa, Israelas take jan walit jarc'akataw jacasini. Aca sutimpiw sutichapjjaraquini: ‘Tatituw jiwasan atipjirisajja’ ” sasa.
Ucanacänwa jakenacan sutinacapajja, cawquïrinactejj Moisesajj qhitäna uca orak uñjiri sarapjjañapataqui. Oseas sat Nun chachan wawaparojj Josué sutimpiw uchapjjäna.
Ucatsti Andresajj Simón jilaparojj Jesusan ucaruw irpäna. Jesusasti uñjasinjja sänwa: —Jumajj Simón sutinïtawa, Jonasan yokapa, ucampis jichhajj Cefas sutinïyätawa. (Ucasti Pedro sañwa muni.)
Dios nayrakatansa, qhitirutejj jupas iyawscaraquïna, cunjämtejj Diosan arunacapajj sisqui ucarjama: “Walja jakenacan awquipäñapataquiw lursma” sasa. Diosajj jiwatanacarojj jacañwa churi, cunanacatejj jan utjquis ucanacarusa utjcaspas uqhamwa utjayi.
Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.’