Génesis 16:2 - Qullan Arunaca

Ucatwa Abramarojj saraquïna: —Uñjam, Tatitojj janiw wawa apayquituti, ucampisa achict'asmawa Agar esclavasampi mayachasiñamataqui, inach uqhamat jupa toke wawanacanïrista —sasa. Abramasti cuntejj Sarai warmipajj siscatayna ucjja phokhänwa,

Aymar Bibliia 1986

Ucatwa Abramarojj saraquïna: —Uñjam, Tatitojj janiw wawa apayquituti, ucampisa achict'asmawa Agar esclavasampi mayachasiñamataqui, inach uqhamat jupa toke wawanacanïrista —sasa. Abramasti cuntejj Sarai warmipajj siscatayna ucjja phokhänwa,

Qullan Arunaka DC

Ukat Abram chachaparux säna: —Tatitux janiw wawa apaykituti, ukampisa Agar uywatasampi mayachasiñamatakiw maysma, inach ukhamat jupa tuqi wawanïrista —sasa. Abram chachasti kuntix Sarai warmipax siskatayna uk phuqhäna,

Génesis 16:2 Jak'a apnaqawi uñst'ayäwi

Génesis 11:30

Sarai warmisti janiw wawanïcänti, jan wawachasirïtap laycu.

Génesis 17:16

Nayaw juparojj bendiciraquï, jupa toksti mä wawa churaraquïma. Jïsa, bendicïwa. Jupasti walja marcanacan taycapäniwa, wawanacapasti marcanacapan reyinacaparaquïniwa.

Génesis 18:10

Ucatsti maynïrejj saraquïnwa: —Mara aca horasaw visitt'iri cutt'aniraquï, ucqhataquisti Sara warmimajj mä yokall wawanïniwa —sasa. Ucañcamasti Sarajj Abrahaman khepäjjapanwa, carpa mantañäwjan take uca parlatanac isch'uquiscäna.

Génesis 19:31

Mä urusti jilïri phuchajj sullca phucharojj sänwa: —Awquisajj chuymanëjjewa, take acsa tokenacansti janiraquiw mä chachas utjquiti jiwasan casarasiñasataquejja, cunjämatejj waquisqui uqhama.

Génesis 20:18

Sara warmi causaraquiw Diosajj Abimelec reyin utapanquir warminacarojj mutuyatayna jan wawanïpjjañapataqui.

Génesis 25:21

Rebecasti janiw wawanïñjja puedcänti, uqhamasti Isaacajj Diosaruw jupataqui mayïna. Tatitusti mayisitapjja ist'änwa, ucatsti Rebecajj usur jakeptjjänwa.

Génesis 3:12

Jakesti saraquïnwa: —Nayar compañiritaqui churquista uca warmiwa uca kokan achup churitu, ucatwa nayajj mank'antta —sasa.

Génesis 3:17

Chacharusti saraquïnwa: —Warmimar ist'atam laycu, uqhamaraqui “Janiw mank'ätati” siscsma uca kokan achupat mank'atamatjja, jichhajj orakejj jucham laycuw maldicitäni; wali ch'ama tucusaraquiw mank'añamjja achuyasïta, take jacañamanjja.

Génesis 30:22

Ucampisa Diosajj Raquelatjja amtasiraquitaynawa, mayisitapsa ist'araquïnwa, ucatsti wawanacjja apayaraquïnwa.

Génesis 30:6

Ucatsti Raquelajj sänwa: “Aca wawajj Dan satäniwa, Diosaw nayan mayisitajj ist'i, ucatsti chekaparuw uñjaraquitu mä wawa churasajja” sasa.

Salmos 127:3

Yurirapquistu uca wawanacajj, Tatitun asqui churäwinacapawa.

Éxodo 21:4

Ucampis uywiripatejj warmi churchïna, ucatsti uca warmejj jupatac wawanacanïchi ucajja, warmimpi wawanacampejj uywirimpiw kheparjjañapa, sirviristi chacha sapaquiw sarjjañapajja.

Rut 4:11

Take ucanquirinacasti arsupjjaraquïnwa aqham sasa: —Nanacaw take acanacat uñjapjjta. ¡Diosasti munpan, cawquïri warmitï utamaru mantancani ucasti Raquel, uqhamaraqui Lea warminacjamäpan, jiwasa Israelit jakenacajj jupanacan wawanacapäpjjtanwa! Jumasti suma aytat jakëma aca Efrata sat Belén marcanjja.