Génesis 11:6 - Qullan Arunaca ucatsti saraquïnwa: “Jupanacajj mä sapa marcaquïpjjewa, mä sapa arucwa parlapjjaraqui, ucatpï aca lurañjja kalltapjjejja, jichhasti jupanacajj janiw uca lurañjja apanucupcaspati. Aymar Bibliia 1986 ucatsti saraquïnwa: “Jupanacajj mä sapa marcaquïpjjewa, mä sapa arucwa parlapjjaraqui, ucatpï aca lurañjja kalltapjjejja, jichhasti jupanacajj janiw uca lurañjja apanucupcaspati. Qullan Arunaka DC ukatsti sänwa: “Jupanakax mä sapa markakïpxiwa, mä sapa laxrak parlapxaraki, ukatpï uka lurañ qalltapxixa, jichhasti jupanakarux janiw kunas uk lurañ jark'kaspati. |
Saraquïnwa: “Jichhajj jakejj jiwasat maynïcaspas uqhamaw tucjje, cunatejj asquïqui, uqhamarac cunatejj ñankhäqui ucsa yatjjaraquiwa. Jichhasti capasaquiw jacañ kokan achupatsa mank'antaspa, uqhamat wiñay jacañataqui” sasa.
Cunapachatejj Tatitojj jakenacan sinti jan walinaca lurapjjatap uñjän ucqhajja, uqhamaraqui jakejj ñankha lurañacpuni amtascatapatjja,
Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.
Aca quimsaniw Noén wawanacapajja, jupanacan wawanacapampisti wastatwa aca orake phokhantapjjäna.
Chica uröjjäna ucqhasti, Eliasajj jupanacatjja sawcasïnwa, aqham sasa: “Jach'at art'apjjam, jupajj diosawa uca laycu. Inas cunanacs lup'iscchi, jan ucajj cuna lurañanacapwa lurascpacha, jan ucajj sarascaracchi. ¡Inas iquiscaracchi, ucatjja sartayaña waquischi!” sasa.
Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.
“Cosecha horasataqui quimsa phajjsi faltquipansa jalljja janiw apayanipcsmati. Mä marcarusti jalljja puriyaractwa, mayarusti janiraqui; mä chekarusti jallojj puriwa, mä chekasti umatjamajj pharsuscaraquiwa.
Jach'a muspharcañ luräwinac luri, uqhamaraquiw jach'a jach'a tucurinacarus atipjaraqui.
“Jupasti mä sapa jaketacracwa take cast jakenacsa mirtayi take acapachan utjañapataqui. Jupan munañaparaquiw jakenacan kawkha maranaca acapachan utjañapasa, uqhamarac cawqhacam jacañapasa.
Jichhasti, ¡sarapjjam, ucat mayipjjaraquim yanapa cawquïr diosanacarutejj ajllisipcta ucanacaru! ¡Jupanacasti jumanacarojj khespiypan cunapachatejj wali llaquita, jan walt'añana jicjjatasipcta ucqhajja!” sasa.