Génesis 1:9 - Qullan Arunaca

Ucatsti Diosajj sänwa: “Alajjpachat aynachancqui uca umanacajj, mayawjar tantacht'aspan, uqhamat wañajj uñstañapataqui” sasa. Ucatsti uqhampuniw lurasïna.

Aymar Bibliia 1986

Ucatsti Diosajj sänwa: “Alajjpachat aynachancqui uca umanacajj, mayawjar tantacht'aspan, uqhamat wañajj uñstañapataqui” sasa. Ucatsti uqhampuniw lurasïna.

Qullan Arunaka DC

Ukatsti Diosax sänwa: “Alaxpachat aynachankki uka umanakax mayawjar tantacht'aspan, ukhamat wañan uñstañapataki” sasa. Arsutapasti ukhamapuniw phuqhasïna.

Génesis 1:9 Jak'a apnaqawi uñst'ayäwi

Génesis 1:8

Diosasti uca jaljtayatarojj alajjpacha sasaw sutichäna. Uqhamaw payïri urojj phokhasïna.

Nehemías 9:6

Ucatjja Esdrasajj saraquïnwa: “Jumaquïtawa Tatitojja, uqhamarac janiw yakha Diosajj utjquiti. Jumaraquiw alajjpachsa lurtajja, uqhamarac alajjpachata juc'amp altoncqui ucsa, ucatsti take warawaranacsa; jumaraquiw oraksa lurtajja take cunatejj ucan utjqui ucanacamppachsa, jach'a kotanacsa, uqhamarac cunatejj ucan utjqui take ucanacsa. Jumaw take cunanacarus jacaña churtajja. Ucataracwa alajjpachanquir angelanacas jumar yupaychapjjtamjja.

Job 26:10

Khanampina, ch'amacampina korpapsti jach'a kota tucuyaruwa uscuraqui.

Job 26:7

Diosajj alajjpachjja jan cunjjaruquiwa janatatänjja, acapachsa jan cunjjaruquiwa warct'araquejja.

Salmos 104:3

Jumaw utjäwimarojj umanacjjar utt'aytajja; kenayanacajj juman sarnakañ carronacawa, thayan chhekhanacapjjan sarnakaractajja.

Salmos 33:7

Jupaw lamar kot umanac mayawjaruc tantachi, mayawjaruquiw lamar kotarojj jarc'jjäsi.

Salmos 95:5

Jach'a lamar kotajj jupanquiwa, jupaw lamar kotarojj utjayi, amparapampiw waña orak utjayaraqui.

Eclesiastés 1:7

Take jawiranacaw jach'a lamar kotarcama sarapjje, ucampis lamar kotajj janipuniw phokharquiti; jawiranacasti kallta sartäwiparuwa cutt'ani, wastatampi uca pachpa jawiranac jalañataqui.

Jeremías 5:22

Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Jonás 1:9

Jonasasti saraquïnwa: —Nayajj hebreötwa, kotanacsa, oraksa luriri alajjpachanquir Tatit Diosaru yupaychirïtwa —sasa.

2 Pedro 3:5

Jupanacajj janiw amuyt'asiñ munapquiti, alajjpachajj nayratpacha utjascatapapuni, uqhamarac aca orakes Dios quipcana umat apsutätapa, umïpanracwa jichhas utjasqui.

Apocalipsis 10:6

Ucatsti mä juramento luraraquïna, qhititejj wiñayataqui jacqui, qhitiraquitï alajjpachsa, acapachsa, kotsa, take cunsa lurqui ucan sutipjjaru: “Janiw jichhajj juc'ampi suyascjjaniti.