Éxodo 9:7 - Qullan Arunaca

Faraonajj israelitanacan uywanacap uñjiriw qhithäna, ucampis jan maya uywanacapas jiwatap yatisinsti, faraonajj chuymap kalarayasïna, ucatsti janiw israelitanacarojj sarjjapjjañapataquejj antutcjjänti.

Aymar Bibliia 1986

Faraonajj israelitanacan uywanacap uñjiriw qhithäna, ucampis jan maya uywanacapas jiwatap yatisinsti, faraonajj chuymap kalarayasïna, ucatsti janiw israelitanacarojj sarjjapjjañapataquejj antutcjjänti.

Qullan Arunaka DC

Faraonax israelitanakan uywanakap uñjiriw khithäna, ukampis janiw mayas uywanakapat jiwkataynati. Ukhamäkipansa, faraón reyix chuymap qalarayasiskakïnwa, ukatsti janiw israelitanakarux sarxapxañapatak antutkänti.

Éxodo 9:7 Jak'a apnaqawi uñst'ayäwi

Job 9:4

Diosajj jach'awa ch'amanïñansa, uqhamaraqui yatiñ cancañansa; ¿qhitirac Dios nayrakatanjja sayt'asispa, ucatsti jan cunaqui mistjjaraquispasti?

Éxodo 3:19

Ucampis nayajj yattwa, Egiptonquir reyejja janiw antutañ munapcätamti, janitejj wali ch'amampi jariyt'atäcani ucajja.

Éxodo 7:13

Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Éxodo 7:14

Ucjjarusti Tatitojj Moisesar parlascaquïnwa: —Faraonasti colerañampi chuymapan kalarayasisajja janiw israelitanacarojj antutañ munquiti.

Éxodo 8:32

Ucampis faraonajj chuymapa kalarayasisajj janiraquiquiw israelitanacar antutañ muncjjaraquiquïnti.

Éxodo 9:12

Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja.

Éxodo 9:8

Tatitusti Moisesampiru, Aaronampirojj sänwa: —Jumanacasti mä hornota khella jach'tanipjjam, ucatsti Moisesajj uca khelljja altor willtpan, faraonan nayrakatapanjja.

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Isaías 48:4

Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Daniel (hebreo) 5:20

Ucampisa cunapachatejj sinti munañani tucjjäna, uqhamaraqui jach'a jach'a tucuñampi phokhantayasïna, ucapachaw Diosajj apakjjäna, take ch'amapsa uqhamaraqui jach'a cancañapsa reyïtap laycu.

Romanos 9:18

Uqhamasti Diosajj qhuyapt'ayasiwa qhitirutejj munquis ucaruqui, uca quipcaraquiw chuyma kalarayi qhitinacarutejj chuymaps kalarayañ munqui ucanacarojja.